Jennifer Lawrence

Jennifer Lawrence

(2025)
Biografía
Nacemento	(en) Jennifer Shrader Lawrence 15 de agosto de 1990 (35 anos) Indian Hills
Residencia	Os Ánxeles Chicago Nova York
Grupo étnico	Xermanos estadounidenses, irlandoamericano, French Americans (en) , suízo-estadounidense e británico-estadounidense
Altura	1,75 m
Lateralidade	manicho
Cor dos ollos	Azul
Cor do pelo	Louro
Actividade
Ocupación	actriz, produtora, guionista de cinema, actriz de dobraxe, actriz de televisión, actriz de cinema, directora de cine
Período de actividade	2007 -
Partido político	Partido Demócrata
Membro de	Academia das Artes e das Ciencias Cinematográficas (2011–)
Movemento	Time's Up
Patrimonio estimado	120 M$ (2018)
Selo discográfico	Republic Records
Obra
Obras destacables (2008) The Burning Plain (pt) (2010) Winter's Bone (2012) Os xogos da fame (2012) Silver Linings Playbook (2013) American Hustle (2015) Joy
Familia
Cónxuxe	Cooke Maroney (2019–)
Parella	Darren Aronofsky (2016–2017) Chris Martin (2014–2015) Nicholas Hoult (2010–2014)
Pai	Francis Lawrence
Premios
(10 de xaneiro de 2016)  Globo de Ouro á mellor actriz - Comedia ou musical, premiado polo traballo Joy../... 47+
Sinatura

Jennifer Shrader Lawrence, nada o 15 de agosto de 1990 en Indian Hills, Kentucky, é unha actriz estadounidense de cinema e televisión.

Traxectoria

Sendo a máis pequena de tres irmáns, o seu interese pola interpretación comezou cando era moi pequena. Na súa nenez tamén tivo interese polos deportes. Cando tiña 14 anos fixo unha viaxe a Nova York que cambiou a súa vida. Uns axentes quedaron impresionados coa rapariga cando lle fixeron unha proba para un pequeno papel. Dicían que nunca viran unha lectura en frío tan ben feita polo que aconsellaron aos pais a que pasara un verán facendo unha curso de interpretación. Graduouse en secundaria dous anos antes do normal co fin de comezar canto antes co seu traballo como actriz.

Carreira artística

2006-2008: comezos na televisión e o cine independente

Os seus comezos caracterizáronse polas espontáneas aparicións nas series de televisión, sendo a maioría series de moito éxito en audencia e que aínda son recordadas a día de hoxe polo público. Estas series eran: Monk, Caso aberto ou Medium. No 2007 obtivo o seu primeiro papel importante, un dos papeis do elenco como protagonista da comedia The Bill Engvall Show, serie que estivo en emisión durante dous anos e na cal a presenza de Jennifer mantívose durante trinta capítulos. A serie rematou cando o seu produtor, Troni Mcburger, decidiu orientar os seus intereses noutros proxectos.

Lawrence meteuse no mundo do cine en 2008, interpretando papeis estelares de corte independente como The Poker House, no cal actuou con Selma Clair. Ela interpretaba a unha rapaza nova que era vítima do maltrato e de abusos; Garden Party, proxectos que pasaron desapercibidos para o público. Tras a realización de varios proxectos sen moito éxito, Jennifer volveu probar sorte no cine independente na longametraxe Lejos de la tierra quemada, na cal compartiu créditos con grandes estrelas de cine como Charlize Theron e Kim Basinger. Ela interpretaba a Mariana, unha adolescente marcada pola morte da súa nai. A película tivo malas críticas e non lle foi ben nos portelos, porén a interpretación da actriz tivo comentarios positivos, recibindo así o premio no Festival de Cine de Venecia á mellor actriz revelación.

