XesGalicia
 | Este artigo (ou sección) está desactualizado(a). A información fornecida mudou ou é insuficiente. |
.png){kind=small} | |
 XesGalicia comparte sede co IGAPE | |
| Fundación: | Santiago de Compostela. |
|---|---|
| Presidente: | Xoán Manuel Cidivanes |
| http://www.xesgalicia.org | |
XesGalicia é unha sociedade galega xestora de entidades de capital de risco. Está participada na súa meirande parte polo Instituto Galego de Promoción Económica (IGAPE), dependente da Xunta de Galicia, que aporta á sociedade un 70% do capital. O restante 30% fica alimentado polo aforro interno da corporación.
O seu presidente é Xoán Manuel Cividanes Roger.[1]
Nacemento e obxectivos[editar | editar a fonte]
| Accionistas de XesGalicia (ano 2001) | ||
|---|---|---|
| Tipo | Porcentaxe | |
| IGAPE | 46,7% | |
| Xunta de Galicia | 20,64% | |
| ABANCA (Caixanova e Caixa Galicia | 23,60% | |
| Banco Pastor | 4,35% | |
| BBVA | 3,79% | |
| Sociedades de desenvolvemento rexional francesas (Bretagne e L'Ouest) |
0,92% | |
| Fonte: Consello de Contas.[2] | ||
XesGalicia foi creada no ano 1999, autorizando ao IGAPE a constituíla coa fin de financiar ás empresas galegas. Así, a sociedade constitúese baixo a forma de se S.A. cun capital social de 1.202.020 euros.
O obxectivo desta sociedade é incentivar e financiar o crecemento empresarial mediante a participación minoritaria e temporal do capital das empresas. Ten potestade tamén para outorgar préstamos ordinarios ou préstamos participativos, botando man dun Fondo de Capital de Risco.
Malia que o obxectivo inicial era investir en empresas economicamente viábeis, e co agravante da crise económica, na práctica XesGalicia mudou cara a unha entidade de rescate de empresas con perdas.[3] Así, no ano 2012 un 63% das empresas participadas pola Xunta de Galicia a través de XesGalicia ficaban en números vermellos.[4]
Subdivisións[editar | editar a fonte]
XesGalicia conta con seis instrumentos financeiros para a axuda ao préstamo das empresas galegas:
- Sodiga, unha sociedade anónima destinada ás empresas con especial potencial de crecemento.
- Fondo Adiante, destinado para empresas que, malia seren viábeis, presentan dificultades específicas.
- Emprende, destinada ás novas empresas de recente creación.
- Fundación Impulsa Ferrol, destinada especificamente a fornecer o tecido empresarial da bisbarra da comarca de Ferrol.
- Posibilita, destinada á promoción de empresas de discapacitados.
- Fondo Tecnolóxico I2C, destinado ás empresas de desenvolvemento tecnolóxico e I+D.
Notas[editar | editar a fonte]
- ↑ XesGalicia (ed.). "XesGalicia. Órganos de Administración." (PDF). Arquivado dende o orixinal (PDF) o 12 de agosto de 2014. Consultado o 10 de agosto de 2014.
- ↑ "Consello de contas de Galicia: informe de fiscalización do ano 2001" (PDF). Consello de Contas de Galicia. Arquivado dende o orixinal (PDF) o 12 de agosto de 2014. Consultado o 10 de agostode 2014..
- ↑ Economista Digital (ed.). "La crisis convierte Xesgalicia en una UCI para empresas". Arquivado dende o orixinal o 12 de agosto de 2014. Consultado o 10 de agosto de 2014.
- ↑ El País Galicia (ed.). "El 63% de las empresas apoyadas por la Xunta en Xesgalicia pierden dinero". Consultado o 10 de agosto de 2014.
Véxase tamén[editar | editar a fonte]
Outros artigos[editar | editar a fonte]
Ligazóns externas[editar | editar a fonte]
| Institucións |  | |
|---|---|---|
| Consellerías | ||
| Gobernos |
| |
| Eleccións | ||
| Referendos | ||
| Lexislaturas | ||
| Deputados | ||