Abella

Na Galipedia, a Wikipedia en galego.

Abella común (Apis mellifera).

As abellas son insectos himenópteros da familia dos ápidos, voadores, sociais, emparentados coas avespas e as formigas. Moitas delas poden ser de utilidade para o home, xa como produtoras de mel e cera, xa como vehículo na fecundación das plantas con flores, ou ben como destrutoras doutros insectos daniños.

Índice

1 Diferenzas morfolóxicas
2 Características
- 2.1 Anatomía da abella
3 A abella na cultura popular
4 Galería de imaxes
5 Véxase tamén
- 5.1 Outros artigos
- 5.2 Ligazóns externas

[editar] Diferenzas morfolóxicas

As abellas, como moitos outros insectos sociais, presentan diferenzas morfolóxicas, o que dá lugar a distintas castes: machos, femias fértiles e obreiras. Na abella común, doméstica ou melífica, Apis mellifera, domesticada polo home, estas castes están representadas polos machos ou abáboros, dos que hai varios en cada colmea, a abella raíña ou abella mestra, da que só hai unha en cada colmea, e que son unicamente encargados da reprodución, e as obreiras, que son a inmensa maioría, e que teñen como misión a recolección do néctar, a elaboración da cera e do mel, a alimentación das larvas, dos machos e da raíña (a esta, mentres está na fase larvaria, coa chamada xelea real, que converterá a esta larva en nova raíña), a construción dos favos, a limpeza da colmea, etc. Os individuos reprodutores, abáboros e raíña, teñen un tamaño aproximado de 2 cm, mentres que as obreiras só chegan a 1,5 cm.

[editar] Características

As abellas obreiras teñen unha lingua longa que empregan para obter o néctar das flores. As antenas das abellas están formadas por trinta segmentos nos machos e doce nas femias. Teñen dous pares de ás, o último é o máis pequeno dos dous. As patas das obreiras están adaptadas para coller o pole e o apéndice do final do abdome é unha transformación do oviscapto (que só posúen as raíñas) nun aguillón conectado a unha glándula produtora de veleno, que usan para se defenderen. Hai arredor de 16.000 especies descritas, pero posibelmente o número total de especies estea en 30 000. O 80% das especies son solitarias e o resto son especies sociais que viven en comunidades: entre as máis avanzadas atópanse as abellas do mel.

[editar] Anatomía da abella

n°	Órganos (dunha obreira)
1	Lingua
2	Orificio do conduto excretor da glándula da mandíbula posterior
3	Mandíbula inferior
4	Mandíbula superior
5	Labio superior
6	Labio inferior
7	Glándula da mandíbula frontal (glándula mandibular)
8	Glándula da mandíbula posterior
9	Abertura da boca
10	Glándula da farinxe
11	Cerebro
12	Ocelos
13	Glándulas salivares
14	Músculos torácicos
15	Postfragma
16	Á anterior
17	Á posterior
18	Corazón
19	Estigmas
20	Saco aéreo
21	Intestino medio (estómago)
22	Válvulas cardíacas
23	Intestino delgado
24	Tubos de Malpighi
25	Glándulas rectais
26	Bolsa de excrementos
27	Ano
28	Funda do aguillón
29	Bolsa do veleno
30	Glándulas do veleno
30	Arcos da canle do aguillón
32	Pequena glándula
33	Vesícula seminal
34	Glándulas ceríferas
35	Ganglios abdominais
36	Tubo da válvula
37	Embude da válvula ou intestino intermedio
38	Copa (entrada do estómago)
39	Bolsa do mel (buche)
40	Aorta
41	Tubo dixestivo
42	Cordón neuronal
43	Palpos labiais
44	Metatarso
a	Coxa
b	Trocánter
c	Fémur
d	Tibia
e	Tarso con tarsómeros e unllas