2009-2010: Winter´s Bone, revelación e primeiro nomeamento aos Óscar

Trala boa aceptación recibida por parte da crítica grazas ao seu papel como Mariana, Lawrence seguiu probando sorte noutras películas. Entre os proxectos nos cales formou parte destaca a longametraxe da directora Debra Granik, Winter´s Bone, na que compartía protagonismo con John Hawkes e Garret Dillahunt. No filme interpretaba a Ree Dolly, unha moza de 17 anos que estaba a cargo da súa empobrecida familia e que se viu obrigada a emprender un perigoso camiño para atopar ao seu pai e evitar que a súa familia quedase na rúa, debido a que o seu pai usou o título da casa para ter liberdade provisional e debía presentarse a un xuízo para conservala. A película foi galardoada con numerosos e prestixiosos premios da crítica cinematográfica e foi considerada como unha das mellores do ano. Así mesmo, Lawrence recibiu moitas loanzas grazas á súa interpretación, facendo así que fose considerada como unha das promesas cinematográficas da súa xeración, recibindo moitos galardóns da industria cinematográfica, destacando os premios de festivais de gran recoñecemento como Festival de Cine de Detroit e o Festival de Estocolmo e nomeamentos aos premios Óscar, SAG e Globos de Ouro na categoría de mellor actriz protagonista. Para prepararse para este papel, Lawrence tivo que aprender a disparar unha arma e a cazar animais.

Filmografía

Filmes

Ano	Título	Personaxe	Notas
2008	Garden Party	Tiff
2008	The Poker House	Agnes
2008	The Burning Plain	Mariana
2010	Winter's Bone	Ree Dolly
2011	Like Crazy	Sam
2011	The Beaver	Norah
2011	X-Men: First Class	Raven Darkholme/Mystique
2012	Os xogos da fame	Katniss Everdeen
2012	House at the End of the Street	Elissa Cassidy
2012	Silver Linings Playbook	Tiffany Maxwell	Óscar á mellor actriz
2013	Devil You Know	Zoe (de moza)
2013	The Hunger Games: Catching Fire	Katniss Everdeen
2013	American Hustle	Rosalyn Rosenfeld
2014	Serena	Serena Pemberton
2014	The Amazing Spider-Man 2	Raven Darkholme / Mística
2014	X-Men: Days of Future Past	Raven Darkholme / Mística
2014	Dumb and Dumber To	Fraida Felcher	Cameo
2014	The Hunger Games: Mockingjay – Part 1	Katniss Everdeen
2015	The Hunger Games: Mockingjay – Part 2	Katniss Everdeen
2015	Joy	Joy Mangano
2016	X-Men: Apocalypse	Raven Darkholme / Mística
2016	Passengers	Aurora
2017	Mother!	Nai
2018	Red Sparrow	Dominika Egorova
2019	Love, Antosha	Ela mesma	Documental
2019	Dark Phoenix	Raven Darkhölme / Mystique
2021	Don't Look Up	Kate Dibiasky
TBA	Red, White and Water

Televisión

Ano	Título	Personaxe	Notas
2006	Monk	Mascot	1 episodio: "Mr. Monk and the Big Game"
2007–08	Medium	Claire Chase Allison	2 episodios: "Mother's Little Helper" e "But for the Grace of God"
2007	Cold Case	Abby Bradford	1 episodio: "A Dollar, a Dream"
2007–09	The Bill Engvall Show	Lauren Pearson	30 episodios
2013	Saturday Night Live	Ela mesma (convidada)	Episodio: "Jennifer Lawrence/The Lumineers"
2017	Jimmy Kimmel Live!	Ela mesma (convidada)	Episodio: "November 2, 2017"

Vídeo musical

Ano	Título	Artista	Personaxe	Notas
2010	"The Mess I Made"	Parachute	Moza

Premios

Premios Óscar

Ao longo da súa traxectoria, Lawrence gañou un Óscar á mellor actriz e foi candidata noutras tres ocasións.

Ano	Título	Categoría	Resultado	Notas
2011	Winter's Bone	Mellor actriz	Candidata
2013	Silver Linings Playbook	Mellor actriz	Gañadora
2014	American Hustle	Mellor actriz secundaria	Candidata
2016	Joy	Mellor actriz	Candidata