Ácido montánico

Na Galipedia, a Wikipedia en galego.
Ácido montánico
Ácido montánico
Identificadores
Número CAS 506-48-9
PubChem 10470
ChemSpider 10038
ChEBI CHEBI:31001
Imaxes 3D Jmol Image 1
Propiedades
Fórmula molecular C28H56O2
Masa molar 424,74 g mol−1
Densidade 0,8191 g/mL
Punto de fusión 909 °C; 1 668 °F; 1 182 K
Solubilidade en auga Insoluble

Se non se indica outra cousa, os datos están tomados en condicións estándar de 25 °C e 100 kPa.

O ácido montánico ou ácido octacosanoico é un ácido graxo de cadea liñal con 28 átomos de carbono, cuxa fórmula molecular é C
28
H
56
O
2
, que se simboliza como C28:0.

A temperatura ambiente moderada é sólido e funde aos 90,0–90,9 °C. A súa densidde é de 0,8191 g/cm3 entre 4 e 100 °C, e o seu índice de refracción é de 1,4313 a 100 °C.[1]

O seu nome común de ácido montánico provén do alemán Montanwachs[2] e esta do latín montanus, ‘relativo á montaña’ e do alemán wachs, 'cera'; xa que se illa da cera montana, extraída do lignito.[3] A cera montana contén aproximadamente un 50 % de ácido montánico.[4]

Atópase tamén no cerebro humano e nos órganos viscerais. Pode obterse a partir da cana de azucre (Saccharum officinarum L.). Biosintetíase a partir do octacosanol por medio de β-oxidación. Tamén aparece na cera de abella e na cera chinesa (obtida dos insectos Ceroplastes ceriferus e Ericerus pela). Os ésteres de etilén glicol e de glicerol de ácido montánico utilízanse como capa protectora na pel de froitos e cubertas de alimentos.[5] Demostrouse que inhibe a agregación plaquetaria inducida ex vivo a causa da adición de agonistas no plasma.[6]

Notas[editar | editar a fonte]

  1. LipidBank - Fatty acid(DFA0028) Arquivado 14 de febreiro de 2018 en Wayback Machine.. [Consultado: o 16 de outubro de 2018].
  2. Montanwachs - MATERIAL ARCHIV (en alemán). [Consultado: 16 de outubro de 2018].
  3. PlantFAdb. [Consultado: 16 de agosto de 2018].
  4. Ryan, Hugh; Algar, Joseph. Montanic Acid and Its Derivatives. Proceedings of the Royal Irish Academy. Section B: Biological, Geological, and Chemical Science, 30, 1912, páx. 97–105.
  5. "Documenta Geigy: Scientific tables" Konrad Diem, C. Lentner; Geigy Pharmaceuticals, sixth edition, 1965.
  6. Human Metabolome Database: Showing metabocard for Octacosanoic acid (HMDB0002348). [Consultado: 16 de outubro de 2018].