Uusimaa

Uusimaa
	Uusimaa (fi); Nyland (sv)
	Brasón
Símbolo oficial	Ourizo cacho (animais); Merlo (aves); Lake Tuusula (en) (lago); Lucioperca (peixe); Anemone de bosque (planta); Hornblenda (rocha)
Localización
	60°15′N 24°30′L / 60.25, 24.5
Estado	Finlandia
Axencia Rexional	Axencia administrativa rexional de Finlandia meridional
Capital	Helsinqui
Contén a división administrativa	Subrexión de Helsinqui ; Subrexión de Loviisa ; Subrexión de Porvoo ; Subrexión de Raseborg
Poboación
Poboación	1.704.607 (2021) (178,14 hab./km²)
Xeografía
Superficie	9.568,85 km²
Comparte fronteira con	Finlandia Propia ; Päijänne Tavastia ; Tavastia Propia ; Kymenlaakso (2011–)
Datos históricos
Precedido por	Finlândia Meridional (pt) e Uusimaa Oriental
Creación	1 de xaneiro de 1994
28 de marzo de 2020	Evento clave
28 de marzo de 2020	2020 isolation of Uusimaa (en)
Identificador descritivo
Fuso horario	Horario do leste de Europa; UTC+02:00, horario estándar; UTC+03:00, horario de verán
ISO 3166-2	FI-18
Código NUTS	FI1B
Sitio web	uudenmaanliitto.fi

Uusimaa (en galego Nilandia; en sueco Nyland) é unha das 19 rexións de Finlandia. Está situada no sur do país, na provincia histórica de Uusimaa, e na actual provincia de Finlandia Meridional. A súa capital e cidade máis poboada é Helsinqui, con 604.380 habitantes. Na rexión atópanse as dúas cidades máis grandes do país, a capital Helsinqui, e Espoo.

A rexión ten unha poboación de 1.550.362 habitantes e unha superficie de 9.567,71 km², o que a converte na rexión máis poboada e a 15ª máis grande. Uusimaa limita coas rexións de Tavastia Propia e Päijänne Tavastia ao norte, Kymenlaakso ao leste, e Finlandia Propia ao oeste, e co golfo de Finlandia ao sur.

Historia

Uusimaa foi, xunto co resto do sur e o oeste de Finlandia, parte do Reino de Suecia dende o século XII ou XIII.

A costa de Uusimaa foi anteriormente escasamente poboada, maioritariamente por xentes de Tavastia, mais foi dende o século XII cando comezou a ser poboada por colonos suecos, a meirande parte de Hälsingland, e as vilas sueco falantes chegou ata cerca das bocas dos ríos Vantaanjoki e Keravanjoki.

Os nomes Uusimaa e Nyland significan en galego "nova terra". O nome sueco Nyland aparece nos documentos dende o século XIV. O nome finés Uusimaa aparece por primeira vez en 1548 como Wsimaa en Se Wsi Testamenti no Novo Testamento en finés de Mikael Agricola.^[1]

As provincias finlandesas foron cedidas ao Imperio Ruso na Guerra de Finlandia en 1809. Logo disto, Uusimaa converteuse na Provincia de Uusimaa/Nyland no antigo sistema lääni. Dende 1997 ata 2010, Uusimaa foi unha parte da Provincia de Finlandia Meridional. Foi dividida nas rexións de Uusimaa e Uusimaa Oriental. En 2011, as dúas rexións se fusionaron.

Linguas

A rexión de Uusimaa é oficialmente unha rexión bilingüe na que o finés e o sueco teñen o mesmo status.

A rexión, especialmente as áreas costeiras, é tradicionalmente sueco falante, os dialectos rexionais tradicionais do sueco (nyländska) son actualmente máis falados en Uusimaa Oriental, mentres que no resto da rexión, a lingua sueca estandarizouse máis.

A poboación de fala finesa comezou a medrar cando a capital de Gran Ducado de Finlandia foi trasladdada de Turku a Helsinqui polo emperador Alexandre I de Rusia en 1812, e a rexión atraeu colonos doutras partes de Finlandia. O stadin slangi de Helsinqui (unha xerga local do finés) evolucionou inicialmente no século XIX.