Paul Day
| Biografía | |
|---|---|
| Nacemento | 1967  (56/57 anos)West Sussex, Reino Unido |
| Datos persoais | |
| País de nacionalidade | Reino Unido |
| Actividade | |
| Ocupación | escultor |
| Lingua | Lingua inglesa |
| Páxina web | pauldaysculpture.com |
Paul Day, nado en Horsham, West Sussex en 1967, é un escultor británico autor de altorrelevos, baixorrelevos, esculturas e trompe-l'œils en bronce, resina e terracota.
Tamén é salientable o seu traballo como deseñador dalgunhas moedas conmemorativas cuñadas pola Royal Mint, de Londres.
Traxectoria[editar | editar a fonte]
Paul Day iniciou a súa educación artística cun curso básico en Colchester (1987-1988) e logo no Darlington College of Arts, Devon (1988-1989),[3] e completou a súa formación na Cheltenham School of Art, onde se graduou en Belas Artes en 1991.[4][5]
Logo da súa etapa formativa comezou a traballar como creador, coa axuda dunha bolsa concedida polo Prince of Wales Business Trust, e participou en exposicións notables, como a da Galería de Arte Moderna do Museo Cheltenham.[3]
Posteriormente trasladouse a Francia, xunto coa súa esposa Catherine, desta nacionalidade,[3] e fixou a súa residencia en Dijon, Côte-d’Or.[6][7]
Escultor[editar | editar a fonte]
Como creador artístico, é recoñecido internacionalmente polas súas obras instaladas en lugares públicos de toda Europa. Logo da súa primeira exposición en París en 1995, a segunda vez que expuxo nesa cidade concentrou 8.000 visitantes, e a de Bruxelas de 2001 contou con 5.000. Ademais, recibiu encargas de varios países e realizou exposicións en Alemaña, Bélxica, o Reino Unido, o Canadá, os Estados Unidos e diversas localidades francesas.[3][5]
En decembro de 2017, Day recibiu críticas por aceptar a encarga dunha escultura en Moscova do finado líder uzbeko Islam Karimov, "amplamente considerado como un dos ditadores máis desapiadados da historia recente", ao que el respondeu: "Sigo a corrente".[8]
Day basea a súa obra na representación do mundo real e inspírase en figuras humanas para lles dar vida en medio de escenarios urbanos que parecen sacados dos cómics. Para as súas obras, Day deseña primeiros proxectos en terracota e estuda a luz para lle dar unha especificidade ao material. O seu xogo de volumes e perspectivas transgride as escalas reais, esmagando ou agrandando os personaxes das escenas e creando unha atmosfera teatral.[6]
Deseñador de moedas[editar | editar a fonte]
Paralelamente ao seu labor como escultor, Paul Day encargouse tamén do deseño de dúas moedas conmemorativas emitidas pola Royal Mint, de Londres. En 2012 encomendóuselle un reverso en conmemoración do Xubileu de Diamante —os 60 anos de ascensión ao trono— da raíña Isabel II, que se cuñou en todas as moedas da serie do soberano de ouro, cun anverso deseñado por Ian Rank-Broadley.[9][10][11]
En 2018, Day ocupouse dun novo reverso, creado para conmemorar o centenario do armisticio que puxo fin á primeira guerra mundial. Este reverso cuñouse nunha serie de moedas conmemorativas de prata e de ouro con valores de 10, 500 e 1.000 libras esterlinas, emparellado cun anverso creado por Jody Clark.[12][13]
Recoñecementos[editar | editar a fonte]
Ao longo da súa carreira artística Paul Day recibiu, entre outros, os seguintes recoñecementos:[4][5]
- 1988: Premio Sir Alfred Munnings.
- 1991: Premio Prince's Trust.
- 1993: Premio Fondation Taylor, do Salon des Artistes Français, París.
- 1999: Premio Susse Fonderie, París.
- 2006: Doutoramento Honoris Causa pola Universidade de Gloucestershire, Inglaterra.
Escolma de obras[editar | editar a fonte]
-
Monumento á Batalla de Inglaterra (detalle), Londres. -
Outro detalle da mesma obra. -
The Meeting Place, Londres. -
Memorial de Iraq e Afganistán, Londres.
