Salmónidos

Na Galipedia, a Wikipedia en galego.
(Redirixido desde «Salmoniformes»)
Saltar ata a navegación Saltar á procura
Salmónidos
Salmonidae

Rango fósil: cretáceo superior -
actualidade [1][2]
Salmo trutta.jpg
Troita (Salmo trutta fario)
Clasificación científica
Reino: Animalia
Filo: Chordata
Subfilo: Vertebrata
Infrafilo: Gnathostomata
Superclase: Osteichthyes
Clase: Actinopterygii
Subclase: Neopterygii
Infraclase: Teleostei
Superorde: Protacanthopterygii
Orde: Salmoniformes
Bleeker, 1859
Familia: Salmonidae
Autor en discusión
Xéneros
Ver no texto

A dos salmónidos (Salmonidae) é a única familia da orde dos salmoniformes (Salmoniformes), peixes teleósteos mariños, os máis deles anádromos e algúns de augas doces, que se distribúen de forma natural por todo o hemisferio Norte, pero que foron amplamente introducidos polo ser humano en augas frías de ríos de todo o mundo para a pesca.[1]

Inclúe especies como as troitas e os salmóns do Vello Mundo, os salmóns do Pacífico, as troitas do xénero Salvelinus, os salmóns do xénero Huso, os corégonos (xénero Coregonus) e os tímalos (xénero Thymallus).

Algunhas das súas especies son, ademais, extensamente criadas en acuicultura, tanto que existe unha especialidade dentro deste tipo de actividades, a acuicultura de salmónidos.

Os salmoniformes apareceron por primeira vez no rexistro fósil no cretáceo superior.[2]

Etimoloxía[editar | editar a fonte]

O seu nome científico, Salmoniformes deriva do latín salmo, que é como chamaban na antiga Roma ao salmón,[3] e o elemento -iformes, co que se constrúen os nomes das ordes de peixes.

Ademais da orde, salmo dá o nome ao xénero Salmo, que é o tipo non só da orde, senón tamén da súa única familia, Salmonidae, ao que pertence o salmón propiamente dito e as troitas.[4]

Anatomía[editar | editar a fonte]

Teñen escamas pequenas tipo cicloide; non presentan espiñas nas aletas, tendo todos eles no seu lombo unha aleta adiposa; algunha especie pode acadar até 1,5 m de lonxitude máxima.[1]

Hábitat e bioloxía[editar | editar a fonte]

Moitos destes peixes son anádromos, pasando parte da súa vida no mar, pero retornando aos ríos que remontan até preto da súa cabeceira para desovar nos leitos de grava; tras isto moitos deles morren.[1]

Importancia para o ser humano[editar | editar a fonte]

Son especies moi valoradas na pesca, tanto comercial como deportiva; tamén moitas son moi usadas na acuicultura, tendo grande importancia a súa comercialización para a alimentación humana.[1]

Clasificación[editar | editar a fonte]

Filoxenia dos Salmónidos[5][6]
Coregoninae

Prosopium Prosopium cylindraceum (white background).jpeg

Stenodus Inconu (PSF).png

Coregonus Ichtyologie, ou, Histoire naturelle, générale et particulière des poissons (Pl. XXVII) (white background).jpg

Thymallinae

Thymallus Arctic Grayling Thymallus arcticus arcticus (white background).jpg

Salmoninae

Salmo Salmo salar flipped.jpg

Salvelinus (incl. Salvethymus) Denton Male Sunapee Trout (cropped).png

Oncorhynchus Lake Washington Ship Canal Fish Ladder pamphlet - male freshwater phase Coho.jpg

Brachymystax

Parahucho Hucho perryi Brevoort.jpg

Hucho Hucho hucho Dunai galóca.jpg

A familia subdivídese en 3 subfamilias que agrupan 11 xéneros que reúnen as 209 especies actualmente válidas:[4]


Galería[editar | editar a fonte]

Notas[editar | editar a fonte]

  1. 1,0 1,1 1,2 1,3 1,4 Froese, Rainer & Daniel Pauly, eds. (2008): "Salmonidae" en FishBase. Versión de decembro de 2008. Consultada o 30 de agosto de 2014.
  2. 2,0 2,1 Resetnikov, J. S. (1988): "Coregonid fishes in recent conditions". Finnish Fisheries Research 9: 11-16.
  3. Romeu, P. (2002). An etymological dictionary of taxonomy. Madrid: unpublished. 
  4. 4,0 4,1 Salmonidae no WoRMS. Consultado o 16 de marzo de 2022.
  5. Crête-Lafrenière, Alexis; Weir, Laura K.; Bernatchez, Louis (2012). "Framing the Salmonidae Family Phylogenetic Portrait: A More Complete Picture from Increased Taxon Sampling". PLOS ONE 7 (10): e46662. Bibcode:2012PLoSO...746662C. PMC 3465342. PMID 23071608. doi:10.1371/journal.pone.0046662. 
  6. Shedko, S. V.; Miroshnichenko, I. L.; Nemkova, G. A. (2013). "Phylogeny of salmonids (salmoniformes: Salmonidae) and its molecular dating: Analysis of mtDNA data". Russian Journal of Genetics 49 (6): 623–637. PMID 24450195. doi:10.1134/S1022795413060112. 

Véxase tamén[editar | editar a fonte]

Bibliografía[editar | editar a fonte]

  • Benton, M. J. (2000): Vertebrate Palaeontology: Biology and Evolution. Blackwell Publishing. ISBN 0-632-05614-2. Resumo
  • Nelson, J. S. (2006): Fishes of the World. 4th ed. Nova York: John Wiley and Sons, Inc. ISBN 0-471-25031-7.
  • van der Land, J.; Costello, M. J.; Zavodnik, D.; Santos, R. S.; Porteiro, F. M.; Bailly, N.; Eschmeyer, W. N. & Froese, R. (2001): "Pisces", en: Costello, M. J. et al., eds. (2001): European register of marine species: a check-list of the marine species in Europe and a bibliography of guides to their identification. Collection Patrimoines Naturels, 50: pp. 336–351.

Outros artigos[editar | editar a fonte]

Ligazóns externas[editar | editar a fonte]