Harry Potter e a pedra filosofal (filme)

Na Galipedia, a Wikipedia en galego.

Harry Potter e a pedra filosofal
Ficha técnica
Título orixinalHarry Potter and the Philosopher's Stone
DirectorChris Columbus
ProdutorDavid Heyman
GuiónSteve Kloves
Baseado enHarry Potter e a pedra filosofal de J. K. Rowling
IntérpretesDaniel Radcliffe
Rupert Grint
Emma Watson
Richard Harris
Robbie Coltrane
Maggie Smith
Alan Rickman
Ian Hart
MúsicaJohn Williams
FotografíaJohn Seale
MontaxeRichard Francis-Bruce
EstudioHeyday Films
1492 Pictures
Duncan Henderson Productions
DistribuidoraWarner Bros.
Estrea 4 de novembro de 2001
Galicia 5 de xaneiro de 2005 (TVG)
Duración144 minutos
OrixeReino Unido Reino Unido
Estados Unidos de América Estados Unidos
XéneroFantasía
Orzamento$125 000 000[1]
Recadación$974 755 371
Filme seguinteHarry Potter e a Cámara dos Segredos
Na rede
http://www.warnerbros.com/harry-potter-and-sorcerers-stone
IMDB: tt0241527 Filmaffinity: 423821 Allocine: 29276 Rottentomatoes: m/harry_potter_and_the_sorcerers_stone Mojo: harrypotter Allmovie: v255538 TCM: 451961 Metacritic: movie/harry-potter-and-the-sorcerers-stone TV.com: movies/harry-potter-and-the-sorcerers-stone Netlix: 60004478Editar o valor em Wikidata

Harry Potter e a pedra filosofal (en inglés: Harry Potter and the Philosopher's Stone) é un filme de fantasía[2] dirixido por Chris Columbus e baseado na novela homónima escrita por J. K. Rowling. O filme foi o primeiro da serie de filmes de Harry Potter. Foi escrito por Steve Kloves e producido por David Heyman. A historia presenta a Harry Potter, un neno que descobre que é meigo o día do seu undécimo aniversario e acode á Escola Hogwarts de Maxia e Feiticería para comezar a súa educación máxica. A película está protagonizada por Daniel Radcliffe como Harry Potter, con Rupert Grint e Emma Watson como os mellores amigos de Harry, Ron Weasley e Hermione Granger. O resto do elenco inclúe a Richard Harris, Maggie Smith, Robbie Coltrane, Alan Rickman e Ian Hart.

Warner Bros. mercou os dereitos do libro para facer a versión fílmica no ano 1999. A produción comezou en 2000, coa elección de Columbus como director despois de seleccionalo dunha pequena lista de directores entre os que estaban Steven Spielberg e Rob Reiner. J. K. Rowling insistiu en que todo o elenco fose británico ou irlandés, gardando a integridade cultural do libro e do filme. J. K. Rowling aprobou o guión, escrito por Kloves. O filme gravouse principalmente nos Leavesden Film Studios, así como en edificios históricos de Gran Bretaña.

O filme tivo a súa estrea no Reino Unido e os Estados Unidos en novembro de 2001. Recibiu boas críticas e tres candidaturas aos Premios Oscar. A recadación nas salas internacionais ascende a máis de 974 millóns de dólares estadounidense.

Estreouse en galego na TVG o 6 de xaneiro de 2005, e foi visto por 290.000 persoas, o que o converteu no filme máis visto na historia da cadea autonómica.[3]

Sinopse[editar | editar a fonte]

Harry Potter é un neno orfo que medrou cos seus tíos. Á idade de once anos, o semixigante Rubeus Hagrid infórmao de que é meigo. Harry descobre que os seus pais foran asasinados polo Señor Escuro, Lord Voldemort, e que Voldemort tamén intentara matalo esa mesma noite, cando tiña un ano. No entanto, a maldición asasina rebotara misteriosamente e debilitara enormemente ao meigo escuro. Harry descobre que por este motivo é un meigo amplamente famoso no mundo máxico; comeza a estudar na Escola Hogwarts de Maxia e Feiticería onde coñece os seus mellores amigos: Ron Weasley e Hermione Granger. Durante o ano, os tres enguedéllanse no misterio sobre a pedra filosofal, que está agochada na escola.

