Rublo ruso

Para outras páxinas con títulos homónimos véxase: Rublo.

Rublo ruso
Pоссийский рубль en ruso

Código:	RUB
Ámbito:	Rusia Abkhasia Osetia do Sur
Símbolo:	руб
Fracción:	100 kopeks
Moedas:	1, 5, 10, 50 kopeks 1, 2, 5, 10 RUB
Billetes:	5, 10, 50, 100, 500, 1.000, 5.000 RUB
Emisor:	Banco de Rusia^[1]
Taxa de troco: 16-01-2015 ^[2]	1 EUR = 83,91 RUB 1 USD = 76,90 RUB
Troco actual

O rublo (en ruso рубль, rublʹ) é a unidade monetaria actual da Federación Rusa e das repúblicas autoproclamadas de Abkhasia e Osetia do Sur. Foi a moeda oficial na Unión Soviética e no Imperio Ruso.

Historia[editar | editar a fonte]

Véxase tamén: Rublo soviético.

Moedas de rublo da época imperial

Reverso dunha moeda de prata 1 rublo

Anverso dunha moeda de prata 1 rublo coa efixie do tsar Nicolao II

Reverso dunha moeda de prata 15 kópecks

Anverso dunha moeda de prata 15 kópecks

Anverso dunha moeda de ouro 5 rublos coa efixie do tsar Nicolao II

O rublo implantouse de forma definitiva xunto coa creación do Imperio Ruso no século XVI á chegada de Iván o Terrible Durante case tres séculos conviviu con outras unidades monetarias como o denga ou a polushka. Co tempo, o rublo abriuse camiño e as restantes moedas desapareceron ou se converteron na forma coloquial de chamar a unha fracción determinada de rublo. Durante o reinado de Nicolao II, último tsar de Rusia, a polushka era o equivalente a 1/400 de rublo, e 1/2 rublo recibía o nome de poltinik. Na era soviética denominábase comunmente chiervoniets á moeda de ouro de 10 rublos. Desde a súa aparición, a centésima parte do rublo recibe o nome de kópeck.

O rublo apenas perdeu o seu valor desde a súa aparición ata a Revolución Rusa en 1917 grazas ao control autocrático dos tsares. Cando a guerra civil rusa chegou ao seu fin, Lenin decidiu, como unha das medidas da NEP, a desvalorización do rublo nun 50%. Desde 1917, o rublo foi perdendo progresivamente valor no mercado internacional ata que en 1958, o secretario xeral do PCUS Nikita Khrushchev estableceu un cambio oficial e permanente de 1,5 dólares estadounidenses por rublo. Este cambio permaneceu ata a aparición da chamada perestroika, imposta a finais da década dos anos 1980 por Mikhail Gorbachev, que esixía unha nova desvalorización. O rublo pasou a valer 1/10 do seu valor anterior en 1990.

A partir da caída da Unión Soviética en decembro de 1991, o valor do rublo veu abaixo. Todas as repúblicas integrantes da CEI (todas as que formaban a URSS fóra de Estonia, Letonia e Lituania ademais de Moldavia e Xeorxia que ingresarían máis tarde) aceptaron continuar co rublo como moeda oficial. Ucraína violaría o acordo xunto con Taxikistán (que ironicamente volvería aceptar o rublo) en primeiro lugar. Para finais 1992 tan só Belarús e Rusia utilizaban rublos, e este sufriu unha depreciación que deixou o cambio en 100 rublos por dólar. En 1993, a caída foi máxima e o valor do rublo quedou a 1000 rublos por dólar e Belarús comezou a emitir os seus propios rublos. Entre 1993 e 1997 a tremenda inflación cesou e o rublo mantivo o seu pobre valor estabilizado. En 1997 fíxose unha enorme reforma que deixou o cambio oficial a 30 rublos por dólar. Belarús volveu adoptar o rublo emitido por Rusia despois de que os seus propios rublos sufrisen unha caída tal que se chegaron a facer emisións de billetes de varios millóns de rublos. Taxikistán tamén volveu aceptar o rublo ruso logo da revalorización.

Doutra banda, en 1946 unha compañía mineira soviética instalouse nas illas Svalbard ao norte de Noruega e no interior do Círculo Polar Ártico. Esta compañía, chamada Арктикунгол (Arktikungol), emitiu unha serie de moedas de kopieika para uso exclusivo dos habitantes da illa quen, a pesar de que vivían en terras norueguesas, eran en máis dun 80% de nacionalidade soviética. Tras a caída da Unión Soviética, a compañía emitiu en 1993 unha nova serie de moedas, esta vez de rublos enteiros debido á depreciación da moeda. Outras emisións realizáronse en 1999, 2000, 2002 e 2004. Estes rublos teñen valor comercial non só nas illas Svalvard (Шпицверген - Shpitsbiergien en ruso) senón en todo o territorio ruso. Debido á súa escasa tirada, os rublos das illas Svalbard son moi apreciados polos coleccionistas.

Moedas e billetes actuais[editar | editar a fonte]

Moedas[editar | editar a fonte]

Existen moedas de rublos nas seguintes denominacións:

1998 Moeda de dous rublos da Federación Rusa

1 kópeck (raramente usado)
5 kópecks (raramente usado)
10 kópecks
15 kópecks
50 kópecks
1 rublo
2 rublos
5 rublos

Billetes[editar | editar a fonte]

Os billetes en circulación en 2005 son os das denominacións que a continuación se enumeran. Cada denominación está dedicada a unha cidade rusa, polo que os motivos que se representan pertencen a devandita cidade.

5 rublos
- 61 x 137 mm
- Tonalidade: verde
- Cidade motivo: Novgorod
- Anverso: Monumento ao Milenio Ruso, de fondo a Catedral de Santa Sofía en Novgorod
- Reverso: A muralla do Kremlin de Novgorod.
10 rublos
- 65 x 150 mm
- Tonalidade: verde escuro e marrón
- Cidade motivo: Krasnoyarsk
- Anverso: Ponte sobre o río Ienisei e unha capela
- Reverso: Planta hidroeléctrica
50 rublos
- 65 x 150 mm
- Tonalidade :azul
- Cidade motivo: San Petersburgo
- Anverso: detalle da Columna Rostral no río Neva, de fondo a Fortaleza de San Pedro e San Pablo
- Reverso: o edificio da Bolsa e a Columna Rostral.
100 rublos
- 65 x 150 mm
- Tonalidade rosa e alaranxada
- Cidade motivo: Moscova
- Anverso: escultura dunha cuadriga na fachada do Teatro Bolshoi
- Reverso: Edificio do Teatro Bolshoi
500 rublos
- 65 x 150 mm
- Tonalidade: azul violeta
- Cidade motivo: Arjangelsk
- Anverso: monumento a Pedro o Grande e un barco veleiro, de fondo a Terminal marítima de Arjangelsk
- Reverso: Mosteiro Solovetsky
1000 rublos
- 69 x 157 mm
- Tonalidade: azul verdáceo
- Cidade motivo: Yaroslavl
- Anverso: Monumento ao príncipe Yaroslav o Sabio, de fondo capela no Kremlin de Yaroslavl
- Reverso: Igrexa do Precursor.