.JPG)
.jpg)
- La Comédie Urbaine (2000), friso de terracota de 25 m de longo. Galerías Reais Saint-Hubert, Bruxelas.[14]
- Monumento á Batalla de Inglaterra (2005). Victoria Embankment, Londres.[15][16][17]
- The Meeting Place (2007), estatua de bronce de 9 m de alto. Estación de Saint-Pancras, Londres.[18][19] Hai unha maqueta en terracota desta escultura no Museo de Belas Artes de Beaune.[6]
- The Queen Mother Memorial (2009), dúas esculturas en bronce, The Mall, Westminstaer, Londres.[1][2][20]
- Charolais Cattle (2015), grupo de tres esculturas de vacas en bronce. Hawke's Bay, Nova Zelandia.[21][22]
- Memorial de Iraq e Afganistán (2017), xardíns Victoria Embankment, Londres.[23][24][25]
- Monumento a Islam Karimov (2018), na praza Islam Karimov, Moscova, Rusia.[26]
- A Beautiful Day in the Neighborhood (2021), Rollins College, Winter Park, Florida.[27][28]
Notas[editar | editar a fonte]
- ↑ 1,0 1,1 "The Queen Mother Memorial". Pauldaysculpture.com
- ↑ 2,0 2,1 "Royal unveiling for statue of the Queen Mother". En The Guardian. 25 de febreiro de 2009.
- ↑ 3,0 3,1 3,2 3,3 "Monument sculptor". The Battle of Britain London Monument. Battle of Britain Historical Society (bbm.org.uk).
- ↑ 4,0 4,1 "Paul Day b. 1967". Artuk.org
- ↑ 5,0 5,1 5,2 "Paul Day Biography". En Pauldaysculpture.com
- ↑ 6,0 6,1 6,2 "Les Amoreux". Musée des Beaux-arts Beaune (Beaune.fr).
- ↑ "My Week: Paul Day". En The Telegraph. 27 de outubro de 2007.
- ↑ Walker, S. (2017). "Briton criticised over sculpture of 'terrible' Uzbek dictator Karimov". En The Guardian. 20 de decembro.
- ↑ ¼, ½, 1, 2 e 5 soberanos. Numista.com
- ↑ "Paul Day - Sovereign 2012 Reverse Designer". The Royal Mint (Royalmint.com).
- ↑ "2012 sovereign has new design". En Coin World (Coinworld.com). 18 de novembro de 2011.
- ↑ 10 (Ag), 10 (Au), 500 e 1.000 libras. Numista.com
- ↑ "Armistice Arrives". The Royal Mint (Royalmint.com).
- ↑ "La Cómédie Urbaine". Pauldaysculpture.com
- ↑ "The Battle of Britain Monument". Pauldaysculpture.com
- ↑ "The Monument Commemorating the Battle of Britain". Battle of Britain Historical Society (bbm.org.uk).
- ↑ "Prince unveils Battle of Britain monument". En The Telegraph. 18 de setembro de 2005.
- ↑ "The Meeting Place". Pauldaysculpture.com
- ↑ Milmo, C. (2007). "Art that embraces a new future for St Pancras". En The Independent. Londres, 14 de febreiro.
- ↑ "Design selection for Queen Elizabeth The Queen Mother memorial". The Royal Household (Royal.ok).
- ↑ "Charolais Cattle (NZ)". Pauldaysculpture.com
- ↑ O'Sullivan, P. (2015). "That's a load of bronze bovine right there". En NZ Herald (Nzherald.co.nmz). 3 de outubro.
- ↑ "The Iraq and Afghanistan Memorial". Pauldaysculpture.com
- ↑ "Iraq and Afghanistan wars memorial unveiled". En BBC News. 9 de marzo de 2017.
- ↑ Davies, C. (2017). "Queen unveils Iraq and Afghanistan war memorial amid fury at Blair presence". En The Guardian. 9 de marzo.
- ↑ "В Москве в торжественной обстановке открыт памятник Первому Президенту Узбекистана Исламу Абдуганиевичу Каримову [Inaugurado en Moscova un monumento ao primeiro presidente de Uzbekistán, Islam Abduganievich Karimov]". Uzembassy.ru. 18 de outubro de 2018.
- ↑ "A Beautiful Day in the Neighborhood". Pauldaysculpture.com
- ↑ Humphreys, R. (2021). "Crafting an Icon". En Rollins. 28 de maio.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Paul Day  |