Hayao Miyazaki

Hayao Miyazaki
	; (2012)
Nome orixinal	(ja) 宮崎駿
Biografía
Nacemento	5 de xaneiro de 1941 (83 anos); Bunkyō ()
Outros nomes	秋津三朗 ; 照樹務
Residencia	Tokorozawa
Educación	universidade Gakushūin - ciencia política, economía (–1963); Instituto Toyotama ; Instituto Omiya
Actividade
Ocupación	director de cinema, ecoloxista, ilustrador, realizador, deseñador de personaxes, artista de banda deseñada, deseñador mecánico, letrista, montador, animador, produtor de cinema, Mangaka, guionista, director de animación
Período de actividade	1963 -
Empregador	Studio Ghibli (1985–) ; Nibariki (1984–2016) ; TMS Entertainment (1979–1984) ; Nippon Animation (1973–1978) ; Shin-Ei Animation (1971–década de 1970) ; Toei Animation (1963–1971) ; Fundación Cultural Memorial Tokuma para a Animación ; Museo Ghibli
Influencias	Osamu Tezuka, Sōji Yamakawa, Antoine de Saint-Exupéry, Ursula K. Le Guin, Moebius, Yuri Norstein e Lev Atamanov
Representante	Studio Ghibli
Obra
	Obras destacables (1972) As Aventuras de Panda e seus Amigos (pt) ; (1979) O Castelo de Cagliostro (pt) ; (1984) Kaze no Tani no Naushika; (1986) Tenkū no Shiro Rapyuta; (1988) O meu veciño Totoro; (1989) Majo no takkyūbin; (1992) Kurenai no Buta; (1997) Mononoke Hime; (2001) A viaxe de Chihiro; (2004) Hauru no Ugoku Shiro; (2008) Gake no ue no Ponyo; (2013) O vento levántase; (2023) Kimitachi wa Dō Ikiru ka ;
Familia
Cónxuxe	Akemi Ōta (1965–)
Fillos	Gorō Miyazaki, Keisuke Miyazaki
Pai	Katsuji Miyazaki
Premios
	(2024) Óscar ó mellor filme de animación, premiado polo traballo Kimitachi wa Dō Ikiru ka../... 28+ ;
Descrito pola fonte	Enciclopedia Larousse en liña; Grande Enciclopedia de Cirilo e Metodio; Kotobank (pt)
Sitio web	ghibli.jp

Este artigo amosa escritos xaponeses. Sen o soporte axeitado, o texto pode mostrar símbolos sen sentido, coma caixas, marcas e outros.

Hayao Miyazaki (宮崎駿, Miyazaki Hayao^?), nado o 5 de xaneiro de 1941 é un debuxante de manga (mangaka) e director de cine xaponés creador de numerosos traballos de animación para o cine como Mononoke Hime (1997), A viaxe de Chihiro (2001), Hauru no Ugoku Shiro (2004) e Gake no ue no Ponyo (2008).

Traxectoria

A súa infancia estivo marcada pola Segunda guerra mundial. Así toda a familia viuse obrigada a trasladarse á prefectura de Tochigi. Alí, na cidade de Kanuma, o seu tío era dono dunha fábrica de pezas para avións. Este feito espertou o seu interese polo mundo da aviación, que logo veriase reflectido na súa filmografía. Outra circunstancia que marcou a súa infancia (e obra posterior) foi a enfermidade da súa nai. Obrigada a gardar leito debido a unha tuberculose espiñal. Posteriormente na súa adolescencia interesouse polo manga, especialmente tralo visionado de Takuja den, de Taiji Yabushita^[1]. Dende que era novo soubo que se adicaría ó negocio do seu pai. Estudou ciencias económicas, pero na década dos sesenta comezou a traballar en Toei co cargo de intercalador (encargado dos debuxos entre movementos). Co tempo converteuse no secretario en xefe do sindicato, onde coñeceu a Isao Takahata, grande amigo que logo sería colega en Studio Ghibli.

Miyazaki foi gañando máis responsabilidades nos seus primeiros anos de traballo, o que o leva a colaborar con Isao Takahata nos anime Heidi, e Marco para o estudio Zuiyô Enterprise. En 1978 dirixe a súa primeira serie Mirai Shōnen Konan e en 1979 o seu primeiro filme Rupan Sansei: Kariosutoro no Shiro, única non considerada do Studio Ghibli.

Despois de crear a película de Lupin, Miyazaki foi desenvolvendo un anime no seu propio estudio. En 1982 o manga Kaze no Tani no Naushika (Nausicaä do Val do Vento) apareceu por primeira vez na revista Animage como froito dunha desas ideas. Este traballo deu un forte pulo á súa carreira, ó mostrar un estilo diferente, pasando do cómic infantil ó imperante na época.

Mentres, Miyazaki desempeñouse de xeito independente, adicouse a traballar nun manga que tivo moi boa acollida por parte dos lectores e ofrecéuselle a oportunidade de facer unha versión animada de Nausicaä. Este ofrecemento deulle por fin a oportunidade de realizar o seu ansiado proxecto de creación dun estudio. Xunto a Takahata, en 1985 abre o seu propio estudio de animación: o Studio Ghibli.

Filmografía

Como director:

Rupan sansei: Kariosutoro no shiro (ルパン三世カリオストロの城), 1979.
Kaze no Tani no Naushika (風の谷のナウシカ), 1984.
Tenkū no Shiro Rapyuta (天空の城ラピュタ), 1986.
O meu veciño Totoro (となりのトトロ), 1988.
Majo no takkyūbin (魔女の宅急便) 1989.
Kurenai no Buta (紅の豚), 1992.
Mononoke Hime (もののけ姫), 1997.
A viaxe de Chihiro (千と千尋の神隠し), 2001.
Hauru no Ugoku Shiro (ハウルの動く城 ), 2004.
Gake no ue no Ponyo - (崖の上のポニョ), 2008.
O vento levántase (風立ちぬ), 2013

Como guionista ou produtor:

Taiyō no Ōji: Horusu no Daibōken (太陽の王子ホルスの大冒険), 1968. (Produtor, director de animación, deseñador gráfico).
Nagagutsu o Haita Neko (長靴をはいた猫), 1969. (Produtor executivo, deseñador gráfico).
Panda Kopanda (パンダ・コパンダ), 1972. (Guionista)
Omohide Poro Poro (おもひでぽろぽろ), 1991. (Produtor).
Heisei Tanuki Gassen Pompoko (平成狸合戦ぽんぽこ), 1994. (Produtor).
Mimi wo sumaseba (耳をすませば), 1995. (Guionista, produtor e produtor executivo).
Karigurashi no Arrietty (カリグラシノアリエトイ), 2010. (Guionista).
O vento levántase (風立ちぬ), 2013. (Guionista)

Notas

↑ Montero Plata, Laura (decembro de 2014). El mundo invisible de Hayao Miyazaki (5ª ed.). Dolmen Editorial. ISBN 978-84-15296-60-7.

Véxase tamén

[montero-1] Montero Plata, Laura (decembro de 2014). El mundo invisible de Hayao Miyazaki (5ª ed.). Dolmen Editorial. ISBN 978-84-15296-60-7.

[1]