Alicia no país das marabillas

Na Galipedia, a Wikipedia en galego.
Alicia no país das marabillas
Alice par John Tenniel 25.png

Ilustración de Alicia no país das marabillas.
Título orixinal Alice's Adventures in Wonderland
Autor Lewis Carroll
Ilustrador John Tenniel
País Reino Unido Reino Unido
Lingua Inglés
Colección Conto
Tema(s) Historia, xogos matemáticos
Xénero(s) Narrativa
Editorial Macmillan
Data de pub. 26 de novembro de 1865
Precedido por As aventuras soterradas de Alicia
Seguido por A través do espello e o que Alicia atopou alí

Alicia no país das marabillas [1]é unha obra literaria creada en 1865 polo matemático, crego e escritor británico Charles Lutwidge Dodgson, baixo o pseudónimo Lewis Carroll.

Características[editar | editar a fonte]

A Alicia de Jessie Willcox Smith.
Facsímile da obra, cunha ilustración do propio Lewis Carroll.

O conto vén ateigado de alusións satíricas aos amigos do propio Carroll, á educación inglesa e a temas políticos de xacando. O país das marabillas descrito na historia está fundamentalmente creado a través do emprego lúdico da lóxica. Tanto foi así que a obra acadou popularidade nos máis variados ambientes, xa fose o dos cativos xa o dos matemáticos ou os intelectuais. Moitas veces se fala desta obra e do seu autor como referentes do posterior surrealismo así como das vangardas históricas do século XX.

Nesta obra aparecen algúns dos personaxes de máis sona de Carroll, coma o Coello Branco, o Sombreireiro, o Gato de Cheshire ou a Raíña de Corazóns, quen co tempo se farían coñecidos máis aló do mundo propiamente literario.

Consérvanse unicamente 23 copias da primeira edición de 1865, das que 17 pertencen a distintas bibliotecas e as restantes fican en mans privadas. O libro ten unha segunda parte, moito menos coñecida, que leva por título Alicia do outro lado do espello (Through the looking-glass, and what Alice found there, de 1871).

A obra foi traducida a numerosas linguas, entre elas o galego: a tradución fixérona Teresa Barro e Fernando Pérez-Barreiro Nolla, e publicouna Edicións Xerais en 1984. En 1998, un exemplar da primeira edición foi vendido en poxa por un millón e medio de dólares, converténdose así no libro infantil máis caro até o momento[2][3][4].

Adaptacións cinematográficas[editar | editar a fonte]

A Alicia no País das Marabillas de Carroll ten inspirado filmes e adaptacións televisivas diversas. Nesta listaxe soamente se recollen as adaptacións directas da novela orixinal, non de traballos derivados desta. Aparecen co título orixinal.

  • Alice in Wonderland (1903, 1910, 1915) Filmes mudos.
  • Alice in Wonderland (1931, 1933, 1941)
  • Alice in Wonderland (1951) Debuxos da Disney
  • Alice in Wonderland (1966) Filme televisivo
  • Alice's Adventures in Wonderland (1972, 1976, 1981) Musical
  • Alisa v Zazerkale (1981) Debuxos animados
  • Alice in Wonderland (1983) Filme televisivo baseado no musical de Broadway
  • Fushigi no Kuni no Alice (1983) Anime
  • Alice in Wonderland (1999) Filme televisivo
  • Abby in Wonderland (2008), Especial para Sesame Street.
  • Alice in Wonderland (2010), Filme de Tim Burton.

Notas[editar | editar a fonte]

  1. http://www.mcu.es/webISBN
  2. Este récord foi superado en 2007 por Los cuentos de Beedle el Bardo, de J. K. Rowling, vendido en 3,98 millóns de dólares.
  3. Alicia en el país de las Maravillas. Ecu Red
  4. "Auction Record for an Original 'Alice'". The New York Times: p. B30. 11 de decembro de 1998. http://www.nytimes.com/1998/12/11/nyregion/auction-record-for-an-original-alice.html 

Véxase tamén[editar | editar a fonte]

Outros artigos[editar | editar a fonte]