Tuineje

Tuineje
Localización
País	España
Comunidade autónoma	Canarias
Provincia	As Palmas
Illa	Fuerteventura
Xeografía
Altitude	205 msnm
Superficie	275,94 km²
Demografía
Poboación	13.536 hab. (2010)
Densidade	49,05 hab/km²
Xentilicio	Tuinejense
Outros datos
Código postal	35629
Alcalde	Salvador Delgado (CC)
www.ayuntamientotuineje.com

Tuineje é un municipio canario pertencente á provincia das Palmas. Está situado no sueste da illa de Fuerteventura. Os principais núcleos de poboación son Gran Tarajal, Tarajalejo, Tesejerague e Tuineje.

Historia

Foi dependente do municipio de Betancuria ata finais do século XVIII. Constitúese en municipio en 1872 grazas ás Cortes de Cádiz. En 1740, durante a guerra angloespañola, corsarios ingleses desembarcan no pobo para realizar saqueos. Con todo, e a pesar da súa desvantaxe en armamento, os nativos conseguen unha vitoria sobre os invasores. Meses máis tarde vólvense a reproducir os acontecementos con igual resultado. Esta batalla coñécese como Batalla de Tamasite ou de Llano Florido.

Demografía

Evolución demográfica

1900	1930	1950	1970	1981	2000	2010
2.205	2.396	3.078	4.385	5.636	9.851	13.536

Economía

A economía en Tuineje baséase na agricultura de tomate e forraxe (primeiro produtor insular) e na gandería (carne de cabra e queixos). Cobra tamén un papel relevante o sector turístico. Destacan as praias de Gran Tarajal, Tarajalejo, Giniginámar e Las Playitas.

Edificios de interese

• Ermida de San Marcos en Tiscamanita, de finais do século XVII.
• Igrexa de San Miguel Arcanxo, en Tuineje, data do século XVIII.
• Ermida de San José, en Tesejerague, data da primeira metade do século XVIII.
• Forno de cal, en Gran Tarajal, construído en 1953, é o maior de Fuerteventura.

Espazos protexidos

Hubara canaria.

Espazos compartidos con outros municipios da illa:

• Paisaxe Protexida do Malpaís Grande: campo de lavas de emisións volcánicas.
• Monumento Natural de Cuchillos de Vigán: reduto de especies ameazadas como o guirre, a aguia pescadora e o falcón de berbería.
• Parque Rural de Betancuria: de grande interese faunístico e refuxio tamén para varias rapaces ameazadas.
• Monumento Natural de Caldera de Gairía: cono volcánico de erupción recente.

Localidades irmandadas

• Baler, Filipinas

Véxase tamén

Ligazóns externas

• Concello de Tuineje (en castelán)
• Arquivo histórico dixital de Tuineje (en castelán)