Elenco[editar | editar a fonte]

Rowling insistiu persoalmente en ter un elenco británico.[4] Susie Figgis designouse como directora de casting e traballou con Columbus e Rowling nas audicións para os papeis principais de Harry, Ron e Hermione.[5] O 11 de xullo de 2000 Figgis deixou a produción, laiándose de que Columbus non considerara ningún dos miles que superaran as audicións e que ela determinara como posibles candidatos.[6] O 8 de agosto de 2000 fíxose a selección de Daniel Radcliffe, Emma Watson e Rupert Grint para realizar os personaxes de Harry Potter, Hermione Granger e Ron Weasley, respectivamente.[7]

Rik Mayall filmou algunhas escenas como o mencho Peeves, pero finalmente foron cortadas do filme.[8]

Banda sonora[editar | editar a fonte]

Harry Potter e a pedra filosofal
Banda sonora de John Williams
30 de outubro de 2001
Estudio de gravaciónAir Lyndhurst Studios
Abbey Road Studios
Duración73:35
XéneroBanda sonora
Selo discográficoAtlantic
Cronoloxía
Harry Potter e a pedra filosofal
(2001)
Harry Potter e a Cámara dos Segredos
(2002)

A banda sonora de Harry Potter e a pedra filosofal lanzouse ao mercado o 30 de outubro de 2001. As pezas musicais foron compostas e dirixidas por John Williams. A banda sonora recibiu unha candidatura aos Premios Oscar na categoría de Oscar á mellor banda sonora, premio que finalmente levou Howard Shore por The Lord of the Rings: The Fellowship of the Ring. O filme introduce moitos temas específicos para cada personaxe empregados tamén máis adiante nalgunha das secuelas, aínda que a maioría deles se usaron de novo n’a Cámara dos Segredos. O tema principal, chamado "Hedwig's Theme", utilízase en case todas as películas e converteuse en identificativo da serie.

A pista número 18, "Leaving Hogwarts", emprégase tamén durante o epílogo de Harry Potter e as reliquias da morte (2ª parte) como tributo a Williams e o final da saga.

Lista de pistas
  1. "Prologue" - 2:12
  2. "Harry's Wondrous World" - 5:21
  3. "The Arrival of Baby Harry" - 4:25
  4. "Visit to the Zoo and Letters from Hogwarts" - 3:23
  5. "Diagon Alley and the Gringotts Vault" - 4:06
  6. "Platform Nine-and-Three-Quarters and the Journey to Hogwarts" - 3:14
  7. "Entry into the Great Hall and the Banquet" - 3:42
  8. "Mr. Longbottom Flies" - 3:35
  9. "Hogwarts Forever! and the Moving Stairs" - 3:47
  10. "The Norwegian Ridgeback and a Change of Season" - 2:47
  11. "The Quidditch Match" - 8:29
  12. "Christmas at Hogwarts" - 2:56
  13. "The Invisibility Cloak and the Library Scene" - 3:16
  14. "Fluffy's Harp" - 2:39
  15. "In the Devil's Snare and the Flying Keys" - 2:21
  16. "The Chess Game" - 3:49
  17. "The Face of Voldemort" - 6:10
  18. "Leaving Hogwarts" - 2:14
  19. "Hedwig's Theme" - 5:11

Notas[editar | editar a fonte]

  1. BoxOfficeMojo.com
  2. "Harry Potter and the Sorcerer's Stone". Box Office Mojo. Consultado o 29 de maio de 2007. 
  3. "Harry Potter e a pedra filosofal na TVG". La Voz de Galicia. 7 de xaneiro de 2005. Consultado o 8 de abril de 2013. 
  4. "Harry Potter and the Philosopher's Stone". Guardian Unlimited. 16 de novembro de 2001. Consultado o 26 de maio de 2007. 
  5. Linder, Brian (30 de marzo de 2000). "Chris Columbus Talks Potter". IGN. Arquivado dende o orixinal o 06 de decembro de 2008. Consultado o 8 de xullo de 2007. 
  6. Lindner, Brian (11 de xullo de 2000). "Trouble Brewing with Potter Casting?". IGN. Arquivado dende o orixinal o 12 de febreiro de 2012. Consultado o 7 de febreiro de 2010. 
  7. "Daniel Radcliffe, Rupert Grint and Emma Watson Bring Harry, Ron and Hermione to Life for Warner Bros. Pictures Harry Potter and the Sorcerer's Stone". Warner Bros. 21 de agosto de 2000. Arquivado dende o orixinal o 04 de abril de 2007. Consultado o 26 de maio de 2007. 
  8. Schmitz, Greg Dean. "Harry Potter and the Sorcerer's Stone (2001)". Yahoo!. Arquivado dende o orixinal o 15 de decembro de 2007. Consultado o 9 de agosto de 2008. 

Véxase tamén[editar | editar a fonte]

Ligazóns externas[editar | editar a fonte]