Alejandro González Iñárritu

Para outras páxinas con títulos homónimos véxase: Alejandro González.

Alejandro González Iñárritu
Iñárritu no 2008.
Nome completo	Alejandro González Iñárritu
Nacemento	15 de agosto de 1963 (59 anos)
Lugar	Cidade de México
Nacionalidade	México
Educado en	Universidad Iberoamericana
Cónxuxe(s)	María Eladia Hagerman
Profesión	Director, produtor, guionista
Premios Premios Óscar Mellor director 2014 - Birdman 2015 - The Revenant Mellor filme 2014 - Birdman Mellor guión orixinal 2014 - Birdman Globos de Ouro Mellor director 2015 - The Revenant Mellor guión 2014 - Birdman Festival de Cannes Mellor director 2006 - Babel
Na rede
[ editar datos en Wikidata ]

Alejandro González Iñárritu, nado na Cidade de México o 15 de agosto de 1963 é un director de cinema mexicano.

Traxectoria

Nado na cidade de México, entre os dezasete e os dezanove anos, viaxou por Europa e África. El mesmo declarou que estas viaxes influíron no seu cinema.

De volta en México estudou comunicación na Universidad Iberoamericana e en 1984 comezou a súa carreira radiofónica na emisora musical WFM, da que se converteu en director catro anos máis tarde. Entre 1987 e 1989 tamén compuxo a banda sonora de seis filmes mexicanos.

Na década de 1990 fundou Z Films con Raúl Olvera, coa que comezou a escribir, producir e dirixir curtametraxes e anuncios, para pasar logo á dirección de televisión en 1995.

En 1999 dirixiu a súa primeira longametraxe, Amores perros, escrita por Guillermo Arriaga. Estreado no Festival de Cannes, foi candidato ao Óscar ao mellor filme en lingua non inglesa entre outros premios e deu a coñecer o actor Gael García Bernal. Tralo éxito, Iñárritu e Arriaga volveron á estrutura de historia ligadas con 21 Grams, con Benicio del Toro, Naomi Watts e Sean Penn.

Os seus seguintes filmes foron Babel, rodada en catro países de tres continentes e en catro linguas e Biutiful, con Javier Bardem, Birdman, e The Revenant. Con estes dous últimos filmes gañou o Óscar ao mellor director en anos consecutivos 2014 e 2015.

Filmografía

Longametraxes

• Amores perros (2000)
• 21 Grams (2003)
• Babel (2006)
• Biutiful (2010)
• Birdman (2014)
• The Revenant (2015)

Curtametraxes

• Detrás del dinero (1995) (TV)
• El Timbre (1996)
• Powder Keg (2001) (Serie "The Hire" para BMW)
• 11'09"01 September 11 (2002)
• Chacun son cinema (2007) (episodio "ANNA")

Véxase tamén

Ligazóns externas

• Alejandro González Iñárritu na IMDb (en inglés).
• Entrevista sobre Amores Perros
• Entrevista en Sounds and Colours sobre BiutifulArquivado 01 de outubro de 2012 en Wayback Machine.