Joaquín Vaamonde Cornide

Joaquín Vaamonde Cornide

Joaquín Vaamonde Cornide en 1897, foto de Antonio Portela Paradela.
Biografía
Nacemento	27 de xaneiro de 1872 A Coruña, España
Morte	18 de agosto de 1900 (28 anos) Pazo de Meirás, España
Actividade
Ocupación	pintor

Joaquín Vaamonde Cornide, nado na Coruña en 1872 e finado no Pazo de Meirás en 1900, foi un pintor galego encadrado dentro da Xeración Doente.

Traxectoria

Iniciouse no mundo da pintura da man do pintor compostelán Modesto Brocos, e axiña deixa a súa cidade natal para viaxar a Montevideo e Buenos Aires. Volveu aos 22 anos de idade xa convertido nun artista cun estilo de seu. A finais do século XIX conseguira facerse cun nome en Madrid, en parte grazas á influencia na cidade da escritora Emilia Pardo Bazán que naquel tempo triunfaba na literatura española como escritora e como figura pública. A súa complicidade era tal que a escritora converteuno no protagonista de La Quimera, onde era retratado coma un pintor novo con talento que desprezaba o seu traballo de retratista da burguesía, desexando ser como os grandes mestres que observa no Museo do Prado. Aos 32 anos de idade morre debido á tuberculose.

Vaamonde en 1896.

Na actualidade atópase no Museo de Belas Artes da Coruña a súa obra sobranceira, destacando entre outras un retrato en pastel de Pardo Bazán e un retrato de Ramón Pérez Costales (promotor da Real Academia Galega xunto a Pardo Bazán).

Galería de imaxes

• 
  Retrato de Isidoro Brocos, 1894, Museo de Belas Artes da Coruña.
• 
  Retrato de Emilia Pardo Bazán, 1894.
• 
  Retrato de José María Colmeiro Rey, 1895, óleo-tea, 33x30cm, Pinacoteca FFdR.
• 
  Retrato da Condesa de Torre de Cela, 1897, Museo de Belas Artes da Coruña.
• 
  Retrato de Emilia Pardo Bazán, 1896, Museo de Belas Artes da Coruña.

Véxase tamén

Bibliografía

• Diccionario enciclopédico galego universal. La Voz de Galicia. 2003-2004. ISBN 84-7680-429-6. 
• Enciclopedia Galega Universal. Ir Indo. 1999-2002. ISBN 84-7680-288-9. 
• García Caballero, María; "VAAMONDE CORNIDE, Joaquín". Gran Enciclopedia Galega Silverio Cañada.
• García Iglesias, José Manuel (2012). Da fantasía á realidade: Pintura en Galicia de 1833 a 1936. Fundación Novacaixagalicia. ISBN 978-84-96982-58-1. 
• López Vázquez, J. M. (1990). "El arte contemporáneo" en Enciclopedia temática de Galicia, t. V-Arte, , Nauta, Barcelona (en castelán), ISBN 84-278-1210-8 (v.5).
• ———————— (1993). Tomo XV: Arte Contemporánea. Proxecto Galicia. Hércules de Ediciones. ISBN 84-89468-11-7. 
• Pablos, Francisco (1981). Plástica Gallega (en castelán). Caja de Ahorros Municipal de Vigo. pp. 330–331. ISBN 84-7231-603-3. 
• ———————— (1981). Pintores gallegos del novecientos (en castelán). Fundación Barrié. ISBN 84-85858-06-9. 
• ———————— (2003). A pintura en Galicia - La pintura en Galicia (bilingüe). Nigra Trea. ISBN 84-95364-15-8. 
• Valle Pérez (2005). A arte galega na Colección Caixanova (en castelán). Faro de Vigo. pp. 28–31. VG-914/05. 

Outros artigos

• Jenaro Carrero
• Ovidio Murguía
• Ramón Parada Justel

Ligazóns externas

• Enciclopedia online Museo Nacional del Prado (en castelán).

• Joaquín Vaamonde Cornide na Colección Afundación.
• Joaquín Vaamonde no Museo de Belas Artes da Coruña.