Paul Emery

Na Galipedia, a Wikipedia en galego.
Saltar ata a navegación Saltar á procura
Paul Emery
Carreira na Fórmula 1
Nacionalidade Reino Unido Reino Unido
Anos en activo 2 (1956, 1958)
Escudería(s) Emeryson, Connaught
Grandes Premios disputados 2 (1 saída)
Campionatos 0
Vitorias 0
Podios 0
Pole positions 0
Voltas rápidas 0
Primeiro GP Gran Premio do Reino Unido de 1956
Derradeiro GP Gran Premio de Mónaco de 1958

Paul Emery, nado en Chiswik (Londres) o 12 de novembro de 1916 e finado en Epsom (Surrey) o 3 de febreiro de 1993, foi un piloto de carreiras do Reino Unido.

Construíu un coche de 500cc de Fórmula 3 chamado Emeryson e pilotouno el mesmo. Participou en dous Grandes Premios Mundiais de Fórmula Un, debutou o 14 de xullo de 1956 e numerosas carreiras de Fórmula Un fora de Campionato. Non anotou puntos de campionato.

Traxectoria[editar | editar a fonte]

Era fillo de George Emery, un entusiasta do automobilismo. Comezara a construción de coches de carreiras e, ao final da Segunda Guerra Mundial foi capaz de completar un automóbil que deseñara en 1934, capaz de dar unha gran cantidade de cabalos de forza.[1] O primeiro Emeryson, deseñado por pai e fillo, demostrou ser rápido e Eric Winterbottom logrou levalo á vitoria en 1947.

Animados polos resultados Emery debutou na Fórmula 1, pero debido aos altos custos preferiron dirixir a súa atención cara a Fórmula 3, onde tiveron éxito na venda de varios vehículos a clientes privados.[1] Un dos seus coches posteriormente tamén foi utilizado en Fórmula 2 con motor Aston Martin.

Paul Emery decidiu tamén debutar cun dos seus coches no 1956, no GP de Gran Bretaña pero viuse obrigado a retirarse. Logo participou en varias carreiras fóra de campionato. En 1958 correu nun Connaught de Bernie Ecclestone.

Máis tarde abandonou a súa carreira como piloto para retomar a de deseñador.[1] En 1960, de feito, varios pilotos requiriron unha nova serie de coches Emeryson. Logo traballou na fábrica de Connaught deseñando coches para a Fórmula 2 e a Fórmula 1, esta última con motores Coventry. Varias unidades vendéronse á Ecurie Nationale Belge. Todo o material comprouno máis tarde Hugh Powell ao final de 1961. Emery continuou activo como deseñador para Scirocco-Powell.

Resultados Completos na Fórmula Un[editar | editar a fonte]

(Chave) As carreiras en letra grosa indican pole position; as carreiras en cursiva indican volta rápida.

Ano Equipo Chasis Motor 1 2 3 4 5 6 7 8 9 10 11 Pos. Puntos
1956 Emeryson Cars Emeryson Mk1 Alta 4 en liña ARX MON 500 BEL FRA GBR
Ret
ALE ITA NC 0
1958 B C Ecclestone Connaught Type B Alta 4 en liña ARX MON
NSC
NED 500 BEL FRA GBR ALE POR ITA MOR NC 0

Notas[editar | editar a fonte]

  1. 1,0 1,1 1,2 GrandPrix.com (ed.). "Drivers: Paul Emery" (en inglés). Consultado o 5 de maio de 2012. 

Véxase tamén[editar | editar a fonte]

Ligazóns externas[editar | editar a fonte]