Deltebre

Deltebre

Brasón
Localización
40°43′10″N 0°42′30″L
Estado	España
Comunidade autónoma	Cataluña
Provincia	Provincia de Tarragona
Ámbito funcional territorial	Terres de l'Ebre
Comarca	Baix Ebre
Capital	Deltebre
Contén a división administrativa	La Cava (en)
Poboación
Poboación	11.818 (2023) (110,04 hab./km²)
Lingua oficial	lingua catalá lingua castelá
Xeografía
Parte de	Mancomunidade Abocador Baix Ebre Q107556144
Superficie	107,4 km²
Bañado por	Mar Mediterráneo, Río Ebro, Canal de l'Esquerra de l'Ebre (en) e Golfo de Sant Jordi
Altitude	6 m
Comparte fronteira con	Sant Jaume d'Enveja Camarles L'Aldea Amposta Ampolla
Creación	1977 (Xuliano)
Organización política
• Alcalde	Lluís Soler i Panisello (2015–)
Identificador descritivo
Código postal	43580
Fuso horario	UTC+01:00
Código INE	43901
Código territorial IDESCAT	439018
Páxina web	deltebre.cat

Deltebre é un municipio de Cataluña, pertencente á provincia de Tarragona, na comarca do Baix Ebre. Formouse en 1981 pola unión dos municipios de Jesús i María e La Cava que, á súa vez, se sedgregaran de Tortosa en 1977. É a poboación máis próxima á desembocadura do río Ebro. Segundo o INE, no 2006 tiña 10 811 habitantes.

Historia

Coñécese pouco sobre a historia de Deltebre. Segundo a tradición, foron os mouriscos os primeiros que se instalaron na zona. A mediados do século XVIII existían algúns asentamentos temporais na zona do delta.

En 1818 construíuse a igrexa de San Miguel da Cava e a poboación empezou a organizarse ao redor da mesma. O municipio formouse en 1977 por unión dos de Jesús i María e La Cava.

Cultura

O termo municipal inclúe tres espazos considerados de interese natural: a punta do Fangar, que inclúe un porto e unha praia; a lagoa da Canle Vella e a zona coñecida como o Garchal formada por pequenas illas.

Conta cun ecomuseo destinado a orientar aos visitantes que realizan excursións polo parque natural do Delta do Ebro.

Deltebre celebra a súa festa maior no mes de agosto. En maio ten lugar unha celebración en conmemoración da segregación do municipio.

Deltebre ten dúas publicacións dirixidas á cidadanía: Desaigüe está destinada a toda a poboación en xeral, con noticias sobre a vila, a súa gastronomía, as actividades culturais e lúdicas, as novas construcións municipais etc. I per què? está destinada á mocidade, con seccións de música, literatura, cultura e actividades por e para a xuventude.

Economía

A finais do século XIX, e tras a construción da canle do Ebro, o cultivo do arroz converteuse na principal actividade agrícola en Deltebre, converténdose practicamente nun monocultivo. Existen algunhas explotacións familiares de produtos da horta. Desde 1955 conta cunha cooperativa arroceira.

Cidades irmandadas

• Reinosa (Cantabria).

Véxase tamén

Ligazóns externas

• Páxina web do Concello (en catalán)