Aberdeen, Escocia

Aberdeen, Escocia
	Aberdeen (en); Aiberdeen (sco); Obar Dheathain (gd)
Localización
	57°09′N 2°06′O / 57.15, -2.1
Estado	Reino Unido
País	Escocia
Concello	Aberdeen City (en)
Capital de	Aberdeen City (en) ; Aberdeenshire ; Aberdeen (en) ; Grampian (en)
Poboación
Poboación	200.680 (2016) (3.082,64 hab./km²)
Xeografía
Superficie	65,1 km²
Bañado por	River Don (en) , River Dee (en) e Aberdeen Bay (en)
Creación	1175
Identificador descritivo
Código postal	AB10-AB13 (parte), AB15, AB16, AB22-AB25
Fuso horario	Tempo Medio de Greenwich; UTC±00:00, horario estándar; UTC+01:00, horario de verán
Prefixo telefónico	1224
ISO 3166-2	GB-ABE
Outro
Irmandado con	Stavanger ; Bakú ; Clermont-Ferrand ; Bulavaio (pt) ; Atyrau (pt) ; Ratisbona (1955–); Homieĺ (1990–2022); Houston (1996–); Barranquilla (2021–)
Sitio web	aberdeencity.gov.uk

Para outras páxinas con títulos homónimos véxase: Aberdeen.

Aberdeen (Obar Dheathain en gaélico escocés, Aiberdeen en escocés) é unha cidade de Escocia, un dos principais portos do Reino Unido e a terceira cidade escocesa por poboación: 212.125 habitantes (2001). Polas súas canteiras de granito coñécese como a cidade do granito.

Historia

A primeira referencia que temos é o itinerario da incursión feita por Severo no norte de Escocia no século III, no que Aberdeen recibe o nome de Devana, isto é cidade ás beiras do Deva (ou Dee). Aínda que o lugar non adquirirá importancia ata 1179 cando Guillerme o León concédelle un foro, confirmado posteriormente por David I.

En 1336 Eduardo III de Inglaterra queima a cidade, axiña reconstruída e ampliada, co nome de Nova Aberdeen. Os arquivos municipais son os máis antigos de Escocia, datan de 1398.

Lingua

A lingua tradicional da cidade é a lingua escocesa (unha lingua xermánica), aínda que hoxe a lingua máis falada é o inglés. O gaélico escocés é falado por un 0,66% da poboación, á que lle hai que engadir un 0,54% que o entende (2001).

Relixión

O 42,4% dos habitantes da cidade non profesa ningunha relixión, o 37,4 % pertence á Igrexa de Escocia, o 5,6% á Igrexa católica, o 7,5% a outras igrexas cristiás e o 0,8% ao islam.

Economía

As industrias relacionadas co petróleo e o gas son as maiores fontes de riqueza da cidade.

As tradicionais industrias pesqueiras e agrícolas completan a súa economía.

Universidades

45.000 estudantes realizan os seus estudos nas tres universidades da cidade: Universidade de Aberdeen, Universidade Robert Gordon e o Aberdeen College.