Proxecto S-50

Edificio do proceso de difusión térmica nas instalacións S-50

O proxecto S-50 foi a parte do Proxecto Manhattan destinada á produción de uranio enriquecido mediante difusión térmica líquida durante a segunda guerra mundial, unha das tres tecnoloxías para a produción de uranio enriquecido procuradas no proxecto.

O proceso de |difusión térmica líquida non era unha das tecnoloxías seleccionadas inicialmente para o seu uso no proxecto, e foi desenvolvida de forma independente por Philip H. Abelson e outros científicos no Laboratorio de Investigación Naval dos Estados Unidos. Isto debeuse principalmente ás dúbidas existentes sobre a factibilidade técnica do proceso, malia que as rivalidades entre servizos do Exército dos Estados Unidos e da Armada dos Estados Unidos tamén xogou un certo papel.

Construíronse plantas piloto na Estación Aérea Naval Anacostia e no Estaleiro da Armada de Filadelfia, e unha planta de produción na localización de Clinton Engineer Works en Oak Ridge, Tennessee, a única planta de difusión térmica líquida a escala de produción construída na historia. Non era capaz de enriquecer o uranio o suficiente como para utilizalo nunha bomba atómica, pero proporcionaba unha entrada lixeiramente enriquecida para os calutróns Y-12 e as plantas K-25 de difusión gasosa. Varias estimacións indicaron que a planta S-50 acelerou unha semana a produción de uranio enriquecido usado na bomba Little Boy detonada sobre Hiroshima.

A planta S-50 cesou a súa produción en setembro de 1945, malia que foi reaberta en maio de 194 e utilizada para o proxecto NEPA das Forzas Aéreas do Exército dos Estados Unidos. A planta foi finalmente demolida a finais dos anos 1940.

Véxase tamén

Bibliografía

• Brown, A.C.; MacDonald, C.B., eds. (1977). Secret History of the Atomic Bomb (en inglés). Nova York: Dial Press/James Wade. ISBN 0-440-57728-4. OCLC 4433564013. 
• Groves, Leslie (1962). Now It Can Be Told: The Story of the Manhattan Project (en inglés). Nova York: Harper. ISBN 0-306-70738-1. OCLC 537684. 
• Hewlett, Richard G.; Anderson, Oscar E. (1962). The New World, 1939–1946 (PDF) (en inglés). University Park: Pennsylvania State University Press. ISBN 0-520-07186-7. OCLC 637004643. 
• Jones, Vincent (1985). Manhattan: The Army and the Atomic Bomb (PDF) (en inglés). Washington, D.C.: United States Army Center of Military History. OCLC 10913875. Arquivado dende o orixinal (PDF) o 07 de outubro de 2014. Consultado o 16 de xaneiro de 2018. 
• Reed, B. Cameron (June 2011). "Liquid Thermal Diffusion during the Manhattan Project". Physics in Perspective (en inglés) 13 (2): 161–188. Bibcode:2011PhP....13..161C. ISSN 1422-6944. doi:10.1007/s00016-010-0039-0. 
• Rhodes, Richard (1986). The Making of the Atomic Bomb (en inglés). Londres: Simon & Schuster. ISBN 0-671-44133-7. 
• Smyth, Henry DeWolf (1945). Atomic Energy for Military Purposes: The Official Report on the Development of the Atomic Bomb under the Auspices of the United States Government, 1940–1945 (en inglés). Princeton, Nova Jersey: Princeton University Press. OCLC 770285. 

---

Este artigo sobre historia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---