Liga Europea de hóckey a patíns 2021/22
 | Este artigo ou sección refírese a un tema de actualidade. A información fornecida aquí pode cambiar en calquera momento segundo avanza o evento, e os informes iniciais poden ser pouco fiables. Por favor, non achegues datos especulativos e lembra incluír referencias e citar as fontes. |
Liga Europea 2021/22
| |
|---|---|
| Liga | Liga Europea de hóckey a patíns |
| Deporte | Hóckey a patíns |
| Duración | 23 de outubro de 2021 - 15 de maio de 2022 |
| Equipos | 8 |
| ← 2020-21 | |
A Liga Europea de hóckey a patíns 2021/22 é a 57ª tempada do principal torneo de hóckey a patíns de Europa, organizado polo WS Europe.
A edición estivo marcada pola ausencia de todos os grandes clubs de hóckey a patíns de Europa.
Antecedentes[editar | editar a fonte]
Aproveitando a disputa en Luso (Portugal) da final a catro da Liga Europea masculina 2020/21 durante os días 15 e 16 de maio, os representantes da Asociación Europea de Clubs de Hóckey a Patíns (coñecida polas súas siglas en inglés "EHCA") e dos comité de hóckey a patíns da World Skate mantiveron unha reunión para comezar a traballar conxuntamente na nova edición da máxima competición continental de hóckey a patíns, co obxectivo de mellorala e profesionalizala, así como darlle unha maior visibilidade á modalidade.[1]
Segundo os clubs da EHCA, a necesidade de modificar a Liga Europea obedecía á difícil situación económica do hóckey a patíns europeo, en palabras do portavoz da Asociación, Toni Miró:[2]
| “ | A nós cústanos cartos xogar en Europa. Gastamos nos desprazamentos mais non temos ningún ingreso | ” |
— Toni Miró | ||
Dous meses despois desta primeira reunión, durante a Asemblea Xeral da EHCA celebrada o 16 de xullo, os clubs membros da EHCA acordaron por unanimidade non inscribirse na Liga Europea 2021/22. Nun comunicado emitido o 26 de xullo sinalábase que logo de celebrarse varias reunións entre a asociación, o WSE-RH e o WSRH, o comité europeo de hóckey a patíns non se pronunciara sobre o recoñecemento da EHCA como coorganizador, como solicitara na derradeira reunión o 21 de xullo, nin dera a coñecer as características da nova edición da máxima competición do hóckey a patíns europeo. Neste punto semellaba que a EHCA organizaría a súa propia competición en setembro integrada polos clubs membros, así como aqueles que gañaran a súa participación por méritos deportivos.[3]
Con todo, as conversas continuaron e logo dunha reunión telemática celebrada o 29 de xullo, e na que participaron o Director de Sport Departmente de WS Francesco Zangarini, o Director de WS-RHTC e presidente de RFEP Carmelo Paniagua, o Director de WSE-RHTC Agostinho da Silva, o presidente da FPP, e o Presidente da EHCA Joao Nuno Araujo, a situación mudou. Todas as partes chegaron a un acordo sobre o modelo de competición para a Liga Europea 2021/22, na que participarían un máximo de 16 equipos en dous grupos de oito equipos cun formato de liga todos contra todos a dobre volta con partidos disputados os xoves, finalizando cunha final a oito na que participarían os catro mellores equipos de cada grupo. A inscrición de máis equipos na competición obrigaría a programar unha fase previa. A EHCA confiaba que o diálogo permitira chegar a un acordo definitivo para traballar conxuntamente na organización da máxima competición do hóckey a patíns continental.[4][5]
Lonxe de chegarse a unha solución, 48 horas despois de chegar a un acordo sobre o modelo de competición, WS Europe retractouse e mantivo o formato de catro grupos de catro equipos cada un a unha única volta. A EHCA anunciou o 9 de setembro que os seus integrantes, doce equipos en total,[a] só xogarían a Liga Europea baixo o sistema que acordaran as partes. A máxima competición do hóckey a patíns europeo encontrábase nunha situación similar á que viviu o baloncesto europeo cando a Euroleague organizou o seu propio torneo á marxe da FIBA.[5]
Finalmente o sorteo da competición, celebrado o sábado 10 de setembro de 2021 na localidade portuguesa de Paredes, evidenciou a ruptura entre WS Europe e a EHCA, ao non presentarse ningún dos seus integrantes ao mesmo.[6]
Formato[editar | editar a fonte]
A negativa dos grandes clubs europeos deu como resultado un feito histórico no hóckey a patíns continental, xa que por primeira vez na historia da máxima competición europea non houbo ningún equipo español e viu un formato reducido con tan só oito equipos de Francia, Italia, Portugal e Suíza.[6]
