Eugène de Beauharnais

Eugène de Beauharnais
Vicerrei de Italia, Príncipe de Francia, Príncipe de Venecia, Gran Duque de Frankfurt, Duque de Leuchtenberg, e Príncipe de Eichstätt
E. de Beauharnais como vicerrei de Italia. Retrato pintado por Andrea Appiani
Nome completo	Eugène Rose de Beauharnais
Nacemento	3 de setembro de 1781 París, Francia
Falecemento	21 de febreiro de 1824 Múnic, Baviera
Sucesor	Augusto de Beauharnais
Consorte	Augusta de Baviera
Descendencia	Véxase Matrimonio e descendencia
Proxenitores	Alexandre de Beauharnais Xosefina de Beauharnais
Escudo de armas de Eugène de Beauharnais
Na rede

Eugène Rose de Beauharnais, nado en París o 3 de setembro de 1781, e finado en Múnic o 21 de febreiro de 1824, foi o primoxénito do matrimonio entre Alexandre, vizconde de Beauharnais e Xosefina Tascher de la Pagerie.

Fillo adoptivo de Napoleón despois da execución do seu pai, en 1805. Cando o emperador asumiu o Reino de Italia nomeouno o seu vicerrei.

Foi un dos máis leais e talentosos dos subordinados de Napoleón, que o nomeou xeneral en xefe. Mandou o IV Corpo do Exército durante a campaña de Rusia. Durante o inverno de 1812-1813, despois da saída de Napoleón para París, e da fuxida de Murat foi o príncipe Eugène quen mantén con moita habilidade e audacia estratéxica os restos da Grande Armée até a reunión coas novas tropas en Saxonia, a pesar dos intentos dos rusos e dos seus novos aliados prusianos.

Traxectoria

Eugène de Beauharnais, por Andrea Appiani.

Naceu en París, Francia o 3 de setembro de 1781, sendo os seus pais o vizconde Alexandre de Beauharnais e a súa esposa, a crioula da Martinica Xosefina Tascher de la Pagerie.

A finais de 1783 a súa nai sepárase do seu esposo e pouco despois regresa ao Caribe, onde pon orde na economía familiar en medio da sublevación dos escravos de 1791 e da Revolución francesa. De regreso en París, chega xusto na caída do Antigo Réxime e a instauración da Primeira República Francesa. Grazas ás súas conexións sociais coñece a Napoleón Bonaparte, con que casa en 1796, dous anos despois de que o seu primeiro esposo falecera baixo a guillotina.

Napoleón afillou a Eugéne que, en 1804, foi nomeado de forma oficial membro da familia imperial como a Súa Alteza Imperial, Eugène de Beauharnais, príncipe de Francia.

En 1805 engadiu o de vicerrei de Italia aos seus títulos nobiliarios.

O 14 de xaneiro de 1806 casou en Múnic coa princesa Augusta de Baviera, primoxénita do rei Maximiliano I.

En 1807 foi nomeado príncipe de Venecia. No mesmo ano, seu sogro converteuno en duque de Leuchtenberg.

En 1810 Napoleón nomeouno herdeiro do Gran Ducado de Frankfurt e, tecnicamente, sucedeu ao gran duque-arcebispo Karl Theodor von Dalberg cando este abdicou en 1813, aínda que este posto foi puramente teórico, xa que a abdicación do antigo gran duque se debeu á inminente conquista do Ducado polos exércitos aliados.

Matrimonio e descendencia

Augusta Amalia de Baviera, retrato de c. 1815.

Do seu matrimonio coa princesa Augusta de Baviera (1788-1852) naceron os seguintes fillos:

• Princesa Xosefina de Leuchtenberg (1807-1876), que foi raíña consorte de Óscar I de Suecia e Noruega, fillo dun antigo amor de Napoleón, Desideria Clary e do seu marido o mariscal Bernadotte. Estes accederon ao trono en 1818, como Carlos XIV Xoán de Suecia e Carlos III Xoán de Noruega e raíña Desideria; ao falecemento do rei sucedeu Óscar I.
• Hortensia Augusta de Beauharnais (1808-1847).
• Augusto Carlos Euxenio Napoleón de Beauharnais, casado coa raíña María II de Portugal.
• Amelia Augusta Euxenia Napoleona de Beauharnais, casada con Pedro I do Brasil (pai de María II de Portugal). Foi emperatriz consorte do Brasil.
• Teodelinda Luísa Euxenia Augusta Napoleona de Beauharnais (1814-1857), casada en 1841 co duque Guillerme I de Urach.
• Carolina Clotilde de Beauharnais (1816).
• Maximiliano Xosé Euxenio Augusto Napoleón de Beauharnais (1817-1852), casado con María Nikolaievna, gran duquesa de Rusia, filla do tsar Nicolao I de Rusia.

Antepasados

Antepasados de Eugène de Beauharnais

16. François IV de Beauharnais, Señor de La Boische

8. Claude de Beauharnais, Conde des Roches-Baritaud

17. Marguerite Françoise de Pyvart de Chastillé

4. François V de Beauharnais, Marqués de La Ferté-Beauharnais e barón de Beauville

18. Pierre Hardouineau, Señor de La Laudanière

9. Renée Hardouineau de Laudanière

19. Renée Le Pays de Beauville

2. Alexandre de Beauharnais

20. Jacques Pyvart de Chastullé

10. François Jacques Pyvart de Chastullé, Señor de Chastullé

21. Madeleine de Beauchesne

5. Henriette Pyvart de Chastillé

22. Pierre Hardouineau, Señor de La Laudanière (=18)

11. Jeanne Hardouineau de Laudanière

23. Renée Le Pays de Beauville (=19)

1. Eugène de Beauharnais

24. Gaspard de Tascher, Señor de La Pagerie

12. Gaspard Joseph Tascher de La Pagerie

25. Edmée Henriette Madeleine du Plessis de Savonnières

6. Joseph-Gaspard de Tascher de la Pagerie

26. François Bourreau, Señor de La Chevalerie

13. Françoise Bourreau de La Chevalerie

27. Marie Thérèse Jaham des Prés

3. Marie Josèphe de Tascher de la Pagerie

28. Joseph des Vergers de Sablons

14. Joseph François des Vergers de Sannois

29. Élisabeth de Maigne du Plat

7. Rose-Claire Vergers de Sannois

31. Anthony Brown

15. Catherine Marie Brown

31. Catherine des Vergers de Sannois

Predecesor: Nova creación	Vicerrei de Italia 5 de xuño de 1805 - 11 de abril de 1814	Sucesor: Cargo abolido
Predecesor: Nova creación	Duque de Leuchtenberg 14 de novembro de 1817 - 21 de febreiro de 1824	Sucesor: Augusto de Beauharnais

Véxase tamén

Bibliografía

• Jean Autin (2003): Eugène de Beauharnais: de Joséphine à Napoléon. París: Perrin, 7ª ed. (1ª ed. 1989). ISBN 978-2-2620-2007-1.
• Jean-Claude Fauveau (2010): Joséphine l'impératrice créole. L'esclavage aux Antilles et la traite pendant la Révolution française. París: Editions l'Harmattan. ISBN 978-2-296-11293-3.

Outros artigos

• Napoleón Bonaparte
• Guerras Napoleónicas
• Xosefina de Beauharnais