KK Crvena zvezda

Na Galipedia, a Wikipedia en galego.
KK Crvena zvezda
Logo FC Red Star Belgrade.svg
Información xeral
Nome КК Црвена звезда
Liga KLS / ABA / Euroliga
Alcume Zvezda (Estrela)
Crveno-beli (Albivermellos)
Fundación 1945
Cores           Vermello, branco
Presidente Flag of Serbia.svg Nebojša Čović
Adestrador Flag of Montenegro.svg Dejan Radonjić
Seareiros Delije
Localización
Cidade Flag of Serbia.svg Belgrado, Serbia
Pavillón Hala Pionir
Capacidade 8.150
Inauguración 1 de xuño de 1973
Campionatos
C. Saporta 1 (1974)
ABA Liga 1 (2015)
Liga 16 (1946–1955, 1969, 1972, 1993–1994, 1998, 2015)
Copa 8 (1971, 1973, 1975, 2004, 2006, 2013–2015)
kkcrvenazvezda.rs

O Košarkaški klub Crvena zvezda (en serbio: Кошаркашки клуб Црвена звезда, Club de Baloncesto Estrela Vermella) é un equipo profesional de baloncesto de Belgrado (Serbia) fundado en 1945. O nome de Crvena zvezda significa Estrela Vermella, e forma parte da Sociedade Deportiva Estrela Vermella de Belgrado.

O Crvena zvezda é xunto co Partizan Belgrado, o primeiro club de baloncesto de Belgrado, e de Serbia en xeral, en número de títulos acadados, con 15 títulos de liga. Porén, o Estrela Vermella acadou menos éxitos internacionais que o Partizan, ao conquistar só unha Recopa de Europa en 1974, pese a ter disputado dúas finais máis da Recopa e dúas finais da Copa Korać.

Compite na Košarkaška liga Srbije, a liga nacional de Serbia, que determina que equipos serbios xogan a Euroliga e cales a ULEB Eurocup. Tamén é membro da Adriatic Basketball Association, polo que tamén xoga na Liga do Adriático. Disputa os seus encontros no pavillón Pionir Hall de Belgrado, inaugurado en 1973. A cancha, que conta cunha capacidade para 8.150 espectadores, compártea cos seus rivais da cidade, o KK Partizan. Os fans do Crvena zvezda son coñecidos como "Delije".

Historia[editar | editar a fonte]

Comezos e dinastía (1940-1950)[editar | editar a fonte]

Ao gañar o primeiro dos seus dez títulos de liga consecutivos trala Segunda Guerra Mundial, a época dourada do Estrela Vermella comezou. Ningunha selección nacional nacional podería imaxinarse sen sete ou oito xogadores de baloncesto do Estrela Vermella e no seu quinteto titular aparecen xogadores como Nebojša Popović, Tulio Roklicer, Aleksandar Gec, Ladislav Demšar ou Srđa Kalember. O seu estilo era único, e fixo que o baloncesto en Serbia se volvese máis popular, logrando os primeiros grandes resultados internacionais para a antiga Iugoslavia.

O equipo xogaba nunha cancha descuberta en plena fortaleza de Kalemegdan, na cidade alta de Belgrado, a grandeza deste equipo non pode negarse. Foron os pioneiros do baloncesto iugoslavo e alcanzaron resultados sorprendentes, entretendo á audiencia co seu estilo de xogo, do mesmo xeito que coa súa harmonía equipo tanto dentro como fóra da cancha. Despois dunha década chea de éxitos, o seu xogo comezou a declinar, o cambio xeracional chegou e o Estrela Vermella non volveu gañar ningún título en catorce longos anos.

Un xigante renace (1960-1970)[editar | editar a fonte]

O Crvena zvezda en 2015.

Despois de moito tempo de espera, o undécimo título foi gañado na tempada 1968-69, cando a Estrela Vermella gañou os seis partidos disputados durante a tempada contra Jugoplastika, Zadar e o Partizan, por tanto demostrando ser mellor que os seus tres grandes rivais. Encabezados por Vladimir Cvetkovic, o título foi gañado por Kapičić, Lazarević, Sarjanović, Simonović, Skulić, Slavnić, Pavlović, Đurić, Todosijević, Vučinić e Kapetanović. Nese momento foron o equipo con menos media de idade en gañaren o campionato de baloncesto iugoslavo.

