Cernunnos

Representación de Cernunnos, actualmente en París.

Cernunnos na relixión celta era o espírito divinizado dos animais machos cornudos, sobre todo do cervo. Estaba asociado á reprodución e á fertilidade. Segundo as fontes arqueolóxicas Cernunnos tiña culto na Galia, Galia Cisalpina e na costa sur de Britannia.

Símbolo do Deus Astado.

Unha das súas representacións máis coñecidas é a do caldeiro de Gundestrup, no que aparece en posición de meditación, xunto cun oso, un lobo, unha serpe, un cervo, un touro, un león e outros animais.