O número reducido de equipos obrigou a un formato reducido consistente nunha fase de grupos e unha final a catro. Na fase de grupos, os oito equipos participantes repartíronse en dous grupos de catro equipos cada un, xogando unha liguiña a dobre volta todos contra todos. A fase de grupos comezou o 23 de outubro de 2021 e finalizará o 9 de abril de 2022. Os dous primeiros clasificados de cada grupo clasifícanse para a final a catro que se disputará entre os días 14 e 15 de maio nunha sede a decidir.[7]
| Equipos[b] | |||
|---|---|---|---|
| Grupo A | Grupo B | ||
 Amatori Lodi (2º)
|
 US Coutras ( - )
| ||
| La Vendéenne ( - )
|
 RHC Diessbach ( - )
| ||
 Sporting Tomar (6º)
|
Sarzana (4º)
| ||
| GSH Trissino (3º)
|
AD Valongo (7º)
| ||
Equipos participantes[editar | editar a fonte]
Fase de grupos[editar | editar a fonte]
Grupo A[editar | editar a fonte]
Clasificación[editar | editar a fonte]
| Pos | Equipo | PX | PG | PE | PP | GF | GC | DG | Pts |
|---|---|---|---|---|---|---|---|---|---|
| 1 | GSH Trissino
|
4 | 2 | 2 | 0 | 14 | 10 | +4 | 8 |
| 2 | Amatori Lodi
|
4 | 2 | 1 | 1 | 12 | 9 | +3 | 7 |
| 3 | Sporting Tomar
|
4 | 1 | 3 | 0 | 13 | 11 | +2 | 6 |
| 4 | La Vendéenne
|
4 | 0 | 0 | 4 | 5 | 14 | -9 | 0 |
Partidos[editar | editar a fonte]
| 1ª xornada 23 de outubro de 2021 | La Vendéenne | 2 – 5 | GSH Trissino | La Roche-sur-Yon | ||
| 20:30 CEST | Cocco  0' 19'Malagoni 12'J. Pinto 21'Faccin 34'
|
Informe | Gefflot 7' M. Pinto 11'
|
Estadio: Complexe Sportif de l'Angelmière Árbitro: Iván González, Oriol Pérez | ||
| 1ª xornada 23 de outubro de 2021 | Amatori Lodi | 4 – 4 | Sporting Tomar | Lodi | ||
| 21:00 CEST | Méndez 21' 29' Greco 34'Barbieri 49'
|
Informe | Ivo Silva 7' Oliveira 27' 20'Moreira 36'
|
Estadio: PalaCastellotti Árbitro: Miguel Díaz, Jonatan Sánchez | ||
| 2ª xornada 11 de decembro de 2021 | GSH Trissino | 2 – 1 | Amatori Lodi | Trissino | ||
| 20:45 CEST | Gavioli 16' Malagoli 41'
|
Informe | Méndez 30'
|
Estadio: Palasport Comunale Árbitro: Miguel Guilherme, Joao Duarte | ||
| 2ª xornada 11 de decembro de 2021 | Sporting Tomar | 2 – 0 | La Vendéenne | Tomar | ||
| 18:00 CEST | L. Santos 40' Moreira 48'
|
Informe | Estadio: Cidade de Tomar Árbitro: Ulderico Barbarisi, Carlo Iuorio | |||
Grupo B[editar | editar a fonte]
Clasificación[editar | editar a fonte]
| Pos | Equipo | PX | PG | PE | PP | GF | GC | DG | Pts |
|---|---|---|---|---|---|---|---|---|---|
| 1 | AD Valongo
|
4 | 3 | 1 | 0 | 19 | 8 | +11 | 10 |
| 2 | Sarzana
|
4 | 2 | 1 | 1 | 18 | 18 | 0 | 7 |
| 3 | RHC Diessbach
|
4 | 2 | 0 | 2 | 14 | 17 | -3 | 6 |
| 4 | US Coutras
|
4 | 0 | 0 | 4 | 10 | 18 | -8 | 0 |
Partidos[editar | editar a fonte]
Notas[editar | editar a fonte]
- ↑ Nese momento a EHCA estaba integrada por cinco equipos da OK Liga (FC Barcelona, CH Caldes, HC Liceo, CE Noia e Reus Deportiu), cinco equipos portugueses (OC Barcelos, SL Benfica, UD Oliveirense, FC Porto e Sporting de Lisboa), o HC Forte dei Marmi italiano, e o SCRA Saint-Omer francés.[5]
- ↑ Entre parénteses clasificación dos equipos nas súas respectivas ligas. Os campionatos francés e suízo foron suspendidos pola Pandemia de COVID-19.[8]
- Referencias
- ↑ "La EHCA y la WS empiezan a trabajar juntos en la nueva competición europea 2021-2022". Mundo Deportivo (en castelán). 16 de maio de 2021. Consultado o 5 de novembro de 2021.
- ↑ "Crisis en el hockey patines: ha empezado la Champions sin Barça ni los otros grandes". Mundo Deportivo (en castelán). 25 de outubro de 2021. Consultado o 27 de xaneiro de 2022.
- ↑ "Los clubes de la EHCA acuerdan no inscribirse en la Liga Europea 21/22" (en castelán). HC Liceo. 26 de xullo de 2021. Consultado o 5 de novembro de 2021.
- ↑ "Los clubes de EHCA deciden inscribirse a la Liga Europea". Mundo Deportivo (en castelán). 18 de agosto de 2021. Consultado o 6 de novembro de 2021.
- ↑ 5,0 5,1 5,2 "El Barça y los mejores clubs se desmarcan de la Liga Europea". Mundo Deportivo (en castelán). 10 de setembro de 2021. Consultado o 6 de novembro de 2021.
- ↑ 6,0 6,1 "El sorteo de la Liga Europea consuma la división del hockey continental". Mundo Deportivo (en castelán). 11 de setembro de 2021. Consultado o 27 de xaneiro de 2022.
- ↑ "World Skate Europe Rink Hockey Media Guide 2021/2022" (PDF) (en inglés). WS Europe. Arquivado dende o orixinal (PDF) o 05 de novembro de 2021. Consultado o 5 de novembro de 2021.
- ↑ "Rink hockey. Arrêt de toutes les compétitions et saison blanche" (en francés). 8 de abril de 2021. Consultado o 5 de novembro de 2021.
Véxase tamén[editar | editar a fonte]
Outros artigos[editar | editar a fonte]
Ligazóns externas[editar | editar a fonte]
- Sitio web da WS Europe Arquivado 05 de novembro de 2021 en Wayback Machine. (en inglés)