O duodécimo título gañouse na tempada 1971-72, despois de que o éxito Zvezda na liga se fose deteriorando progresivamente. Nos anos 70 o club gañou a Copa de Iugoslavia en tres ocasións, destacando neses anos os xogadores por Slavnić, Simonović, Kapičić, Vučinić e Živković. Esta xeración de xogadores definitivamente fallou á hora de certificar o seu talento ao gañar tan só dúas ligas e tres copas nacionais. Con todo, considerábaselles capaces de atinxiren moito máis.

Novo regreso (1990)[editar | editar a fonte]

Os primeiros anos 90 caracterizáronse polos play-off finais contra o seu eterno rival, o Partizan, en 1992, perdendo finalmente dirixidos polo adestrador Dušan Vujošević. Con todo, o décimo terceiro título de liga foi gañado, despois dun intervalo de vinte e un anos, en 1993, tras gañar no quinto partido da final ao Partizan. Os xogadores que gañaron ese campionato son: Obradović, Ilić, Jovanović, Marinković, Jovanović, Lisica, Tomašević, Vidačič, Trifunović, Cvetković, Kaličanin e Stojaković (daquela só un mozo). Na seguinte tempada o Estrela Vermella gañou o seu décimo cuarto título de liga, literalmente, sen ningún problema. Na final dos playoffs varreron ao Partizan por 4 a 1.

O Zvezda gañou o campionato de liga por décimo quinta vez en 1998. Nos playoffs finais o Estrela Vermella venceu ao FMP Zeleznik por un marcador global de 3 a 1. A estrela principal dese equipo foi sen dúbida ao ala-pivote titular da selección iugoslava Milenko Topić, que contou coa axuda de xogadores como Rakočević, Popović ou Bolić.

Novo milenio (2000)[editar | editar a fonte]

Nemanja Bjelica.

Na primeira parte de 2002, o club cambio totalmente á súa dirección completa, e empresarios e políticos próximos ao Partido Demócrata, como Živorad Anđelković (alcumado Zika Pauk), Goran Vesić, e Igor Žeželj, fixéronse cargo de postos clave no club. Dende o verán de 2002 en diante, concibiuse un proxecto denominado "Evropska Zvezda" (Estrela Europea) co fin de, lenta e metodicamente, conseguir o regreso do club á súa antiga gloria. Para iso, o equipo contratou ao adestrador esloveno Zmago Sagadin, que se converteu na peza central da organización do club. Na súa primeira tempada en realidade non foi Sagadin o adestrador do equipo, xa que o papel foi dado a Aleksandar Trifunović, mais si tomou tódalas decisións importantes con respecto ao cadro de xogadores coma director deportivo. Finalmente, baixo a dirección de Sagadin o Estrela Vermella entrou na Liga do Adriático na tempada 2002-03. En agosto de 2003, antes da tempada 2003-04, Sagadin fíxose cargo das funcións de adestrador formalmente. A pesar de tódolos esforzos, o club non logrou gañar ningún trofeo importante neste período, e en novembro de 2004 Sagadin foi despedido.

Nos últimos anos o club está a loitar por volver a unha dinámica de vitorias, logrou gañar a Copas de Serbia en 2004 e 2006. A primeira delas tivo como escenario Novi Sad, onde venceron ao Partizan, aos locais da Vojvodina e, por último, ao Refleks de Železnik. Como curiosidade, os tres partidos os gañou na prórroga en tempo extra, algo destacable sobre todo ao ter en conta que o Estrela Vermella non contaba con algúns dos seus xogadores máis importantes, entre eles o capitán do equipo Igor Rakočević, que se perdeu a final. Ademais Rakočević, a copa foi gañada por Jeretin, Radivojević, Dozet, Mirković, Richardson, Bjelica, Đurić, Dragojlović, Bogdanović, Vitkovac e Nešović. A copa de 2006 foi cunha ampla vitoria sobre o Hemofarm por 80:65. O equipo campión estivo adestrado por Dragan Šakota, que contaba cos xogadores Gurović, Henderson, Raičević, O'Bannon, Milošević, Subotić, Mišanović, Dragojlović, Vitkovac, Radivojević e Antić.

Pavillón[editar | editar a fonte]

Interior do Pionir Hall.
Artigo principal: Pionir Hall.

