A

Na Galipedia, a Wikipedia en galego.
Abecedario
Aa Bb Cc Dd Ee
Ff Gg Hh Ii Ll
Mm Nn Ññ Oo Pp
Qq Rr Ss Tt Uu
Vv Xx Zz
 Non galego: Çç - Jj - Kk - Ww - Yy 

O A é a primeira letra do alfabeto galego, e representa a vogal máis aberta da lingua galega.

Pode ter a función de artigo determinado feminino singular (a bolboreta), ou de preposición con distintos valores (axudar a alguén, ir a Santiago).

Tamén pode ser un prefixo de orixe latina con valor de aproximación ou dirección (achegar, asentar), ou un prefixo de orixe grega con valor de negación (apolítico, anormalidade).

Historia[editar | editar a fonte]

A letra A ten a súa orixe nun pictograma dunha cabeza de boi da escrita xeroglífica exipcia ou do alfabeto ugarítico. Cara ao ano 1600 a.C. os fenicios déronlle unha forma liñal que serviu de base para todas as formas posteriores da letra.

Usos[editar | editar a fonte]

Astronomía[editar | editar a fonte]

A indica, segundo a clasificación de Harvard, unha clase espectral de estrela de gran luminosidade, cor azul e temperatura entre 8.000 e 12 000 °C. O seu compoñente principal é o hidróxeno. Estrelas deste tipo son Sirio, Altair e Vega.

A indica que un asteroide foi descuberto entre o 1 e o 15 de xaneiro.

Bioquímica[editar | editar a fonte]

Na codificación dos aminoácidos ordinarios, A é a abreviatura de alanina.
Na codificación dos ácidos nucleicos, A é a abreviatura da adenina.
A indica o grupo sanguíneo no que os glóbulos vermellos só portan aglutinas A.

Electrónica[editar | editar a fonte]

A é o símbolo do amperio, unidade de medida da corrente eléctrica.
A é o tamaño estándar da batería.

Filosofía[editar | editar a fonte]

A é o símbolo da proposición universal afirmativa.
Coa fórmula "A = A" indícase o principio de identidade.
Coa fórmula "A = non A" indícase o principio de contradición.

Física[editar | editar a fonte]

A representa o número de masa do átomo.
Coeficiente A de Einstein da emisión espontánea de radiación.
a é o símbolo da área, unidade de superficie, e tamén símbolo da aceleración.

Informática[editar | editar a fonte]

En Unicode o A é U+0041 e o a é U+0061.
En ASCII o A é 65 e o a é 97.
En código binario A é 01000001 e a é 01100001.

Mecánica[editar | editar a fonte]

a é o símbolo da aceleración (vectorial).

Química[editar | editar a fonte]

O ácido A é un derivado sulfúrico da naftalina.

Tamén é a abreviatura en bioquímica da adenosina, unha base dos ácidos nucleicos (ADN ou ARN).

Xeografía[editar | editar a fonte]

A é símbolo de Austria.

Véxase tamén[editar | editar a fonte]

Entradas da enciclopedia que comezan por A