Languedoc-Rosellón

Languedoc-Rosellón Llenguadoc-Rosselló Languedoc-Roussillon Lengadòc-Rosselhon

Bandeira Escudo

Estado Francia Capital  • Poboación  • Coordenadas Montpellier 251.634 (2006) n/d Linguas Catalán, francés, occitano1  • Oficiais Francés2 Estatus Rexión de Francia Presidente Christian Bourquin Superficie  • Total  • % auga Fronteiras Costas Posto 9º 27.376 km² km km Poboación  • Total  • Densidade Posto 9º 2.594.000 (est. 2008) 95 hab./km² Xentilicio Rosellonés/esa Fuso horario  • en verán UTC+1 UTC+2 Dominio de Internet .fr Prefixo telefónico n/d Prefixo radiofónico n/d Código ISO 1 Fálase catalán na parte sur e occitano no resto do territorio. 2 Malia ser segundo as leis francesas o francés a única lingua oficial, o Consello Xeral dos Pireneos Orientais aprobou unha resolución legal na que se lle daba unha certa oficialidade ás linguas catalá e occitana nese departamento. Sitio web oficial Subdivisións de Francia

Languedoc-Rosellón (en catalán: Llenguadoc-Rosselló, en francés: Languedoc-Roussillon, en occitano: Lengadòc-Rosselhon) é unha rexión francesa que agrupa cinco departamentos. Está bordeada ao sur por España e o mar Mediterráneo (golfo de León), e as seguintes rexións francesas: Provenza-Alpes-Costa Azul, Ródano-Alpes, Auvernia e Mediodía-Pireneos. Moitos elementos naturais a rodean: os Pireneos, despois as terras do Lauragais, os Cévennes e o río Ródano. Moitos xeógrafos falan dun anfiteatro que mira ao mal, en relación ás montañas e as chairas languedocianas e rosellonesas.

Os seus cinco departamentos son herdeiros das provincias do Antigo réxime do Languedoc e Rosellón. Os seus cinco departamentos son : o Aude (número 11), o Gard (número 30), o Hérault (número 34), o Lozère (número 48) e os Pireneos Orientais (número 66).

No 2004, o consello rexional adoptou un novo logotipo simbolizando o sol, e que leva a divisa: "Vivir na Septimania".

Historia

Artigo principal: Historia do Languedoc-Rosellón.

Na época antiga, o Languedoc-Rosellón formaba a provincia Narbonense, incorporada ben cedo ao Imperio romano. No século V, os visigodos instaláronse aquí, fundando a Septimania. Esta provincia foi temporalmente dominada polos árabes, antes de ser conquistada por Carlos Magno, que a denominou marca de Gothie. Na época feudal tivo lugar unha grande fragmentación política: os condados do Rosellón e de Cerdaña, de lingua catalá, pasaron á órbita do reino de Aragón, mentres que o Baixo Languedoc pasou baixo a dominación da casa Trencavel; despois, tras a cruzada albixense baixo a do rei de Francia. O tratado de Corbeil de 1258 ratifica esta división: os Corbières formaban a fronteira entre o reino de Francia e o reino de Aragón. En 1659 o tratado dos Pireneos incorporou o Rosellón e o norte da Cerdaña ao reino de Francia, pero as provincias do Languedoc e do Rosellón quedaron separadas administrativamente.

Administración

Artigo principal: Consello rexional do Languedoc-Rosellón.

Política

A política no Languedoc-Rosellón estivo dominada desde hai tempo pola oposición entre dous persoeiros: Jacques Blanc (presidente do consello rexional durante 18 anos) e Georges Frêche, o seu adversario socialista que o sucedeu en marzo de 2004. Os ministros Claude Allègre e Jean-Claude Gayssot son orixinarios da rexión.

Xeografía

A rexión do Languedoc-Rosellón é moi heteroxénea. A chaira litoral contrasta coas zonas montañosas de Cévennes e os Pireneos, pasando polas mesetas calcarias. As costas rochosas dos Pireneos alternas coas longas praias de area protexendo as bastas lagoas (lagoa de Thau, de Vendres, do Méjean...).

Economía

A economía do Languedoc-Rosellón baséase nun único factor esencial, o "sol", ao servizo de dous sectores vitais: o turismo e a agricultura.

Véxase tamén

Ligazóns externas

• Paisaxes de Lozère-Gévaudan en fotos
• Sitio oficial do consello rexional