Arnold Schönberg

Na Galipedia, a Wikipedia en galego.
Saltar ata a navegación Saltar á procura
Arnold Schönberg
Arnold Schoenberg la 1948.jpg
Schönberg en 1948.
Nome completoArnold Franz Walter Schönberg
Nacemento13 de setembro de 1874
 Viena
Flag of Austria-Hungary (1869-1918).svg Imperio Austrohúngaro
Falecemento13 de xullo de 1951
 Os Ánxeles
Estados Unidos de América Estados Unidos
CausaInfarto agudo de miocardio
SoterradoCemiterio central de Viena
NacionalidadeAustria e Estados Unidos de América
Educado enBerlin University of the Arts
Parella/sMathilde Zemlinsky († 1923)
Gertrud Kolisch († 1967)
FillosGertrud Schönberg, Georg Schönberg, Nuria Nono-Schönberg, Ronny Schönberg e Larry Schönberg
editar datos en Wikidata ]

Arnold Schönberg ou Arnold Schoenberg[1], nado en Viena o 13 de setembro de 1874 e finado nos Ánxeles (California) o 13 de xullo de 1951, foi un compositor, teórico musical e pintor austríaco de orixe xudía.

É recoñecido como un dos primeiros compositores en adentrarse na composición atonal, e especialmente pola creación da técnica do dodecafonismo baseada en series de doce notas, abrindo a porta ao posterior desenvolvemento do serialismo da segunda metade do século XX. Ademais foi fundador da Segunda Escola de Viena.

Biografía[editar | editar a fonte]

Ata a primeira guerra mundial[editar | editar a fonte]

Arnold Schönberg foi fillo de Samuel Schönberg (1838-1889), un zapateiro natural de Hungría, e de Pauline Nachod (1848-1921), quen creceu en Praga. A súa carreira musical comezou precozmente: aos nove anos xa era violinista e compositor autodidacta. Tras a morte do seu pai, en 1889, viuse obrigado a cuidar do benestar da súa familia e comezou a traballar como aprendiz de empregado no banco Wiener Privatbank Werner & Co. Durante estes anos, só podía satisfacer a súa paixón pola música mirando de lonxe os concertos ao aire libre realizados en parques como o Augarten ou o Wiener Prater. Investía parte das súas ganancias en numerosas funcións de ópera e, de entre todas, prefería sempre as de Richard Wagner.

Notas[editar | editar a fonte]

  1. Desde que emigrou aos Estados Unidos, en 1933, cambiou o seu apelido a Schoenberg.

Véxase tamén[editar | editar a fonte]

Ligazóns externas[editar | editar a fonte]


Este artigo tan só é un bosquexo
 Este artigo sobre música é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.