Gonzalo Hermo
Este artigo contén varias ligazóns externas e/ou bibliografía ao fin da páxina, mais poucas ou ningunha referencia no corpo do texto. Por favor, mellora o artigo introducindo notas ao pé, citando as fontes. Podes ver exemplos de como se fai nestes artigos. |
![]() Gonzalo Hermo en 2013. | |
Biografía | |
---|---|
Nacemento | 24 de febreiro de 1987 ![]() Rianxo, España ![]() |
Datos persoais | |
País de nacionalidade | España ![]() |
Formación profesional | Filoloxía Galega |
Educación | Universidade de Santiago de Compostela - Filoloxía galega ![]() |
Actividade | |
Campo de traballo | Poesía ![]() |
Lugar de traballo | Galicia ![]() |
Ocupación | escritor , filólogo , poeta ![]() |
Xénero artístico | Poesía |
Lingua | Lingua galega e lingua castelá ![]() |
Premios | |
![]() ![]() ![]() ![]() |
Gonzalo Hermo González, nado en Taragoña (Rianxo) o 24 de febreiro de 1987, é un poeta, filólogo e tradutor galego.
Traxectoria
[editar | editar a fonte]Licenciouse en Filoloxía Galega en 2010, e doutorouse en Lingüística Galega pola Universidade de Santiago de Compostela en 2010 coa tese O Tombo de tenzas primeiro (ACS CF 17) (1352-1412): estudo completo e edición das vinte e cinco primeiras tenzas, con especial atención ao elemento onomástico, dirixida por Ana Boullón[1]. Impartiu docencia nas universidades de Santiago de Compostela e na Universitat Autònoma de Barcelona. Vive en Barcelona, traballa no sector editorial e é profesor do curso anual de poesía da Escola de Lletres de Tarragona.
Os seus primeiros textos de creación viron a luz en revistas coma Dorna, Andar 21 ou Nova Ólisbos. En 2008 publicou unha colectánea de poemas na Revista das Letras do xornal Galicia Hoxe baixo o título Escola do resentimento.
Publicou varios libros de poemas. Pola súa obra, recibiu, entre outros, o Premio Xuventude Crea da Xunta de Galicia (2010), o Premio da Asociación Española de Críticas Literarios (2015), o Premio Nacional de Literatura na modalidade de Poesía Nova Miguel Hernández (2015) ou o Premio de Poesía Afundación (2018).
Participou nos festivais internacionais de poesía de Córdoba (Arxentina), Ottawa (Canadá), Barcelona e Mallorca, entre outros. Ademais, traduce poesía galega contemporánea e é membro fundador da editora-libraría-espazo de creación Chan da Pólvora, con sede en Santiago de Compostela.
Traballou no Instituto da Lingua Galega, e é membro das Redes Escarlata.
Obras
[editar | editar a fonte]Poesía
[editar | editar a fonte]- Crac (Barbantesa, 2011).
- Celebración (Apiario, 2014).[2]
- A vida salvaxe (PEN Clube de Galicia, 2018). Foi traducida ao catalán.[3]
Narrativa
[editar | editar a fonte]- Diario dun enterro (Editorial Galaxia, 2019)
Obras colectivas
[editar | editar a fonte]- Novas de poesía. 17 poetas (Fundación Uxío Novoneyra, 2013). Poesía.
- Versus cianuro. Poemas contra a mina de ouro de Corcoesto (A. C. Caldeirón, 2013). Poesía.
- De Cantares Hoxe. Os Cantares Gallegos de Rosalía de Castro no século XXI (Fundación Rosalía de Castro/Radio Galega, 2015). Poesía.
- 6 poemas 6. Homenaxe a Federico García Lorca (Biblos Clube de Lectores, 2015). Poesía.
- No seu despregar (Apiario, 2016). Poesía.
Tradución
[editar | editar a fonte]- Ningún precipicio, de Olalla Cociña (Madrid: Diminutos Salvamentos, 2017). Ao español.
- Permaxeo, de Eva Baltasar (Kalandraka, 2020).
Premios
[editar | editar a fonte]- Primeiro premio de poesía do Certame Xuventude Crea da Xunta de Galicia no 2010.
- Primeiro premio do I Concurso de Poesía Centro Recreativo de Artes en 2014, por O pracer.
- Segundo premio no III Premio de Poesía Manuel Leiras Pulpeiro no 2014, por Marchamos.
- Premio da Crítica de poesía galega no 2014, por Celebración.
- Premio Nacional de Poesía Joven Miguel Hernández no 2015, por Celebración.
- Premio de poesía Afundación no 2018, por A vida salvaxe.[4]
- Premio Narrativa Breve Repsol no 2019, por Diario dun enterro.[5]
Notas
[editar | editar a fonte]- ↑ "Defensa da tese de doutoramento de Gonzalo Hermo". Instituto da Lingua Galega. 2 de maio de 2017.
- ↑ Tradución ao catalán por Adrià Targa co título Celebració (Godall Edicions, 2016) e ao español por Miriam Reyes (La Bella Varsovia, 2017).
- ↑ "La vida salvatge". bibliotraducion.uvigo.es. Arquivado dende o orixinal o 07 de xuño de 2020. Consultado o 2019-11-04.
- ↑ "Gonzalo Hermo gaña o XVI Premio de Poesía AFundación". Cultura Galega. 18 de xullo de 2018. Consultado o 3 de agosto de 2018.
- ↑ "Gonzalo Hermo gaña o Premio Repsol de Narrativa Breve". Praza Pública. Consultado o 25 de setembro de 2019.
Véxase tamén
[editar | editar a fonte]Entrevistas e gravacións
[editar | editar a fonte]- Gonzalo Hermo en Página Dos, de Televisión Española
- Entrevista a Gonzalo Hermo en Vértice de Versos
- Book-tráiler de Celebración
Ligazóns externas
[editar | editar a fonte]- Entrevista en Insula europea
- Escola do Resentimento, blog do autor
- Gonzalo Hermo na páxina web da Asociación de Escritoras e Escritores en Lingua Galega.
- Perfil en As escollas electivas