María Luísa de Parma

María Luísa de Parma
	;
Biografía
Nacemento	(es) Luisa María Teresa Ana ; 9 de decembro de 1751 ; Parma, Italia
Morte	2 de xaneiro de 1819 (67 anos); Roma, Italia
Causa da morte	tuberculose
Lugar de sepultura	Cripta Real do Mosteiro do Escorial
Member of the Junta de Damas de Honor y Mérito (en)
	11 de outubro de 1787 –
Consorte de España
Datos persoais
Relixión	Catolicismo
Actividade
Ocupación	política, aristócrata
Outro
Título	Princess of Parma (en) ; Infanta ; Princess of Asturias (en)
Familia	Casa de Borbón-Parma
Cónxuxe	Carlos IV de España (1765–)
Fillos	Carlos Clemente Antonio de Padua de Borbón y Borbón, Carlota Xoaquina de Borbón, María Luisa Carlota Juliana Teresa de Borbón y Borbón, Maria Amália de Espanha, Carlos Domingo Eusebio Rafael de Borbón y Borbón, Maria Luísa, Duquesa de Lucca, Felipe Francisco de Paula de Borbón y Borbón, Carlos Francisco de Paula de Borbón y Borbón, Fernando VII, Carlos María Isidro de Borbón, Maria Isabel de Bourbon, María Teresa Felipina de Borbón y Borbón, Felipe de Borbón, Francisco de Paula de Borbón
Pais	Filipe I de Parma e Luísa Isabel de França
Irmáns	Isabel de Parma; Fernando I de Parma
Descrito pola fonte	Pequeno Dicionario Enciclopédico de Brockhaus e Efron; Dicionario Enciclopédico Brockhaus e Efron; Meyers Konversations-Lexikon, 4ª edición (1885–1890)

María Luísa de Parma, nada en Parma o 9 de decembro de 1751 e finada en Roma o 2 de xaneiro de 1819, foi raíña consorte de España como esposa de Carlos IV, de quen era prima carnal polo lado paterno.

Traxectoria

Orixes familiares e primeiros anos

Era neta de Lois XV de Francia, irmá de Fernando I de Borbón-Parma e prima carnal dos reis franceses Lois XVI, Lois XVIII e Carlos X.

Filla de Filipe I, duque de Parma e da princesa Luísa Isabel de Francia, filla do rei Lois XV, segundo moitos historiadores recibiu unha educación discutíbel, baixo a influencia do controvertido abade sensualista francés Étienne Bonnot de Condillac (1715-1780), quen defendía certas liberdades en canto a moralidade que, naquela época, resultaban impropias das damas nobres.

Matrimonio

En 1765 contraeu matrimonio co príncipe de Asturias, futuro Carlos IV; eran primos irmáns por vía paterna e parentes próximos pola vía materna de María Luísa.

En 1788 converteuse en raíña consorte de España tras producirse a morte do seu sogro o rei Carlos III e ser recoñecido como rei de España o seu esposo, Carlos IV.

María Luísa de Parma exerceu unha grande influencia sobre o seu marido. De carácter caprichoso, chegou a participar en numerosos episodios polos que foi considerada, xa na súa época, unha muller intrigante e, para moitos, depravada.

Sufriu unha ostensíbel deterioración física polos múltiples partos, o que lle deu un aspecto pouco grato que aumentou a súa impopularidade. Ela, porén, estaba orgullosa dos seus brazos torneados e procurou embelecerse con xoias e custosos vestidos de manga curta importados de París, tal como testemuñan diversos retratos de Goya.

Estivo enfrontada con numerosos membros da Corte española do momento. Destacou a rivalidade que mantiveron a raíña e a duquesa de Alba, musa de Goya. Tamén tivo desavinzas coa duquesa de Osuna.

Entre os numerosos amantes que se atribuíron á raíña María Luísa destaca Manuel Godoy, un antigo membro da Garda de Corps que alcanzou unha influencia política notábel porque gozou dunha elevada capacidade para manipular a María Luía e ao propio rei Carlos IV.

