San Lourenzo, Coruxo, Vigo
| San Lourenzo | |
|---|---|
| Parroquia | Coruxo |
| Concello | Vigo |
| Coordenadas | 42°11′33″N 8°46′13″O / 42.192475061423, -8.7701739954226 |
| Poboación | 69 hab. (2022) |
| [ editar datos en Wikidata ] | |
San Lourenzo é un lugar da parroquia de Coruxo no concello pontevedrés de Vigo, na comarca de Vigo.[1] Segundo o IGE,[2] en 2022 tiña 69 habitantes (28 homes e 41 mulleres).
Celebracións
[editar | editar a fonte]Neste lugar celébranse as festas de San Lourenzo do 9 ao 11 de agosto, aínda que tradicionalmente só se celebraba a véspera (día 9) e o día grande (día 10). A comisión de festas de San Lourenzo leva a cabo diferentes actos ao longo do ano, como a Festa dos Ovos con Chourizo e varias ceas-baile.
Patrimonio
[editar | editar a fonte] | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
- Ermida de San Lourenzo, xa documentada no século XVIII. No muro do lateral esquerdo consérvase unha inscrición bastante ilexible enriba da fiestra.
- Castro de San Lourenzo, un antigo poboado fortificado do que se conservan un foxo e un forte desnivel a modo de protección.
- O Penedo, un promontorio coroado cunha gran laxe (e outras máis cativas) con varios gravados e pozas, como o Pozo de San Lourenzo, que expertos[quen?] relacionan cun lugar de sacrificios precristiáns. Segundo esta teoría, deitaríase o corpo sobre a parte alta do penedo e o sangue correría por dúas canles escarvadas na rocha ata chegar ao pozo. Antigamente facíanse misas durante os días das festas e varios rituais que xiran en torno á un petróglifo do que se di que ten gravadas as marcas que deixou a grella onde foi martirizado San Lourenzo no propio Penedo.
Hai varias lendas arredor do monte do Gato, entre o barrio de San Lourenzo e o de Tintureira. Unha das máis importantes é que á entrada dunha suposta cova que une o barrio de San Lourenzo co de Fragoselo nas noites de lúa chea saía unha moura loira a peitear os seus cabelos enriba dunha laxe ou penedo.
Lugares da Parroquia de Coruxo
[editar | editar a fonte]Lugares de Coruxo
[editar | editar a fonte]| Lugares da parroquia de Coruxo no concello de Vigo (Pontevedra) | |
|---|---|
|
Abade | Os Bouzós | Breadouro | Burdés | A Calzada | O Carballal | A Carrasqueira | O Ceán | O Combro | Coruxo de Abaixo | O Cotarelo | Couto de Abaixo | Couto de Arriba | Fontela | Fragoselo | A Gándara | O Gato | A Igrexa | As Laxes | A Longra | A Luz | Melcas | Moláns | Muíños | A Parrocha | A Pedreira | As Quintas | O Río | Romeu | As Roteas | O Rozo | San Lourenzo | A Silveira | A Taberna | Tarrío | A Tintureira | Toralla | A Torre | O Vao | O Verdeal | Viñó |
Parroquias de Vigo
[editar | editar a fonte]Notas
[editar | editar a fonte]- ↑ Nomenclátor de Galicia. Busca directa (ed.). "Lugares da parroquia de Coruxo, Vigo". Consultado o 18 de maio de 2023.
- ↑ IGE (ed.). "IGE - Nomenclátor estatístico de Galicia" (en galego). Consultado o 26 de febreiro de 2023.