Transexualidade

Na Galipedia, a Wikipedia en galego.
Amanda Lepore, transexual.

Unha persoa transexual é aquela cuxa identidade de xénero non coincide ca asignada no momento do nacemento a partir da súa morfoloxía xenital.

A palabra transexual identifica a quen se someteu a procedementos médicos ( `Cirurxía|cirúrxicos]] e endócrino para axustar o seu corpo á súa identidade de xénero. Quen no pasa por procedementos médicos é denominado persoa transxénero. Porén, o concepto transexual adoita aplicarse a ámbalas dúas realidades. Ademais da adecuación corporal ao seu corpo, as persoas transexuais experimentan tamén un proceso de transición psicolóxica e social para adecuarse á súa identidade de xénero.[1]

As mulleres transexuais son aquelas que naceron cuns xenitais considerados masculinos e foron socializadas como homes. Os homes transexuais son aqueles que naceron cuns xenitais considerados femininos e foron socializados como mulleres.

Patoloxización[editar | editar a fonte]

A transexualidade é considerada a miúdo unha doenza, mesmo en círculos científicos. Está clasificada como trastorno da personalidade e da conduta na Clasificación Internacional de Doenzas da Organización Mundial da Saúde e polo Manual Diagnóstico e Estadístico de Doenzas Mentais da Asociación de Psiquiatría de Norteamérica.[1] A OMS ten previsto variar a súa clasificación no ano 2018, co que pasaría a formar parte da listaxe de condicións relativas á saúde sexual.[2]

Características[editar | editar a fonte]

Os requisitos mínimos para que unha persoa sexa considerada transexual están sempre en debate. Algunhas persoas achan que as mudanzas provocadas por tratamento hormonal, sen alteracións cirúrxicas, son suficientes para cualificar o uso do termo transexual. Outros, especialmente médicos, acreditan que existe un conxunto de procedementos que deben ser seguidos sempre. O público en xeral moitas veces define “un/unha transexual” como alguén que fixo ou planea facer unha cirurxía de “mudanza de sexo”. O termo corrente en uso para definir mudanzas das características sexuais é Cirurxía de Reasignación Sexual - CRS (Sex Reasignment Surgery - SRS, en inglés). Este termo reflicte a idea de que as persoas transexuais non están “mudando de sexo”, senón corrixindo os seus corpos. Entre tanto, ten sido comunmente aceptado que o desexo de pertencer ao sexo oposto, ou a afirmación de que determinada persoa é do sexo oposto ao sexo designado no nacemento, xa é condición suficiente para considerar a alguén transexual. En contraste, algunhas persoas transxéneras moitas veces non consideran que son ou queren pertencer ao sexo oposto, senón que son ou queren ser do xénero oposto.

Transxénero é considerado un termo paraugas para persoas que foxen dos roles de xénero. Entre tanto moitas persoas transexuais non se identifican como transxénero. Algúns ven transxénero como descaracterización e non recoñecemento de súas identidades, porque para estes o termo significa "quebra de papeis sociais de xénero", cando de feito se ven a si mesmos como pertencentes a un rol de xénero, pero diferente do que lles foi asignado no nacemento.

As persoas transexuais son moitas veces definidas como pertencentes á comunidade LGBT ou Queer. Algúns identifícanse con esta comunidade, outros non ou prefiren non usar o termo. Hai que salientar que a transexualidade non está relacionada coa orientación sexual. Mulleres e homes transexuais exhiben unha gama de orientacións sexuais da mesma forma que os cisexuais (non-transexuais). Eles sempre se refiren á súa orientación sexual en relación co seu xénero final.

Referencias[editar | editar a fonte]

Véxase tamén[editar | editar a fonte]

Outros artigos[editar | editar a fonte]