Cernunnos

Na Galipedia, a Wikipedia en galego.
"Cernunnos" no Caldeiro de Gundestrup.

Cernunnos é o nome convencional dado nos estudos celtas ás representacións do "Deus hastado" do politeísmo celta. O nome en si só é atestado unha vez, no Piar dos mariñeiros do século I atopado en Lutecia. Pola contra, existe un gran número de representacións de figuras humanas con cornos, a miúdo coas pernas cruzadas, asociadas a animais e sostendo ou levando torques.

Non se sabe nada do deus a partir de fontes literarias, e os detalles sobre o seu nome, o seu culto e a súa significación na relixión celta son descoñecidos. Especúlase sobre interpretacións que o relacionan coa natureza e a fertilidade.[1] Segundo as fontes arqueolóxicas Cernunnos tiña culto na Galia, Galia Cisalpina e na costa sur de Britania.

Representación de Cernunnos, no Piar dos mariñeiros.
Símbolo do Deus Hastado.

Notas[editar | editar a fonte]

  1. Green, Miranda (1992). Animals in Celtic Life and Myth. pp. 227–8.