O Pavillón Pionir Hall ou Pionir Arena (en serbio: Хала Пионир, Hala Pionir) é o pavillón onde xoga os seus encontros coma local o Crvena zvezda. Está siutado en Belgrado, concretamente na municipalidade de Palilula e a súa capacidade é de 8.150 espectadores. Foi construído en 1973, en tan só once meses, pola empresa construtora "Energoprojekt". Nesa época, o baloncesto iugoslavo estaba en pleno apoxeo, e aínda que Pionir ten organizado moitos eventos deportivos diferentes, como voleibol ou balonmán, rapidamente se fixo coñecido como un santuario do baloncesto.

O equipo nacional de Iugoslavia gañou o ouro europeo en 1975, baixo o seu teito, e tamén trouxo sorte aos campións de Lituania, o Žalgiris Kaunas, en 1998 cando gañaron a Copa Saporta. O Pionir é hoxe un moderno polideportivo totalmente equipado, que pode cumprir satisfactoriamente as normas básicas das competicións europeas. Este pavillón compárteo cos seus grandes rivais e compañeiros de cidade, o Partizan, aínda que este último xoga algúns dos seus encontros da Euroliga no novo Beogradska Arena, con capacidade para 23.000 espectadores.

Xogadores[editar | editar a fonte]

Cadro actual[editar | editar a fonte]

KK Crvena zvezda 2015–2016
Xogadores Adestradores
Pos. # Nac. Nome Altura Peso
B 4 Flag of Serbia.svg Rebić, Nikola 70001880000000000001.88 m (6 ft 2 in) 700180000000000000080 kg (176 lb)
E-A 6 Flag of Serbia.svg Dangubić, Nemanja 70002040000000000002.04 m (6 ft 8 in) 700188000000000000088 kg (194 lb)
AP 9 Flag of Serbia.svg Mitrović, Luka (C) 70002049999999999992.05 m (6 ft 9 in) 7002102000000000000102 kg (225 lb)
E-A 10 Flag of Serbia.svg Lazić, Branko 70001950000000000001.95 m (6 ft 5 in) 700187000000000000087 kg (192 lb)
E-A 11 Flag of Slovenia.svg Blažič, Jaka 70001960000000000001.96 m (6 ft 5 in) 700196000000000000096 kg (212 lb)
AP-P 15 Flag of Serbia.svg Tejić, Marko 70002100000000000002.10 m (6 ft 11 in) 7002105000000000000105 kg (231 lb)
E-A 20 Flag of Serbia.svg Radanov, Aleksa 70002020000000000002.02 m (6 ft 8 in) 700186000000000000086 kg (190 lb)
P 21 Grecia Schortsanitis, Sofoklis 70002080000000000002.08 m (6 ft 10 in) 7002156000000000000156 kg (344 lb)
B 24 Flag of Serbia.svg Jović, Stefan 70001980000000000001.98 m (6 ft 6 in) 700194000000000000094 kg (207 lb)
P 33 Alemaña Zirbes, Maik 70002080000000000002.08 m (6 ft 10 in) 7002115000000000000115 kg (254 lb)
P Flag of Serbia.svg Nastić, Stefan 70002110000000000002.11 m (6 ft 11 in) 7002111000000000000111 kg (245 lb)
E-A Flag of the United States.svg Thompson, Ryan 70001980000000000001.98 m (6 ft 6 in) 7002100000000000000100 kg (220 lb)
B Flag of Israel.svg Mekel, Gal 70001910000000000001.91 m (6 ft 3 in) 700187000000000000087 kg (192 lb)
Adestrador
Asistente(s)
  • Flag of Montenegro.svg Borko Radović
  • Flag of Serbia.svg Saša Kosović
  • Flag of Serbia.svg Nikola Birač
Adestrador(es) físico(s)
  • Flag of Montenegro.svg Dragan Gačević



Lenda
  • (C) Capitán
  • (E) Xoga só na Euroliga
  • (ca) Procede da canteira
  • Lesionado Lesionado

Cadro
Actualizado: 26-08-2015

Palmarés individual[editar | editar a fonte]

Milan Gurović.

Basketball Hall of Fame

FIBA Hall of Fame

50 maiores contribuidores da Euroliga

MVP Awards

Destacados[editar | editar a fonte]

Igor Rakočević.

Palmarés[editar | editar a fonte]

Títulos internacionais[editar | editar a fonte]

Crvena zvezda

Títulos nacionais[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]

Commons
Wikimedia Commons ten máis contidos multimedia na categoría: KK Crvena zvezda