Guillermo del Toro

Guillermo del Toro
	; (2026)
Biografía
Nacemento	9 de outubro de 1964 (61 anos); Guadalaxara
Residencia	Os Ánxeles ; Guadalaxara ; Toronto
Relixión	Agnosticismo
Educación	Universidade de Guadalajara ; Universidade Nacional Autónoma de México
Cor dos ollos	Azul
Cor do pelo	Cabelo castaño e cabelos brancos
Actividade
Ocupación	director de cinema, actor de televisión, produtor de televisión, visaxista, maquillador, actor de cinema, novelista, produtor de cinema, guionista, realizador
Período de actividade	1985 -
Membro de	Writers Guild of America West
Xénero artístico	Fantasía, cinema de terror, drama, suspense psicolóxico e neo-noir
Premios
	(12 de marzo de 2023) Óscar ó mellor filme de animación, premiado polo traballo Pinocho de Guillermo del Toro; (4 de marzo de 2018) Óscar ó mellor filme, premiado polo traballo The Shape of Water; (4 de marzo de 2018) Óscar ó mellor director, premiado polo traballo The Shape of Water; (18 de febreiro de 2018) BAFTA á mellor dirección, premiado polo traballo The Shape of Water; (7 de xaneiro de 2018) Globo de Ouro ó mellor director, premiado polo traballo The Shape of Water; (2018) Time 100; (2017) Dallas-Fort Worth Film Critics Association Award for Best Director (en) , premiado polo traballo The Shape of Water; (2017) Science Fiction Hall of Fame (en) ; (2017) León de Ouro; (2016) Premios Saturn, premiado polo traballo Crimson Peak (pt) ; (2007) Premio Nébula, premiado polo traballo El laberinto del fauno; (2007) Hugo Award for Best Dramatic Presentation, Long Form (en) , premiado polo traballo El laberinto del fauno; (2002) Premio Máquina do Tempo; The George Pal Memorial Award (en) ; estrela no Paseo da Fama de Hollywood ;
Descrito pola fonte	Obálky knih,

Guillermo del Toro, nado en Guadalaxara (Xalisco) o 9 de outubro de 1964, é un director de cine mexicano.

Traxectoria

Del Toro empezou a filmar desde adolescente, cando estaba no Instituto de Ciencias. Pasou dez anos en deseño de maquillaxe e formou a súa propia compañía Necropia antes de poder ser o produtor executivo do seu primeiro filme ós 21 anos. Foi cofundador do Festival de cine de Guadalaxara e creou a compañía de produción Tequila Gang.

En 1998 o seu pai foi secuestrado en México; tras conseguir a súa liberación mediante o pago dun rescate, Del Toro decidiu mudarse ó estranxeiro e actualmente vive nos Ánxeles (California).

Dirixiu unha ampla variedade de películas, desde adaptacións de cómics como (Hellboy e Blade II) a películas de terror e fantasía histórica, dúas das cales sitúanse en España na época da guerra civil española e o, inmediatamente posterior réxime ditatorial do Xeneral Francisco Franco. Estas dúas películas, El espinazo del diablo e El laberinto del fauno, son os seus dous traballos máis aclamados pola crítica. Tamén comparten aspectos similares: protagonistas (nenos pequenos) e temática (como a relación terror/fantasía e o vivir baixo un réxime fascista ou ditatorial).

Guillermo Del Toro caracterízase por imprimir unha estética e ambientación espectaculares ás súas películas, creando ambientes tétricos e atafegantes ou situacións máxicas e fantásticas. O seu estilo está marcado polo seu gusto pola bioloxía e pola escola de arte simbolista, a súa fascinación polo mundo fantástico desde o punto de vista dos contos de fadas e o seu gusto polos temas escuros. Os seus traballos inclúen frecuentemente monstros e/ou seres fantásticos. Del Toro sempre afirmou estar "namorado dos monstros. A miña fascinación cara a eles é case antropolóxica... estúdoos, disecciónoos nalgunhas das miñas películas: quero saber como funcionan, que aspecto teñen por dentro e como se comportan". Tamén ten unha lista doutras cousas que lle fascinan e que se converteron en pezas habituais das súas películas: "teño unha especie de fetichismo polos insectos, reloxeiros, monstros, lugares escuros, cousas sen nacer...".

Guillermo del Toro é tamén amigo de dous directores mexicanos aclamados pola crítica: Afonso Cuarón e Alejandro González Iñárritu. Os tres inflúen ás veces nas decisións dos demais en cuestións de dirección, foron entrevistados xuntos por Charlie Rose, e Cuarón foi un dos produtores de El laberinto del fauno. Os tres foron nomeados ós Premios Oscar 2006, entregados en febreiro de 2007 -del Toro foi nomeado por El laberinto del fauno (que obtivo 6 nomeamentos, incluíndo Mellor Película de Lingua Estranxeira), Cuarón por escribir e editar Children of Men e Iñárritu por producir e dirixir Babel.

Galardóns

Premios Goya 2006

Entregados o 28 de xaneiro de 2007.

Categoría	Persoa	Resultado
Mellor película		Candidata
Mellor director	Guillermo del Toro	Candidato
Mellor actor	Sergi López Ayats	Candidato
Mellor actriz	Maribel Verdú	Candidata
Mellor actriz revelación	Ivana Baquero	Gañadora
Mellor guión orixinal	Guillermo del Toro	Gañador
Mellor fotografía	Guillermo Navarro	Gañador
Mellor montaxe	Bernat Vilaplana	Gañador
Mellor dirección artística	Eugenio	Candidato
Mellor música orixinal	Javier Navarrete	Candidato
Mellor son	Miguel Polo, Martín Hernández	Gañadores
Mellor maquillaxe e barbería	José Quetglas, Blanca Sánchez	Gañadores
Mellores efectos especiais	David Martí, Reyes Abades, Montse Ribe	Gañadores

Premios BAFTA 2006

Entregados o 11 de febreiro de 2007.

Categoría	Persoa	Resultado
Mellor película de fala non inglesa		Gañadora
Mellor guión orixinal	Guillermo del Toro	Candidato
Mellor fotografía	Guillermo Navarro	Candidato
Mellor deseño de produción	Eugenio	Candidato
Mellor deseño de vestiario	Lala Huete, Rocío Redondo	Gañadoras
Mellor son	Miguel Polo, Martín Hernández	Candidatos
Mellor maquillaxe e barbería	José Quetglas, Blanca Sánchez	Gañadores
Mellores efectos visuais	Everett Burrell	Candidato

Premios Oscar 2006

Entregados o 25 de febreiro de 2007

Categoría	Acode	Resultado
Mellor película estranxeira		Candidata (por México)
Mellor fotografía	Guillermo Navarro	Gañador
Mellor guión orixinal	Guillermo del Toro	Candidato
Mellor maquillaxe	David Martí, Montse Ribé	Gañadores
Mellor banda sonora	Javier Navarrete	Candidato
Mellor dirección artística	Eugenio , Pilar Revuelta	Gañadores

Filmografía

Doña Lupe (1985)
Geometria (1987)
Cronos (La Invención de Cronos) (1993)
Mimic (1997)
El espinazo del diablo (2001)
Blade II (2002)
Hellboy (2004)
El laberinto del fauno (2006)
Hellboy II: The Golden Army (2008)

Véxase tamén

Outros artigos

Cinema de México

Ligazóns externas