Iván VI de Rusia

Na Galipedia, a Wikipedia en galego.
Iván VI de Rusia
Ivan6russia1740.jpg
Ivan VI antónovich
Datos persoais
Nacemento 1740
Lugar San Petersburgo
Falecemento 1764
Lugar Schlüsselburg

Iván VI de Rusia, nado en San Petersburgo en 1740 e finado en Schlüsselburg en 1764, foi un tsar de Rusia. Neto de Iván V. O seu pai foi Antonio de Brunswick-Wolfenbüttel e a súa nai a Princesa e Duquesa Ana Leopoldovna.

Tsar de Rusia[editar | editar a fonte]

A súa tía avoa e Tsarina, Ana Ivanovna, adoptouno cando só tiña oito semanas de vida, e declarouno o seu sucesor o 5 de outubro de 1740. Cando Ana moreu, Iván prclamouse emperador, e ao día seguinte Ernest Johann von Biron, Duque de Curlandia, ocupou o cargo de Rexente. Na caída de Biron, a rexencia pasou a mans da nai do neno, pero o vice-chanceler, Andrei Osterman, dirixiu o goberno.

Caída do trono e encarcelamento[editar | editar a fonte]

Trece meses despois, un golpe de estado levou a Sabela I ao trono, o 6 de decembro de 1741. Iván e a súa familia foron encarcerados na fortaleza de Dunamunde o 13 de decembro de 1742, despois dunha previa detención en Riga, onde a nova Tsarina decidira levalos primeiro a Brunswick. En xuño de 1744 levárono a Kholmogory, preto do mar Blanco, onde Iván, illado da súa familia, pasou os seguintes doce anos. Algúns rumores aseguran que foi tranferido en secreto á fortaleza de Schlisselburgo (1756) onde era protexido e coidado máis rigurosamente.

Cando Pedro III tomou o trono, a condición do prisioneiro pareceu mellorar, pero Pedro morreu semanas máis tarde.

Morte[editar | editar a fonte]

En 1762 asumiu a rexencia de Rusia Catarina II, e foron dadas ordes máis rigurosas ao oficial reponsable do denominado prisioneiro "anónimo". Ante calquera tentativa de liberarse, o preso tería que ser fusilado. Baixo ningunha circunstancia podería ser entregado a mans de alguén. Pero a esta altura, vinte anos de prisión afectaron ao seu equilibrio mental. Con todo, a pesar do misterio que o rodeaba, estaba conscienta da súa orixe imperial, e sempre era chamado Gosudar (o soberano). A pesar de que tiñan ordes de mantelo ignorante, permitíanlle ler as súas cartas e a súa biblia. Tampouco a súa residencia en Shlisselburgo podía permanecer oculta para sempre, e o descublimento da mesma sería a causa da súa ruína. Un subtenente, Vasily Mirovich, indagou sobre el, e ideou un plan para liberalo e proclamalo Tsar. Na medianoite do 5 de xullo de 1764, Mirovich persuadiu a un sector da guarnición, detivo ao comandante Berednikov, e esixiu a entrega de Iván. Os seus carcereiros finalmente asasinárono.