Reconquista de Vigo

Reconquista de Vigo
Parte de Guerra da Independencia en Galicia
Gravado publicado en 1846.
Data 28 de marzo de 1809 Lugar Casco vello de Vigo Coordenadas 42°14′20.18″N 8°43′29.33″O Resultado Expulsión dos franceses de Vigo
Belixerantes
Pobo de Vigo Armada británica Exército portugués	Exército francés
Líderes
Cachamuíña Vázquez Varela Pablo Morillo Juan Almeida J. Coutts Crawford	J. Antonio Chalot
Forzas en combate
ca. 6.000 homes	ca. 1.750 homes
Baixas
Case 30 mortos	Máis de 100 mortos

Chámase Reconquista de Vigo ao alzamento popular que, no contexto da Guerra da Independencia española, ocorreu en Vigo o 28 de marzo de 1809, cando a tropas do exército do Primeiro Imperio Francés de Napoleón Bonaparte saíron da vila. Os vigueses, encabezados polos militares Pablo Morillo e Bernardo González “Cachamuíña” conseguiron expulsar os galos da vila, converténdose na primeira de Europa en facelo. Por estes feitos, o rei Fernando VII outorgou en 1810 o título de cidade “fiel, leal e valorosa”.

Antecedentes

Véxase tamén: Batalla de Elviña.

O 3 de xaneiro de 1809 entran as tropas francesas en Galicia, sen apenas resistencia. O exército inglés dirixido por John Moore embárcase para Inglaterra. O exército do Marqués de la Romana agóchase en Ourense. Os franceses entran na Coruña o 18 de xaneiro, en Santiago de Compostela o día 20, o 21 en Pontevedra, o 26 en Ferrol e o 31 en Vigo.

Descrición

O 27 de marzo de 1809 os galegos ocupados no asedio de Vigo proclaman a Morillo coronel. Este rápido ascenso débese á perentoria necesidade de ter un xefe único deste rango, condición que exixía o coronel francés Jacobo Antonio Chalot para entregarse. En Vigo intimida ao comandante francés e mantén conversacións co capitán de fragata británico, comandante encargado do bloqueo marítimo na ría de Vigo. O 28 de marzo os homes ao mando de Morillo atacaron as portas de Vigo e, en dúas horas, lograron que os franceses entregasen a cidade. Tras a capitulación, Chalot, 45 dos seus oficiais e máis de 1.200 soldados quedaron prisioneiros; tamén quedaron en poder de Morillo os pertrechos e a tesouraría gala, que ascendía a uns 150.000 francos-ouro.

Legado

O nome de dúas rúas da cidade conmemoran os feitos, a Rúa Victoria e a Rúa Reconquista e un monumento aos heroes da Reconquista, obra de Julio González-Pola y García, foi inaugurado na Praza de España en 1947 e, mais tarde, trasladado á Praza da Independencia.

Tódolos anos celébrase a Festa da Reconquista, festivo local non laborable, con representacións e outras actividades na rúa, música popular, obradoiros e postos de comida e artesanía a xeito de feira.

Galería de imaxes

Cayetano de Parada y Pérez de Limia, alcalde do Fragoso.  O capitán Bernardo González ‘’Cachamuíña’’.  Joaquín Tenreiro Montenegro.  O tenente Pablo Morillo, ascendido a coronel no transcurso dos sucesos.  Francisco Javier Vázquez Varela, alcalde de Vigo.

