Agüimes

Agüimes
	Igrexa parroquial de San Sebastián
Localización
	; Agüimes
País	España
Comunidade autónoma	Canarias
Provincia	As Palmas
Illa	Gran Canaria
Xeografía
Altitude	275 msnm
Superficie	79,28 km²
Demografía
Poboación	29 767 hab. (2011)
Densidade	375,47 hab/km²
Xentilicio	agüimense/lagartero
Outros datos
Código postal	35480
Alcalde	Antonio Morales (Roque Aguayro-NC)
	www.aguimes.es

Coordenadas: 27°53′0″N 15°26′0″O / 27.88333, -15.43333

Agüimes é un municipio español pertencente á provincia das Palmas, nas Illas Canarias. Está situado no sueste da illa de Gran Canaria. Posúe varios espazos naturais protexidos.

O municipio ten hoteis e casa de curto aloxamento para poder desenvolver o turismo rural, o que atrae varios centos de visitantes ao ano. Posúe tamén un polígono industrial (o de Arinaga) no que se aloxan máis de 700 empresas.

Historia[editar | editar a fonte]

Vista da vila de Agüimes

O Agüimes actual foi fundado en 1491 sobre un importante asentamento aborixe logo de terminada a conquista castelá de Gran Canaria. Foi creado como vila baixo señorío episcopal por orde dos Reis Católicos, e outorgado á Igrexa como compensación pola colaboración desta durante a conquista. O territorio agüimense alberga diversos asentamentos prehispánicos de grande importancia: o propio centro histórico de Agüimes, Guayadeque e Temisas.

A súa riqueza hídrica, grazas aos cursos de auga provenientes da conca do barranco de Guayadeque, permitiu tras a conquista os primeiros cultivos de cana de azucre. Máis modernas son as explotacións de tomate e cogombro na zona de Arinaga destinadas á exportación.

Do mesmo xeito que no resto do sueste de Gran Canaria, parte da poboación de Agüimes optou no pasado pola emigración a Cuba, Porto Rico e outros países de América. Actualmente é unha zona de inmigración, beneficiada polo auxe do turismo no sur da illa e doutras actividades de servizos. Hai que sinalar ademais a puxanza da zona industrial de Arinaga, en torno ao porto homónimo.

Localidades[editar | editar a fonte]

Cruce de Arinaga
Playa de Arinaga
Agüimes
Polígono de Arinaga
Montaña Los Vélez
Las Rosas
La Banda
Temisas
Llanos Prietos (Los Espinales)

Véxase tamén[editar | editar a fonte]

Ligazóns externas[editar | editar a fonte]

Sitio web do concello (en castelán)