Harry Potter e as reliquias da morte (2ª parte)

Harry Potter e as reliquias da morte (2ª parte)
Ficha técnica
Título orixinal	Harry Potter and the Deathly Hallows – Part 2
Director	David Yates
Produtor	David Heyman; David Barron; J. K. Rowling
Guión	Steve Kloves
Baseado en	Harry Potter e as reliquias da morte de J. K. Rowling
Intérpretes	Daniel Radcliffe; Rupert Grint; Emma Watson; Ralph Fiennes; Michael Gambon; Alan Rickman; Helena Bonham Carter; Maggie Smith
Música	Alexandre Desplat; John Williams
Fotografía	Eduardo Serra
Montaxe	Mark Day
Estudio	Heyday Films
Distribuidora	Warner Bros.
Estrea	15 de xullo de 2011
Duración	130 minutos
Orixe	Reino Unido; Estados Unidos
Xénero	Fantasía; Drama
Orzamento	$250 000 000; (xunto á 1ª parte)
Recadación	$1 341 511 219
Filme anterior	Harry Potter e as reliquias da morte (1ª parte)
Na rede
	http://www.harrypotterwizardscollection.com/

Harry Potter e as reliquias da morte (2ª parte) é unha película de fantasía e drama^[3] dirixida por David Yates e a segunda das dúas baseadas na novela homónima escrita por J. K. Rowling. É o oitavo e último filme da serie de filmes de Harry Potter. Foi escrito por Steve Kloves e producido por David Heyman, David Barron e Rowling. A historia céntrase na busca que emprende Harry Potter co obxectivo de atopar e destruír os restantes Horcrux creados por Lord Voldemort. A película está protagonizada por Daniel Radcliffe como Harry Potter, con Rupert Grint e Emma Watson como os mellores amigos de Harry, Ron Weasley e Hermione Granger. O resto do elenco inclúe a Ralph Fiennes, Michael Gambon, Alan Rickman, Helena Bonham Carter e Maggie Smith.

O filme tivo a súa estrea en cines 3D, así como tamén en formatos 2D e IMAX, o 15 de xullo de 2010.^[4]^[5]^[6]^[7] A produción do filme comezou o 19 de febreiro de 2009 e rematou o 12 de xuño de 2010;^[8] o 21 de decembro de 2010 fixéronse regravacións que puxeron fin a dez anos de rodaxe da saga.^[9]

Argumento[editar | editar a fonte]

Véxase tamén: Harry Potter e as reliquias da morte.

Despois de destruír un Horcrux e descubrir o significado das tres reliquias da morte, Harry, Ron e Hermione continúan na procura dos Horcrux restantes para intentar acabar con Voldemort. Non obstante, o Señor Escuro obtén a Variña de Bieiteiro e pretende completar o seu último paso para alcanzar o poder absoluto e lanza un ataque contra Hogwarts. A escola máxica será o lugar onde se desenvolva a batalla final na que as forzas do mal ameazan con dominar os mundos máxico e muggle.

Elenco[editar | editar a fonte]

Daniel Radcliffe como Harry Potter, protagonista do filme.
Rupert Grint como Ron Weasley, mellor amigo de Harry.
Emma Watson como Hermione Granger, mellor amiga de Harry.
Helena Bonham Carter como Bellatrix Lestrange, unha das Devoradoras da Morte máis leais a Lord Voldemort.
Jim Broadbent como Horace Slughorn, o profesor de Apócemas de Hogwarts.
Robbie Coltrane como Rubeus Hagrid, o gardabosques e profesor de Coidado de Criaturas Máxicas en Hogwarts.
Warwick Davis como Filius Flitwick, profesor de Esconxuros en Hogwarts; e Griphook, un sumicio e antigo empregado no Banco Gringotts.
Ralph Fiennes como Lord Voldemort, o meigo escuro, que busca conquistar o mundo máxico.
Michael Gambon como Albus Dumbledore, o antigo director de Hogwarts, asasinado por Severus Snape.
John Hurt como Ollivander, variñeiro secuestrado polos Devoradores da Morte.
Jason Isaacs como Lucius Malfoy, o pai de Draco Malfoy e un dos Devoradores da Morte.
Gary Oldman como Sirius Black, padriño de Harry; asasinado por Bellatrix Lestrange.
Alan Rickman como Severus Snape, un espía entre os Devoradores da Morte e o novo director de Hogwarts.
Tom Felton como Draco Malfoy, inimigo de Harry.
Maggie Smith como Minerva McGonagall, a profesora de Transfiguración e futura directora de Hogwarts.
David Thewlis como Remus Lupin, antigo profesor de Defensa contra a Maxia Negra e membro da Orde do Fénix.
Emma Thompson como Sybill Trelawney, a profesora de Adiviñación de Hogwarts.
Julie Walters como Molly Weasley, a matriarca dos Weasley e figura maternal para Harry.
Devon Murray como Seamus Finnigan, amigo de Harry.
Matthew Lewis como Neville Longbottom, amigo de Harry.