Véxase tamén

Bibliografía

• Álvarez Blázquez, J. M. (1980). "La invasión francesa y la reconquista". Vigo en su historia (en castelán). Caja de Ahorros Municipal de Vigo. pp. 362–370. ISBN 84-7231-494-4. 
• ——— (2008) [1960]. A cidade e os días. Calendario histórico de Vigo. Ed. e trad.: M. Bragado et al. Xerais. pp. 18–19; 147–152. ISBN 978-84-9782-716-4. 
• Barreiro, X. R. (1991). "De la guerra contra el francés a la carlistada". Historia de Galicia (en castelán) 3. Faro de Vigo. p. 690. ISBN 84-404-9520-X. 
• ——— (2007). A gran historia de Galicia n.º 22. Tomo XI. Volume I. A transición política (1789-1833). La Voz de Galicia. pp. 75–77. ISBN 978-84-96931-00-8. 
• Canga Argüelles, José, ed. (1836). Documentos pertenecientes a las observaciones sobre la historia de la guerra de España (en castelán) II. pp. 78–86. 
• Cebrián Ramos, Beatriz (2006). Material Didáctico. Vigo, 1809: Reconquista Museo Municipal Quiñones de León.
• Cegarra Martínez, Basilio (1998). Vigo na historia. Vigo: Edicións A Nosa Terra e Caixavigo. ISBN 84-89976-42-2. 
• Conde de Toreno (1835). "Libro octavo". Historia del levantamiento, guerra y revolución de España. Tomo II. Madrid: Imprenta de don Tomás Jordán. pp. 368–371. 
• Estévez Rodríguez, Emilio (2002). El coronel "Cachamuíña": su carrera y campañas militares, sus vivencias, su hacienda y su madre (en castelán). IEV. ISBN 978-84-89599-21-5. 
• Estrada Catoyra, Félix (1978). Reseña de la reconquista de Vigo (en castelán). Vigo: Grafinsa. ISBN 84-7041-096-2. 
• Fraser, Ronald (2006). La maldita guerra de España: Historia social de la guerra de la Independencia, 1808-1814. Crítica. p. 493. ISBN 978-84-8432-728-8. 
• González López, E. (1980). "Conquista de Vigo por las milicias paramilitares gallegas". Historia de Galicia. Biblioteca Gallega (Serie Nova) (en castelán). La Voz de Galicia. p. 564. ISBN 84-85287-22-3. 
• Méndez Gaite, Ramón (1918). Reconquista de Vigo (en castelán). Vigo: Librería Barrientos.  Con prólogo de Manuel Lago González
• Míguez Macho, Antonio (2011). "De la guerra contra el francés a las guerrillas carlistas". Historia breve de Galicia (en castelán). Madrid: Silex. p. 138. ISBN 978-84-7737-507-4. 
• Prado González, M.-G. (2003). "La Reconquista de Vigo y Pablo Morillo: el héroe que no fue" (PDF). Nalgures (en castelán) (Asociación Cultural de Estudios Históricos de Galicia) IX: 233–280. 
• Príncipe, Miguel Agustín (1846). Guerra de la Independencia. Narración histórica de los acontecimientos de aquella época (en castelán) II. Madrid: Imprenta del Siglo. pp. 401–408. 
• Queipo de Llano, José María => Conde de Toreno
• Rodríguez Elías, Avelino (1916). La Reconquista de Vigo en 1809: juicio crítico e histórico (en castelán). Vigo: P.P.K.O. 
• Rolland Etchevers, Eduardo (2009). Reconquista. Vigo en armas. Edicións Xerais de Galicia. ISBN 978-84-9782-948-9. 
• Santiago y Gómez, José de (1896). Historia de Vigo y su comarca (en castelán). Madrid: Imprenta y Litografía del Asilo de Huérfanos. pp. 502–526. 
• Taboada Fernández, Nicolás (1891). Los héroes de la reconquista de Vigo (en castelán). Vigo: Establecimiento Tip. Editorial de A. Varela. Arquivado dende o orixinal o 31 de marzo de 2018. Consultado o 30 de marzo de 2018. 
• Taboada Leal, Nicolás (1840). Descripción topográfico-histórica de la ciudad de Vigo, su ría y alrededores (en castelán). Santiago: Imprenta de la Viuda e Hijos de Compañel. 
• Vázquez Xil, Lalo (1999). Historia de Vigo nos seus documentos. Concellería de Cultura, Educación e Muller. ISBN 84-87637-73-6. 
• "Relación de los sucesos ocurridos en la reconquista de Vigo, remitida á la Suprema Junta Central". Gazeta del Gobierno: 349–356. 15/04/1809. 

Outros artigos

Multimedia externa

Imaxes
Infografía de Alexandra Bast, 2017 (en castelán).
Vídeos
Reconquista de Vigo 1809-2009 AV Media.

• Festa da Reconquista
• Guerra da Independencia española en Galicia
• Historia de Vigo
• Rúa Reconquista de Vigo

Ligazóns externas

• "Reconquista da vila de Vigo" Faro de Vigo, 2014 (en castelán).
• "Cronología de Vigo. Siglo XIX" Vigopedia (en castelán).
• Elías Viana, Marta: "La Reconquista de Vigo" Historia 2.0 (1/4/2017)(en castelán).
• Rolland, Eduardo (8/2/2009). "Vigo baixo a ocupación francesa". La Voz de Galicia.