Teodoro II de Rusia

Na Galipedia, a Wikipedia en galego.
Teodoro II de Rusia
Makovsky False Dmitrys agents murdering Feodor Godunov and his mother 1862.jpg
Teodoro II Godunov
Datos persoais
Nacemento 1589
Lugar Moscova
Falecemento 1605
Lugar Moscova
Este artigo amosa letras cirílicas. Sen o soporte axeitado, o texto pode mostrar símbolos sen sentido, coma caixas, marcas e outros.

Teodoro II Borisovich Godunov (en ruso: Фёдор II Борисович). Nado o 10 de xuño de 1589 e finado o 20 de xuño de 1605. Foi tsar de Rusia, a súa morte dá comezo ao Período Tumultoso.

Vida[editar | editar a fonte]

Nado en Moscova, foi o fillo e sucesor do tsar Boris Godunov. A súa nai, María Grigorievna Skuratova-Beslskaya, foi unha das fillas de Malyuta Skuratov, a favorita de Iván o Terrible.

O mapa de Rusia, editado por Hessel Gerritsz

Fisicamente robusto e moi querido polo seu pai, recibiu a mellor educación posible para os seus días, e desde a infancia foi iniciado en todas as minucias do goberno, asistindo regularmente á Duma e recibindo a diplomáticos estranxeiros. Tamén parece que tiña unha boa intelixencia, creando el só un mapa de Rusia, que aínda se conserva.[1]. Este mapa foi editado con algunhas adicións por Hessel Gerritsz en Ámsterdam, no ano 1613 e reeditado ata 1665.

Trala repentina morte do seu pai Boris Godunov, foi proclamado tsar con 16 anos o 13 de abril de 1605. Mentres que o seu pai tomou as precaucións de rodearse de poderosos amigos, Teodoro viviu desde o primeiro momento do seu reinado nunha atmosfera de traizón. O 11 de xuño de 1605, os enviados de Demetrio o Falso chegaron a Moscova para reclamar a súa retirada, e as cartas lidas na Praza Roxa decidiron o seu destino. Un grupo de boiardos fixéronse co control do Kremlin e arrestaron o tsar.

Entre o 10 e 20 de xuño, Teodoro foi esganado coa súa nai no seu apartamento. Oficialmente, díxose que foi envelenado, pero o diplomático sueco Peter Petreius, decatouse de que os corpos mostraban sinais dun esganamento violento.[2].

Notas[editar | editar a fonte]

  1. http://www.nlr.ru:8101/exib/siberia/sibi4.htm
  2. Peter Petreius de Erlesund: Historien und Bericht von dem Groszfürstentumb Muschkow, Leipzig, 1630
Predecesor:
Boris Godunov
Coat of arms of Russia in 17th century.png
Tsar de Rusia

1605 - 1605
Sucesor:
Demetrio II de Rusia