Paul Klee

Paul Klee

(1911)
Biografía
Nacemento	18 de decembro de 1879 Münchenbuchsee, Suíza (pt)
Morte	29 de xuño de 1940 (60 anos) Muralto, Suíza
Causa da morte	Morte natural  (Escleroderma (pt) )
Lugar de sepultura	Schosshalden cemetery (en)
Datos persoais
País de nacionalidade	Reino de Prusia Suíza
Educación	State University of Music and Performing Arts Stuttgart (en) Academia de Belas Artes de Munique (pt)
Actividade
Lugar de traballo	Múnic Düsseldorf París Weimar Berna Dessau
Ocupación	pintor , deseñador , gravador , debuxante arquitectónico , litógrafo , artista visual , artista gráfico , profesor universitario , debuxante
Período de actividade	1899 - 1940
Empregador	Kunstakademie Düsseldorf (en)
Membro de	Die Blaue Vier (en) Der Blaue Reiter
Xénero artístico	Arte abstracta e Abstracción xeométrica
Movemento	Expresionismo, Surrealismo, Puntillismo, Bauhaus e Color Field (pt)
Alumnos	Harald W. Lauesen (pt)
Influencias	James Ensor, Pablo Picasso e Artistry of the Mentally Ill (en)
Lingua	Lingua alemá
Representante	Artists Rights Society
Carreira militar
Conflito	Primeira guerra mundial
Instrumento	Violín
Participou en
16 de xuño de 2007	documenta 12 (en)
28 de xuño de 1964	Documenta III (en)
11 de xullo de 1959	Documenta II (en)
16 de xullo de 1955	documenta (en)
Obra
Obras destacables (1919) Sumpflegende (en) (1920) Angelus Novus (pt) (1922) Twittering Machine (en)
Arquivos en	Zentrum Paul Klee (pt)
Familia
Cónxuxe	Lily Klee
Sinatura

Centro Paul Klee de Berna, obra do arquitecto Renzo Piano

Paul Klee, nado en Müchenbuchsee o 18 de decembro de 1879 e finado en Muralto o 29 de xuño de 1940, foi un pintor suízo cun estilo entre o surrealismo, o expresionismo e a abstracción.

Traxectoria

Klee naceu en Münchenbuchsee, preto de Berna, Suíza, nunha familia de músicos. O seu pai, Hans Klee, era profesor de música no Seminario Estatal de Berna e súa nai, Ida Frick, estudara para cantante, polo que recibiu unha selecta formación musical, destacando como violinista. Estudou arte en Múnic con Heinrich Knirr e Franz von Stuck. Ao regreso dunha viaxe a Italia asentouse en Múnic, onde coñeceu a Wassily Kandinsky e Franz Marc.

En 1911 Wassily Kandinsky e Franz Marc fundaron en Múnic un grupo de artistas vinculado ao expresionismo co nome de Der Blaue Reiter. Paul Klee non era oficialmente membro desta asociación, pero sentíase moi unido ao círculo de artistas que a integraban e participou nas súas exposicións. En 1913 Klee traduciu "Das Licht" (La Lumière) de Delaunay para a galería Der Sturm de Herwarth Walden, en Berlín.

En 1914 visitou Tunisia e quedou impresionado coa calidade da luz, polo que escribiu no seu diario:

A cor posúeme, non teño necesidade de perseguila, sei que me posúe para sempre... a cor e eu somos unha soa cousa. Son pintor.

Klee traballaba en óleo, acuarela, tinta e outros materiais, xeralmente combinándoos nun só traballo. Os seus cadros frecuentemente aluden á poesía, á música e aos soños, e ás veces inclúen palabras ou notas musicais.

Despois da primeira guerra mundial, Klee ensinou na Bauhaus e, a partir de 1931, na Academia Düsseldorf, antes de ser denunciado polos nazis por producir "arte dexenerada".

En 1933 deixou o ensino e regresou a Berna, onde realizou unha grande exposición na Kunsthalle (1935). Ao presentarse os primeiros síntomas dunha grave enfermidade, diminuíu o seu traballo. En 1940 internárono nunha clínica de Muralto-Locarno, onde faleceu o 29 de xuño.

Paul Klee tamén escribiu textos sobre teoría da arte que foron publicados cando aínda estaba en vida e que se seguen publicando en varias linguas. O máis coñecido é Pâdâgogisches Skizzenbuch, Munich, Lagen, 1925.

Algunhas obras

• Pequeno abeto (1922)
• A máquina do gorxeo (1922)
• Rúa principal e rúa secundaria (1929)
• Ad Parnassum (1932)
• Cabeza dun mártir (1933)
• O home futuro (1933)
• Anxo pobre (1939)
• A casa xiratoria