Manuel Prieto Marcos
| Biografía | |
|---|---|
| Nacemento | 6 de xuño de 1905  Tui, España |
| Morte | 23 de xuño de 1945 (40 anos) Buenos Aires, Arxentina |
| Lugar de sepultura | Cemiterio de La Chacarita |
| Datos persoais | |
| País de nacionalidade | España |
| Actividade | |
| Ocupación | músico , poeta |
| Lingua | Lingua castelá e lingua galega |
| Instrumento | Óboe |
| Familia | |
| Cónxuxe | Nandela (†1969) |
Manuel Prieto Marcos, nado en Tui o 6 de xuño de 1905 e finado en Buenos Aires o 23 de xuño de 1945, foi un músico e poeta galego.
Traxectoria[editar | editar a fonte]
Foi fillo máis vello de Arturo Prieto Pérez, natural de Ourense, e Tomasa Marcos Romo, nada en Hinojosa de Duero (Provincia de Salamanca), que morreron prematuramente. Manuel estudou solfa e ingresou na banda do Rexemento de Infantaría Murcia, con base no Cuartel de Barreiro, en Lavadores, Vigo, onde foi solista de óboe.[1] En 1925 foi nomeado subdirector da Banda Municipal de Vilagarcía de Arousa. Nese tempo casou. En 1928 o matrimonio emigrou á Arxentina, instalándose primeiramente en Concordia (provincia de Entre Ríos), e despois en Buenos Aires, onde Manuel dirixiu agrupacións corais, compuxo pezas como Cantarela, Canto de nenos, Romaxe e Ruada e harmonizou melodías populares galegas.[2]
Colaborou en Correo de Galicia, Abrente, Alalá, Dolmen, Galicia, Lugo, Mundo Gallego, Céltiga e A Fouce.[3] e escribiu un único libro de poesía, de 59 páxinas,[1] Versos en gama de gaita, publicado en 1943 por Edicións das Mocedades Galegas con portada de Luís Seoane, que foi reeditado pola Editorial Nós, tamén en Buenos Aires, en 1970.
As súas cinzas repousan no Cemiterio da Chacarita.[1] A prensa escrita galega bonaerense dedicoulle unha homenaxe polo quinto cabodano.[4]
Notas[editar | editar a fonte]
- ↑ 1,0 1,1 1,2 Fernández del Riego, F. (1992) [1990]. Diccionario de escritores en lingua galega (2ª ed.). Do Castro. pp. 352–353. ISBN 84-7492-465-0.
- ↑ "Prieto Marcos, Manuel". Dicionario biográfico de Galicia 3. Ir Indo Edicións. 2010-2011. p. 137.
- ↑ Vilavedra, Dolores, ed. (1997). Diccionario da literatura galega. Publicacións Periódicas II. Galaxia. ISBN 84-8288-137-X.
- ↑ Couceiro Freijomil, Antonio (1951-53). Diccionario bio-bibliográfico de escritores (en castelán) III. Bibliófilos Gallegos. p. 127.
Véxase tamén[editar | editar a fonte]
Bibliografía[editar | editar a fonte]
- "Prieto Marcos, Manuel". Diccionario enciclopédico galego universal 50. La Voz de Galicia. 2003-2004. p. 109. ISBN 84-7680-429-6.
- "Prieto Marcos, Manuel". Enciclopedia Galega Universal 14. Ir Indo. 1999-2002. p. 151. ISBN 84-7680-288-9.
- Carballo Calero, R. (1975) [1963]. Historia da literatura galega contemporánea. Galaxia. pp. 709 e 735. ISBN 84-7154-227-7.
- Fernández-Valdés Costas, Manuel (xullo de 1958). "Manuel Prieto Marcos, músico y poeta". Lar (en castelán).
- Méndez Ferrín, Xosé Luis (1984). De Pondal a Novoneyra. Edicións Xerais de Galicia. pp. 57 e 66. ISBN 84-7507-139-2.
- Vilanova, Alberto (1966). Los gallegos en la Argentina, tomo II. Ediciones Galicia, Centro Gallego de Buenos Aires (en castelán).
- Vilavedra, Dolores, ed. (1995). Diccionario da literatura galega. Autores I. Vigo: Editorial Galaxia. p. 486. ISBN 84-8288-019-5.
Ligazóns externas[editar | editar a fonte]
- "Manuel Prieto Marcos, un poeta tudense en Argentina" tudensia.blogspot.com 27/4/2010.
- García López , Xoán Xosé (maio de 2006). "Lembranza do músico e poeta Manuel Prieto Marcos" Raiola. Centro Galego de Vitoria-Gasteiz, n.º 13. pp. 8–10.
