Jorge García Santos
| Jorge | |||
|---|---|---|---|
| Información persoal | |||
| Nome completo | Jorge García Santos | ||
| Nacemento | 10 de agosto de 1957 (61 anos) | ||
| Lugar | A Coruña, Galicia | ||
| Altura | 1,86 m. | ||
| Posición | Porteiro | ||
| Carreira sénior | |||
| Anos | Equipos | Aprs† | (Gls)† |
| 1975–1991 | Deportivo da Coruña | 221 | (0) |
|
* Partidos e goles só en liga doméstica. † Aparicións (Goles) | |||
Jorge García Santos, nado na Coruña o 10 de agosto de 1957, é un ex-futbolista galego. Xogaba de porteiro.
Traxectoria[editar | editar a fonte]
Porteiro unicamente vinculado ao Deportivo da Coruña, empezou a entrar nas convocatorias do primeiro equipo nas tempadas 1975–76 e 1976–77, pero sen xogar ningún partido. Na primeira viuse eclipsado por Eduardo Seoane e Ramón Canedo e na segunda por Francisco Buyo. O seu debut en Segunda División foi na tempada 1977–78 e produciuse o 23 de outubro de 1977, nun encontro que rematou en derrota contra o CE Sabadell (4–3). Xa non xogaría máis esa campaña. Coa marcha de Francisco Buyo na tempada 1978–79 disputouse o posto de titular con Manuel Guerrero, xogando 18 partidos. O retorno de Buyo na campaña 1979–80 levouno de novo ao ostracismo, sen xogar ningún partido.
Nas tempadas 1981–82, 1982–83 e 1983–84 convertiuse no porteiro titular do Deportivo, perdendo o posto nas campaña 1984–85 e 1985–86 en favor de José Luis Montes (nesta última non xogou ningún partido). Pero todo cambiou na tempada 1986–87, xa que Jorge foi titular indiscutible xogando 43 partidos. Na campaña 1988–89 perdeu protagonismo en favor do nigranés Fernando Iglesias, pero que recuperaría na seguinte tempada. Na campaña 1990–91 viuse relegado á suplencia coa chegada de Josu Anuzita. Ese ano o Deportivo ascendeu a Primeira División e Jorge retirouse, logo de 16 tempadas como branquiazul.
Véxase tamén[editar | editar a fonte]
Ligazóns externas[editar | editar a fonte]
| ||||||||||
