Teón de Esmirna
  | |
| Nome orixinal | (grc) Θέων ὁ Σμυρναῖος |
|---|---|
| Biografía | |
| Nacemento | (grc) Θέων c. 70 Esmirna |
| Morte | c. 135 (64/65 anos) |
| Datos persoais | |
| País de nacionalidade | Roma Antiga |
| Actividade | |
| Ocupación | matemático , teórico da música , musicólogo , astrónomo , filósofo |
| Período de tempo | Imperio Romano |
| Lingua | Grego antigo |
Teón de Esmirna (en latín Theon, en grego antigo Θέων) foi un matemático grego nativo de Esmirna que viviu na época do emperador Hadriano, segundo Claudio Ptolomeo, quen o cita moitas veces e conservou as súas observacións sobre Mercurio e Venus. A enciclopedia Suídas di que tamén era filósofo.
Traxectoria[editar | editar a fonte]
Procles alude a este personaxe dicindo que escribiu as xenealoxías de Platón e Solón, e Plutarco di que escribiu sobre a Lúa.
Consérvase unha parte da súa obra sobre aritmética titulado Τῶν κατὰ μαθαμητὴν χρησίμων εἰς τὴν τοῦ Πλάτωνος ἀνάγνωσιν (As regras matemáticas básicas para entender a Platón). Desta obra consérvanse dous libros, un de aritmética e outro de música. Sábese que un terceiro libro trataba da astronomía e un cuarto περὶ τῆς ἐν κόσμῳ ἁρμονίας (Sobre a harmonía no cosmos). O libro sobre aritmética segue o mesmo esquema que o traballo de Nicómaco de Xerasa e trata sobre a Teoría dos números. O libro sobre música expón a aplicación da aritmética á teoría musical e fai referencia á Harmonía das esferas.
Algunhas noticias suxiren que escribiu outras obras e tratados astronómicos, e atribúeselle unha obra conservada nun manuscrito chamada θεολογούμενα (Sobre as cousas divinas). Fabricio inclúeo na Bibliotheca Graeca[1].
Notas[editar | editar a fonte]
- ↑ Theon a: William Smith (editor), A Dictionary of Greek and Roman Biography and Mythology. Vol. III Boston: Little, Brown & Comp., 1867, p. 1079
