Iván V de Rusia

Iván V de Rusia

Biografía
Nacemento	27 de agosto de 1666 (Xuliano) Moscova, Rusia
Morte	29 de xaneiro de 1696 (Xuliano) (29 anos) Moscova, Rusia
Lugar de sepultura	Catedral do Arcanjo São Miguel (pt)
Tsar of All Russia (en)
1682 – 1696 ← Teodoro III de Rusia – Pedro I de Rusia → Xunto con: Pedro I de Rusia
Xefe da Casa dos Romanov
Datos persoais
Relixión	Cristianismo ortodoxo
Actividade
Ocupación	monarca
Outro
Título	Tsar of All Russia (en) (1682–1696)
Familia	Dinastía Romanov
Cónxuxe	Praskovia Feodorovna Saltykova (1684 (Xuliano), 1684–1696)
Fillos	Maria Ivanovna, Theodosia Ivanovna, Catarina Ivanovna da Rússia, Ana I de Rusia, Praskovia Ivanovna da Rússia
Pais	Alexis I de Rusia   e Maria Miloslavskaya
Irmáns	Pedro I de Rusia Sofia Alekseievna da Rússia Tsarevna Yevdokia Alekseyevna of Russia Catherine Alekseyevna of Russia Natália Alexeivena da Rússia (1673–1716) Feodosia Alekseyevna of Russia Maria Alekseyevna of Russia Marfa Alekseyevna of Russia Teodoro III de Rusia Tsarevich Alexei Alexeyevich of Russia Tsarevich Dmitry Alexeyevich of Russia Tsarevich Simeon Alexeyevich of Russia
Descrito pola fonte	Dicionario Biográfico Ruso Dicionario Enciclopédico Brockhaus e Efron Enciclopedia militar Sytin

Iván V de Rusia (en ruso: Ива́н Алексе́евич, Ivan Alekseievich), nado o 6 de setembro de 1666 e finado o 29 de xaneiro de 1696, foi tsar de Rusia xunto co seu medio irmán Pedro I. Xuntos gobernaron Rusia entre 1682 e 1696. Foi o máis novo dos fillos de Alexis I e María Miloslávskaya. O seu reinado foi formal debido ás súas incapacidades físicas e mentais.

O conflito sucesorio

Iván foi o segundo fillo do tsar Alexis I e da súa primeira muller María Miloslávskaya. Tras a morte do seu irmán máis vello, Teodoro III, Iván sucédeo no trono. Ó ser física e mentalmente discapacitado, a Duma de Boiardos decide nomear rexente ó medio irmán de Iván, Pedro, o que provoca a disputa polo trono.

Os motivos se deben ós dous matrimonios do pai de Iván e Pedro, xa que a descendencia da súa primeira muller e da segunda, Natalia Naryshkina, combatían por todos os medios para asegurar a sucesión ó trono do seu propio irmán. Xuridicamente, non se podía facer nada para impedir que gobernara Iván, posto que non había ningunha norma que impedira que un discapacitado fose tsar.

Os Streltsi

A Gran Duquesa Sofía Alexeiievna Romanova.

Arredor do 1540 a fidelidade ó tsar por parte dos Streltsy estaba poñéndose a proba. Eles eran considerados a elite da milicia do tsar, aínda que tiñan fama de ebrios e corruptos.

No conflito pola sucesión, aliáronse con Sofía Alexeiievna, irmá de Iván, e a súa maior defensora, así coma a máis grande inimiga do seu medio irmán Pedro. Comezou así, unha brutal e sanguenta acción de limpeza durante a revolución moscovita de 1682, na que preto de setenta partidarios da familia contraria foron axustizados nun baño de sangue.

O compromiso pola sucesión

A continuación da revolta dos parentes de Iván, conducida pola súa irmá, a Duma de Boiardos, definiu a Iván como o Primeiro Tsar, a Pedro como Segundo Tsar, e a Sofía Alexeiievna como Rexente. Iván e Pedro foron coroados ó mesmo tempo o 25 de xullo de 1682.

Iván, a causa da súa condición de saúde tan deteriorada non tivo un papel importante no goberno do país.

Descendencia

Iván casou no 1684 con Praskovia Saltykova, coa que tivo cinco fillos:

• María (24 de marzo de 1689 – 14 de febreiro de 1692)
• Feodosija (4 de xuño de 1690 – 12 de maio de 1691)
• Ekaterina (24 de outubro de 1691 – 14 de xuño de 1733)
• Ana (28 de xaneiro de 1693 – 17 de outubro de 1740) – Tsarina desde 1730 ata 1740.
• Praskovia (24 de setembro de 1694 – 8 de outubro de 1731)