Morcego das hortas

Morcego das hortas
Estado de conservación
Pouco preocupante
Clasificación científica
Reino: Animalia Filo: Chordata Clase: Mammalia Orde: Chiroptera Suborde: Microchiroptera Familia: Vespertilionidae Subfamilia: Vespertilioninae Xénero: Eptesicus Subxénero: Eptesicus (Eptesicus) Especie: E. serotinus
Nome binomial
Eptesicus (Eptesicus) serotinus (Schreber, 1774)
Mapa de distribución de E. serotinus
Subespecies
E. (E.) serotinus subsp serotinus, Schreber, (1774). E. (E.) serotinus subsp andersoni, Dobson, (1871). E. (E.) serotinus subsp boscai, Cabrera, (1904). E. (E.) serotinus subsp horikawai, Kishida, (1924). E. (E.) serotinus subsp isabellinus, Temminck, (1840). E. (E.) serotinus subsp Pachyomus, Tomes, (1857). E. (E.) serotinus subsp pallens, Miller, (1911). E. (E.) serotinus subsp pashtonus, Gaisler, (1970). E. (E.) serotinus subsp shirazensis, Dobson, (1871). E. (E.) serotinus subsp turcomanus, Eversmann, (1840).
Sinonimia
gabonensis, Trouessart, (1897).

O morcego das hortas (Eptesicus serotinus) é unha especie de morcego da familia Vespertilionidae.

Descrición

Morcego de talle grande e pelo monocor co lombo pardo escuro e o bandullo máis claro, os máis novos son de cor agrisada. Orellas triangulares e curtas, as membranas das ás insérense na base dos pés. As femias son maiores cós machos, teñen unha medida de corpo entre 46 e 55 mm e un peso entre 17 e 28 gramos. A súa fórmula dentaria é ${\frac {2.1.1.3}{3.1.2.3}}$.

Distribución

Distribución

Preséntase na maior parte de Europa, da Península Ibérica, no sur de Inglaterra, sur de Suecia e nos Países Bálticos, no centro de Rusia, sur dos Urais e no Cáucaso, Noroeste de África, Cirenaica, Illas Mediterráneas, Turquía, Líbano, Israel, Siria, Irán, Afganistán, Casaquistán, Turkmenistán, Uzbequistán, Kirguizistán, Mongolia, China, Península de Corea, Taiwan, Himalaia do noroeste de India, Tailandia até Laos polo leste; e talvez na África subsahariana. En España localízase en Castela e León, no norte de Castela-A Mancha, Val do Ebro e País Vasco. No resto tras unha diferenciación recente, utilizando técnicas moleculares, comprobouse a existencia da nova especie, Eptesicus isabellinus, antes unha subespecie de E. serotinus, e que ocuparía as zonas máis termofilas da Península e norte de África.

Hábitat

Morcego preferentemente fisurícola, preferentemente en rochas e en moita menos proporción ocos de árbores, están adaptados ás fendas de todo tipo de construcións humanas. Prefire zonas baixas, aínda que se atopou até os 1.800 m na Serra das Neves, (Málaga).

Ameazas

A selaxe inaxeitada das xuntas de dilatación das infraestruturas e edificios utilizados como refuxio levan a desaparición das colonias. Nalgúns países poténcianse as poboacións dispondo fendas axeitadas en obras públicas (pontes, viadutos etc.).

Patoloxías

É o principal portador, na saliva, dun virus rábico denominado EBL1, (European bat Lyssavirus). En brotes infecciosos virulentos a mortalidade pode verse aumentada un 30% por mor da enfermidade.

Os casos de transmisión da enfermidade da rabia a mamíferos non morcegos, incluído o home, son moi raros, malia iso débese evitar o contacto coa especie.

Véxase tamén

Bibliografía

• SIMMONS, N. B. Order Chiroptera. In: WILSON, D. E.; REEDER, D. M. (Eds.). Mammal Species of the World: A Taxonomic and Geographic Reference. 3. ed. Baltimore: Johns Hopkins University Press, 2005. v. 1, p. 312-529.
• Chiroptera Specialist Group 1996. Eptesicus serotinus. In: IUCN 2007. 2007 IUCN Rede List of Threatened Species. <www.iucnredlist.org>. Consultado o 20 de setembro de 2008.
• Eptesicus serotinus, en Wilson, D. E. & Reeder, D. M. (editors). 2005. Mammal Species of the World. A Taxonomic and Geographic Reference (3rd ed).(en inglés)
• Eptesicus serotinus(en castelán) no Atlas da biodiversidade do Ministerio de Medio Ambiente (MMA). Arquivo en pdf.