Nemanja Nedović

Nemanja Nedović

Unicaja Málaga  – No. 16
Base / Escolta
Información persoal
Nacemento	16 de xuño de 1991 (27 anos) Nova Varoš, Serbia, Iugoslavia
Nacionalidade	Eslovenia
Altura	1,91 m (6 ft 3 in)
Peso oficial	87 kg (192 lb)
Información da carreira
NBA Draft	2013 / Rolda: 1 / Elección: 30 Por Phoenix Suns
Carreira	dende 2008
Historial de equipos
KK Crvena zvezda (2008–2012) Lietuvos Rytas (2012–2013) Golden State Warriors (2013–2014) →Santa Cruz Warriors (2013–2014) Valencia Basket (2014–2015) Unicaja Málaga (2015–presente)

Nemanja Nedović, nado o 16 de xuño de 1991 en Nova Varoš, é un xogador serbio de baloncesto profesional que xoga no Unicaja Málaga da Liga ACB.

Traxectoria profesional

Europa

Nedović comezou adestrando co Ascoli italiano cando tiña 11 anos, xa que o seu pai xogaba ó balonmán nun equipo desa cidade. Despois diso, adestrou dous anos en Nova Varoš, a súa cidade natal. No ano 2005, con tan só 15 anos, fichou polo Estrela Vermella de Belgrado, onde se convertiu en campión co seu equipo xuvenil.

Máis tarde foi ascendido ó primeiro equipo, onde debutou de forma profesional. Xogou no Estrela Vermella ata xuño de 2012, cando fichou polo BC Lietuvos Rytas lituano. Alí debutou na Euroliga, onde fixo 9.8 puntos, 2.5 rebotes e 2.1 asistencias por partido.

NBA

O 27 de xuño de 2013, Nedović foi elixido na 30ª posición do Draft da NBA de 2013 polos Phoenix Suns, quenes o traspasaron ós Golden State Warriors. Asinou cos Warriors o 9 de xullo de 2013. Durante a súa tempada coma rookie, foi asignado varias veces ós Santa Cruz Warriors, afiliado de Golden State na NBA Development League.

Volta a Europa

O 14 de novembro de 2014, Nedović asinou un contrato de dous anos co Valencia Basket da Liga ACB. En cinco partidos xogados na Euroliga co Valencia, acadou 8 puntos e 3.6 asistencias por encontro. O 2 de xullo de 2015, Nedović e o Valencia romperon a súa vinculación.

No mesmo día que deixaba o Valencia, Nedović asinou un contrato dun ano co Unicaja Málaga.

Véxase tamén

Ligazóns externas

• Perfil en ACB.com (en castelán)
• Perfil en NBA.com (en inglés)
• Estatísticas en Basketball-Reference.com (en inglés)
• Perfil en Euroleague.net (en inglés)