A sinatura do tratado de Fontainebleau e 1807, por decisión de Godoy, provocou a entrada do exército francés en España. O descontento da poboación foise estendendo, ao que se sumaron as intrigas dalgúns sectores da corte que organizaron unha conxura (realmente, un golpe de Estado) na que tomou parte o seu propio fillo, o príncipe de Asturias, Fernando, futuro Fernando VII.

O 17 de marzo de 1808 tivo lugar un levantamento popular (Motín de Aranjuez) que logrou a caída de Manuel Godoy e a primeira abdicación de Carlos IV no seu fillo Fernando.

Napoleón Bonaparte aproveitou a situación para intervir en España e forzar a abdicación de Carlos IV en Fernando e a renuncia deste aos seus dereitos de sucesión.

Napoleón obrigounos a acudir a Baiona, onde se produciu o penoso episodio que tivo lugar o 5 de maio de 1808 en dita localidade francesa e coñecido como as abdicacións de Baiona.

María Luísa acompañou o seu marido ao desterro, primeiro en Francia, confinados por Napoleón en Compiègne, e posteriormente en Roma, onde faleceu, reinando xa o seu fillo Fernando en España, o cal ordenou o traslado dos restos dos seus pais para seren enterrados no Panteón dos Reis do Mosteiro do Escorial.

Descendencia

María Luísa e Carlos IV tiveron catorce fillos (á parte destes, a raíña tivo 10 embarazos máis que acabaron todos en abortos espontáneos, o cal suma un total de 24 embarazos):

Carlos Clemente (1771-1774)
Carlota Xoaquina (1775-1830), raíña consorte de Portugal
María Luísa (1777-1782)
María Amalia (1779-1798), que casou con só 16 anos de idade co seu tío o infante Antonio Pascual de Borbón
Carlos Domingos (1780-1783)
María Luísa (1782-1824), raíña consorte de Etruria
Carlos Francisco (1783-1784)
Filipe Francisco (1783-1784)
Fernando VII (1784-1833), rei de España.
Carlos María (1788-1855), pretendente carlista.
María Isabel (1789-18), raíña consorte das Dúas Sicilias.
María Tareixa (1791-1794)
Filipe María (1792-1794)
Francisco de Paula (1794-1865), duque de Cádiz.

Antepasados

16. Lois XIV de Francia

8. Lois de Borbón, Delfín de Francia

17. María Tareixa de Austria e Borbón

4. Filipe V de España

18. Fernando María de Baviera

9. María Ana Cristina de Baviera

19. Henriqueta Adelaida de Savoia

2. Filipe de España, Duque de Parma

20. Renato II Farnesio

10. Eduardo II Farnesio

21. Isabel de Este

5. Isabel de Farnesio

22. Filipe Guillerme de Neoburgo

11. Dorotea Sofía de Neoburgo

23. Isabel Amalia de Hesse-Darmstadt

1. María Luísa de Parma, raíña consorte de España

24. Lois de Borbón, Delfín de Francia (= 8)

12. Lois de Francia, duque de Borgoña

25. María Ana Cristina de Baviera (= 9)

6. Lois XV de Francia

26. Vítor Amadeu II de Savoia

13. María Adelaida de Savoia

27. Ana María de Orleáns

3. Luisa Isabel de Francia

28. Rafael Leszczysnki

14. Estanislau I de Polonia

29. Ana Catalina Jablonowska

7. María Leszczynska

30. Juan Carlos Opalinski

15. Catalina Opalinska

31. Sofía Czarnkowska

Filmografía

Películas nas que aparece o personaxe de María Luísa de Parma.

Ano	Filme	Director	Actriz que interpreta a raíña
2006	Os fantasmas de Goya	Miloš Forman	Blanca Portillo
1999	Volavérunt	Bigas Luna	Stefania Sandrelli
1995	Carlota Xoaquina, Princesa do Brasil	Carla Camurati	Vera Holtz

Véxase tamén

Bibliografía

Rubio, María José (2009): Reinas de España. Siglos XVIII al XXI. De María Luisa Gabriela de Saboya a Letizia Ortiz. Madrid: La Esfera de los Libros. ISBN 978-84-9734-804-1.

Outros artigos

Predecesor: María Amalia de Saxonia	Raíña consorte de España 1788 - 1808	Sucesor: María Xulia Clary