Diamond League
A Diamond League é unha competición de atletismo organizada pola IAAF, que foi creada en 2010 para substituír a Golden League (1998-2009). Trátase dunha competición formada por 14 reunións atléticas, nas que os atletas participantes acumulan puntos na súa proba segundo os resultados acadados en cada reunión.
Reunións[editar | editar a fonte]
A seguinte táboa amosa as 14 reunións que compoñen a edición 2012 da Diamond League:
| Data | Nome | Estadio | Cidade | País |
|---|---|---|---|---|
| 11 de maio | Doha Meeting | Estadio Qatar SC | Doha |  Qatar
|
| 19 de maio | Shanghai Golden Grand Prix | Estadio de Shanghai | Shanghai |  China
|
| 31 de maio | Compeed Golden Gala | Estadio Olímpico de Roma | Roma |  Italia
|
| 2 de xuño | Prefontain Classic | Hayward Field | Eugene |  Estados Unidos
|
| 7 de xuño | ExxonMobile Bislett Games | Bislett Stadion | Oslo |  Noruega
|
| 9 de xuño | Adidas Grand Prix | Icahn Stadium | Nova York | Estados Unidos
|
| 6 de xullo | Meeting Areva | Stade de France | Saint-Denis |  Francia
|
| 13 e 14 de xullo | Aviva London Grand Prix | Crystal Palace Sports Centre | Londres | .svg){kind=small} Reino Unido
|
| 20 de xullo | Herculis | Stade Louis II | Mónaco |  Mónaco
|
| 17 de agosto | DN Galan | Estadio Olímpico de Estocolmo | Estocolmo |  Suecia
|
| 23 de agosto | Athletissima | Stade Olympique de la Pontaise | Lausana |  Suíza
|
| 26 de agosto | Birmingham Grand Prix | Birmingham Alexander Stadium | Birmingham | Reino Unido
|
| 30 de agosto | Weltklasse Zürich | Letzigrund Stadium | Zúric | Suíza
|
| 7 de setembro | Memorial van Damme | Estadio Rei Balduíno | Bruxelas | .svg){kind=small} Bélxica
|
Probas[editar | editar a fonte]
Na Diamond League dispútanse 32 probas, 16 masculinas e 16 femininas:
- Masculinas: 100 metros lisos, 200 metros lisos, 400 metros lisos, 800 metros lisos, 1500 metros lisos, 5000 metros lisos, 3000 metros obstáculos, 110 metros valos, 400 metros valos, salto de lonxitude, salto de altura, salto con pértega, triplo salto, lanzamento de peso, lanzamento de disco e lanzamento de xavelina.
- Femininas: 100 metros lisos, 200 metros lisos, 400 metros lisos, 800 metros lisos, 1500 metros lisos, 5000 metros lisos, 3000 metros obstáculos, 100 metros valos, 400 metros valos, salto de lonxitude, salto de altura, salto con pértega, triplo salto, lanzamento de peso, lanzamento de disco e lanzamento de xavelina.
Normas[editar | editar a fonte]
- 1. Cada proba realízase sete veces en toda a tempada.
- 2. Os puntos para cada reunión son:
- 4 puntos para o primeiro clasificado.
- 2 puntos para o segundo clasificado.
- 1 punto para o terceiro clasificado.
- Na derradeira reunión acádanse o dobre de puntos.
- 3. O atleta que xunte máis punto ó remate da tempada é o gañador absoluto da proba. No caso de empate, o gañador é o que teña sumado máis vitorias, e no caso de que siga o empate, o gañador será o mellor na derradeira reunión. Deste xeito, para ser o gañador absoluto dunha proba é precisa a participación do atleta na derradeira reunión.
- 4. Na final de cada proba, en cada reunión, os participantes acadarán os seguintes premios:
- 10.000 $ para o primeiro.
- 6.000 $ para o segundo.
- 4.000 $ para o terceiro.
- 3.000 $ para o cuarto.
- 2.500 $ para o quinto.
- 2.000 $ para o sesto.
- 1.500 $ para o sétimo.
- 1.000 $ para o oitavo.
- 5. O gañador absoluto de cada proba acada o Trofeo de Diamante e 40.000 $.