Notas[editar | editar a fonte]

↑ "BBFC issue runtime, 130 mins". BBFC. Consultado o 1 de xullo de 2011.
↑ Frankel, Daniel (17 de novembro de 2010). "Get Ready for the Biggest 'Potter' Opening Yet". The Wrap. Consultado o 21 de novembro de 2010.
↑ "Harry Potter and the Deathly Hallows Part 2". Box Office Mojo. Consultado o 2 de xuño de 2011.
↑ "Release Date Set for Harry Potter 7: Part I". Comingsoon.net. 25 de abril de 2008. Arquivado dende o orixinal o 18 de maio de 2008. Consultado o 24 de maio de 2008.
↑ "IFCO: Irish Film Classification Office – Reviews of Harry Potter and the Deathly Hallows: Part 1". Ifco.ie. Arquivado dende o orixinal o 11 de xuño de 2015. Consultado o 6 de decembro de 2010.
↑ "WB Sets Lots of New Release Dates!". Comingsoon.net. 25 de febreiro de 2009. Arquivado dende o orixinal o 26 de febreiro de 2009. Consultado o 25 de febreiro de 2009.
↑ Tyler, Josh (8 de outubro de 2010). "Part 1 Not in 3D". Cinema Blend. Arquivado dende o orixinal o 04 de marzo de 2016. Consultado o 12 de novembro de 2010.
↑ Schwartz, Alison (14 de xuño de 2010). "Daniel Radcliffe Calls Wrapping Up Harry Potter Devastating". People. Arquivado dende o orixinal o 08 de febreiro de 2011. Consultado o 9 de febreiro de 2011.
↑ Magrath, Andrea (9 de decembro de 2010). "Better get to the wig store! Emma Watson and Harry Potter co-stars to re-shoot crucial final Deathly Hallows scenes". Daily Mail (Londres). Consultado o 9 de febreiro de 2011.

Véxase tamén[editar | editar a fonte]

Ligazóns externas[editar | editar a fonte]

Páxina web de Harry Potter da Warner Brothers (en inglés)
Harry Potter e as reliquias da morte (2ª parte) na IMDb (en inglés)
Harry Potter e as reliquias da morte (2ª parte) en Allmovie (en inglés)

[1] "BBFC issue runtime, 130 mins". BBFC. Consultado o 1 de xullo de 2011.

[2] Frankel, Daniel (17 de novembro de 2010). "Get Ready for the Biggest 'Potter' Opening Yet". The Wrap. Consultado o 21 de novembro de 2010.

[3] "Harry Potter and the Deathly Hallows Part 2". Box Office Mojo. Consultado o 2 de xuño de 2011.

[comingsoon1-4] "Release Date Set for Harry Potter 7: Part I". Comingsoon.net. 25 de abril de 2008. Arquivado dende o orixinal o 18 de maio de 2008. Consultado o 24 de maio de 2008.

[5] "IFCO: Irish Film Classification Office – Reviews of Harry Potter and the Deathly Hallows: Part 1". Ifco.ie. Arquivado dende o orixinal o 11 de xuño de 2015. Consultado o 6 de decembro de 2010.

[6] "WB Sets Lots of New Release Dates!". Comingsoon.net. 25 de febreiro de 2009. Arquivado dende o orixinal o 26 de febreiro de 2009. Consultado o 25 de febreiro de 2009.

[7] Tyler, Josh (8 de outubro de 2010). "Part 1 Not in 3D". Cinema Blend. Arquivado dende o orixinal o 04 de marzo de 2016. Consultado o 12 de novembro de 2010.

[8] Schwartz, Alison (14 de xuño de 2010). "Daniel Radcliffe Calls Wrapping Up Harry Potter Devastating". People. Arquivado dende o orixinal o 08 de febreiro de 2011. Consultado o 9 de febreiro de 2011.

[9] Magrath, Andrea (9 de decembro de 2010). "Better get to the wig store! Emma Watson and Harry Potter co-stars to re-shoot crucial final Deathly Hallows scenes". Daily Mail (Londres). Consultado o 9 de febreiro de 2011.

[1]

[2]

[3]

[4]

[5]

[6]

[7]

[8]

[9]