Mikhail Bakunin

Na Galipedia, a Wikipedia en galego.
Mikhail Bakunin
Bakuninfull.jpg
Михаил Александрович Бакунин
(Mikhail Aleksandrovich Bakunin)
Datos persoais
Nacemento 30 de maio de 1814
Lugar Pryamukhino
Falecemento 1 de xullo de 1876
Lugar Berna
Organización Ningún, anarquista
Profesión Militar, filósofo

Mikhail Aleksandrovich Bakunin (en cirílico Михаил Александрович Бакунин), nado en Pryamukhino o 30 de maio de 1814 e finado en Berna o 1 de xullo de 1876, foi un anarquista ruso, un dos pais da teoría anarquista.

Traxectoria[editar | editar a fonte]

Bakunin naceu no seo dunha familia aristocrática, en 1828 trasladouse a San Petersburgo para recibir instrución militar, logo da súa graduación (1832) serviu en Minsk e Gardinas, en 1835 en contra dos desexos do seu pai deixa o exército e marcha a Moscova para estudar filosofía, en 1840 nunha estadía en Berlín únese ao movemento socialista, aséntase en Suíza e participa activamente nas actividades socialistas, o goberno ruso confiscoulle as propiedades cando Bakunin se negou a regresar a Rusia. En 1849 participou na revolta de maio en Dresden, polo que foi condenado a morte, que lle foi conmutada por cadea perpetua, levado a Rusia, en 1855 o goberno envíao a Siberia oriental ata que foxe ao Xapón, chega a Inglaterra en 1861, Bakunin permanecerá o resto da súa vida no exilio, sobre todo en Suíza. En 1869 fundou a Alianza Social Democrática, pero diante da negativa a permitirlle afiliarse á Primeira Internacional, a alianza disólvese e os diferentes grupos que a formaban entran na Internacional. En 1870 tenta unha revolta fanada en Lión. Os desacordos con Marx, en especial á necesidade dun Estado dos traballadores, que Bakunin nega, levan á expulsión de Bakunin da Primeira Internacional en 1872.

Wikiquote
A Galicitas posúe citas sobre: Mikhail Bakunin