Transfobia
A transfobia[1] é un neoloxismo que fai referencia ao conxunto de ideas e fenómenos que abranguen actitudes, sentimentos ou accións negativas cara ás persoas transxénero ou a transexualidade en xeral. A transfobia pode incluír o medo, a aversión, o odio, a violencia, a ira ou o malestar que sente ou se expresa cara ás persoas cuxa identidade de xénero non corresponde coas normas de xénero que a sociedade estabelece para as persoas do sexo que se lles foi asignado ao nacer ou que se saen do binarismo de xénero, enebefobia.[2][3][4][5] A miúdo exprésase xunto coas opinións homófobas e, por tanto, adoita considerarse un aspecto da homofobia.[6][7] A transfobia é un tipo de prexuízo e discriminación.[8]
A rapazada transxénero poden sufrir acoso sexual, acoso escolar e violencia na escola, nos programas de acollida e de asistencia social, así como posibles abusos por parte da súa familia. As vítimas adultas experimentan o ridículo en público, o acoso, incluído o uso dun xénero erróneo, as burlas, as ameazas de violencia, os roubos e as falsas detencións; moitas séntense inseguras en público. Unha alta porcentaxe afirma ser vítima de violencia sexual. A algunhas persoas transxénero négaselles a asistencia sanitaria ou sofren discriminación no lugar de traballo, incluído o despedimento por ser transxénero, ou séntense asediados por grupos políticos ou relixiosos conservadores que se opoñen ás leis sobre dereitos das persoas LGTB. Tamén sofren a discriminación dalgunhas persoas dentro dos movementos sociais LGTB e dalgunhas feministas.
Ademais do maior risco de violencia e outras ameazas, a tensión creada pola transfobia pode provocar consecuencias emocionais negativas que poden conducir a trastornos por consumo de substancias, fugas de casa (en menores) e un maior índice de suicidio.
Notas[editar | editar a fonte]
- ↑ Definicións no Dicionario da Real Academia Galega e no Portal das Palabras para transfobia.
- ↑ Chakraborti, Neil; Garland, Jon (2009). Hate Crime: Impact, Causes and Responses. SAGE Publications, Ltd. pp. 77. ISBN 978-1412945684.
- ↑ Chrisler, Donald R.; McCreary, Joan C. (2010). Handbook of Gender Research in Psychology, Volume 2. Springer. p. 366. ISBN 978-1441913555.
- ↑ FELGTB (11 de decembro de 2010). "Alarma: 180 asesinatos por transfobia en el último año alertan de la necesidad de proteger los Derechos Humanos de las personas trans". Dos Manzanas (en español). Consultado o 11 de decembro de 2010.
- ↑ "Hate Crime". City of London Police. Arquivado dende o orixinal o 7 de agosto de 2011. Consultado o 10 de decembro de 2010.
- ↑ Maurianne Adams; Lee Anne Bell; Pat Griffin (2007). Teaching for Diversity and Social Justice. Routledge. pp. 198–199. ISBN 978-1135928506. Consultado o 2014-12-27.
Because of the complicated interplay among gender identity, gender roles, and sexual identity, transgender people are often assumed to be lesbian or gay (See Overview: Sexism, Heterosexism, and Transgender Oppression). ... Because transgender identity challenges a binary conception of sexuality and gender, educators must clarify their own understanding of these concepts. ... Facilitators must be able to help participants understand the connections among sexism, heterosexism, and transgender oppression and the ways in which gender roles are maintained, in part, through homophobia.
- ↑ Thomas Spijkerboer (2013). Fleeing Homophobia: Sexual Orientation, Gender Identity and Asylum. Routledge. p. 122. ISBN 978-1134098354. Consultado o 2014-12-27.
Transgender people subjected to violence, in a range of cultural contexts, frequently report that transphobic violence is expressed in homophobic terms. The tendency to translate violence against a trans person to homophobia reflects the role of gender in attribution of homosexuality as well as the fact that hostility connected to homosexuality is often associated with the perpetrators' prejudices about particular gender practices and their visibility.
- ↑ Judith A. Lewis, Michael D. Lewis, Judy A. Daniels, Community Counseling: A Multicultural-Social Justice Perspective (2010, ISBN 113317003X)
