Cristianismo e homosexualidade

Na Galipedia, a Wikipedia en galego.
Saltar ata a navegación Saltar á procura
Neno nunha manifestación de orientación cristiá.

A visión que ten o cristianismo da homosexualidade é moi diversa. Algunhas igrexas cristiás son totalmente contrarias á admisión de prácticas sexuais entre persoas do mesmo sexo porque ven nelas unha ofensa ao seu deus. Outras consideran que as relacións sexuais son expresión do amor e admítenas dentro da súa moral. Entre estas dúas posturas extremas hai moitos matices, tantos como interpretacións hai da mensaxe de Xesús de Nazaret.

Catolicismo[editar | editar a fonte]

A postura oficial da Igrexa Católica provén, en parte, da interpretación tendenciosa [Cómpre referencia] dos textos sagrados, e en parte do mantemento dunha tradición patriarcal heterocéntrica.

Actualmente a principal igrexa cristiá por volume de crentes é a Católica. A súa postura oficial no referente á práctica homosexual está expresada no Catecismo, que afirma que "os actos homosexuais son intrinsecamente desordenados. (...) Son contrarios á lei natural. Pechan o acto sexual ao don da vida. Non proceden dunha verdadeira complementariedade afectiva e sexual. Non poden recibir aprobación en ningún caso". Neste principio apréciase a permanencia da filosofía estoica na identificación entre sexualidade aceptable e procreación. No relativo ás persoas homosexuais, o Catecismo afirma que "non elixen a súa condición homosexual; esta constitúe para la maioría deles unha auténtica proba. (...) As persoas homosexuais están chamadas á castidade. Mediante virtudes de dominio de si mesmo que eduquen a liberdade interior (...) poden e deben acercarse gradual e resoltamente á perfección cristiá.".[1]

Protestantismo[editar | editar a fonte]

Outras igrexas cristiás non católicas non ven nas prácticas sexuais con persoas do mesmo sexo unha violación do seu código moral. Dentro desta corrente integradora, a igrexa cuáquera británica aprobou en xullo do 2009 a celebración de casamentos relixiosos entre persoas do mesmo sexo, e solicitou ao Goberno a súa validación civil. É certo que as congregacións cuáqueras do Reino Unido e Australia son especialmente proclives a considerar as persoas homosexuais en réxime de igualdade, mentres que as dos Estados Unidos e Suráfrica están inspiradas por unha filosofía máis homófoba.[2] En xeral, semella haber unha relación directa entre a maior apertura e o maior desenvolvemento económico e social.

Normalmente aquelas igrexas máis favorables ao trato igualitario son as que levan feito máis avances tamén en materia de igualdade de xénero, como é o caso da Igrexa Episcopaliana[3] ou da Igrexa Luterana Evanxélica de América[4], que permiten o ordenamento de mulleres e de persoas abertamente homosexuais. Para sorpresa dos seus fieis, a Igrexa Episcopaliana de Michigan, no ano 1973, informaba:[5]

"A comisión descubriu que é imposible estudar en profundidade o feito homosexual sen advertir un elemento de misterio nun fenómeno que se resiste a ser plenamente despexado. Ningún científico acadou de xeito convincente illa-las "causas" da personalidade homosexual. Tampouco a literatura teolóxica examinada pola Comisión se amosa unánime verbo da valoración da homosexualidade. A postura tradicionalmente negativa da Igrexa perante este tema resultou menos xustificada e menos convincente do que supuña a Comisión por anticipado. Estamos convencidos de que nos atopamos non perante unha aberración, senón máis ben ante un misterio: a natureza do amor mesmo".

Por último, a Sociedade Teolóxica Americana afirma:[5]

"Malia non podermos acusar á Igrexa de ter mantido unha persecución constante contra os homosexuais, hai que admitir que contribuíu ideoloxicamente á persecución dos homosexuais polo Estado. A Igrexa participa das responsabilidades que supón a longa historia das persecucións contra o comportamento homosexual na sociedade civil occidental".

Ortodoxia[editar | editar a fonte]

Notas[editar | editar a fonte]

  1. "Catecismo de la Iglesia Católica" (Htm) (en (en castelán)). Consultado o 22/06/2010. 
  2. GEEN, J. (31/07/2009). www.pinknews.co.uk, ed. "Quakers agree to hold gay marriages" (Html) (en (en inglés)). Consultado o 22/06/2010. 
  3. GEEN, J. (04/06/2010). www.pinknews.co.uk, ed. "US Episcopal leader stands firm in support for gay bishops" (en (en inglés)). Consultado o 22/06/2010. 
  4. LOVE, C. (19/04/2010). www.huffingtonpost.com, ed. "The Lutheran Church Embraces the LGBTQ Community!" (Html) (en (en inglés)). Consultado o 22/06/2010. 
  5. 5,0 5,1 CHAO REGO, X. (1999). A condición homosexual. Galaxia, Vigo. ISBN 84-8288-268-6. 

Véxase tamén[editar | editar a fonte]

Outros artigos[editar | editar a fonte]