Pappus de Alexandría

Na Galipedia, a Wikipedia en galego.
Pappus de Alexandría
Nacemento 290
Lugar Alexandría
Falecemento 350
Ocupación matemático e escritor
editar datos en Wikidata ]
Mathematicae Collectiones de Pappus (edición de 1589).

Pappus de Alexandría[1][2] (en grego Πάππος ὁ Ἀλεξανδρεύς, transl. Páppos hò Alexandreýs) nado en Alexandría, Exipto, foi un exipcio helenizado e un dos máis importantes matemáticos helenísticos da antigüidade. Foi un importante xeómetra, pescudador e autor de moitos textos sobre científicos da antiga civilización grega, entre eles a súa principal obra, Synagoge (320 d. C.) ou Colección Matemática, un tratado en grego composto por oito libros dos cales o primeiro e parte do segundo se extraviaron, onde se encontran relatos, novas probas e temas suplementarios para varias proposicións de Arquímedes, Euclides, Apolonio e Tolomeo, entre outros, sobre superficies de revolución, planos, sólidos e lineares.

Descubriu varios teoremas precursores da xeometría proxectiva, pescudou o chamado problema de Dido ou isoperimétrico e demostrou que, de entre as formas que as abellas poderían empregar para facer seus favos, a adoptada é a que máis economiza cera. 

As súas conclusións foron o punto de partida para a invención da xeometría analítica por Descartes, trece séculos despois. Xunto con Diofanto, foron os dous principais matemáticos da chamada Idade de Prata da Universidade de Alexandría (250-350). Tamén escribiu sobre música e hidrostática e morreu nalgún lugar de Grecia.

Notas[editar | editar a fonte]

  1. (Crease, 2012, p. 23)
  2. (Cherman, 2010, p. 49)

Véxase tamén[editar | editar a fonte]

Bibliografia[editar | editar a fonte]

  • Cherman, Alexandre; Rainho Mendoça, Bruno (2010). Por que as coisas caem? (en portugués). Zahar. ISBN 978-85-3780-177-2. 
  • Crease, Robert P. (2012). As grandes equações: A história das fórmulas matemáticas mais importantes e os cientistas que as criaram (en portugués). Zahar. 

Outros artigos[editar | editar a fonte]

Ligazóns externas[editar | editar a fonte]