Proba Trinity
Trinity foi o nome en código da primeira detonación dunha arma nuclear na historia, levada a cabo polo Exército dos Estados Unidos ás 5:29 A.M. do 16 de xullo de 1945 como parte do Proxecto Manhattan. A proba realizouse no deserto Jornada del Muerto a uns 56 km ó sueste de Socorro, Novo México, no que entón era o Campo de Tiro e Bombardeo da USAAF en Alamogordo. As únicas estruturas ali presentes orixinalmente eran a casa de campo McDonald e os seus edificios complementarios, que os científicos usaron como laboratorio para probar compoñentes de bombas. Na semana da proba houbo unhas 425 persoas presentes no lugar.
O nome en código "Trinity" designouno Robert Oppenheimer, director do Laboratorio de Los Alamos, inspirado na poesía de John Donne. A bomba era un artefacto de implosión de plutonio, co alcume informal "O Trebello" (inglés: "The Gadget"), co mesmo deseño que a bomba Fat Man detonada sobre Nagasaki o 9 de agosto de 1945. A complexidade deste deseño requiriu un grande esforzo por parte do persoal de Los Alamos, e as preocupacións sobre a súa efectividade deron lugar á realización da primeira proba nuclear, planeada e dirixida por Kenneth Bainbridge.
Por mor da preocupación dunha efervescencia construíuse un contedor de aceiro denominado "Jumbo" para o plutonio que permitiría a súa recuperación, aínda que non se utilizou finalmente. O 7 de maio de 1945 realizouse un ensaio, detonando 98 toneladas de explosivos ós que se lle engadiron isótopos radioactivos. A detonación do "Trebello" liberou unha enerxía explosiva equivalente a uns 22 quilotóns de TNT. Entre os observadores da proba estiveron Vannevar Bush, James Chadwick, James Conant, Thomas Farrell, Enrico Fermi, Richard Feynman, Leslie Groves, Robert Oppenheimer, Geoffrey Taylor e Richard Tolman.
O sitio da proba foi declarado Fito Histórico Nacional en 1965 e engadiuse á lista do National Register of Historic Places ó ano seguinte.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Proba Trinity  |
Bibliografía[editar | editar a fonte]
- Bainbridge, Kenneth (1975). "'All in Our Time' — A Foul and Awesome Display". Bulletin of the Atomic Scientists (Educational Foundation for Nuclear Science) 31 (5). ISSN 0096-3402.
- Bainbridge, Kenneth (1976). Trinity (PDF). Los Alamos National Laboratory. OCLC 692261377. LA-6300-H.
- Coster-Mullen, John (2012). Atom Bombs: The Top Secret Inside Story of Little Boy and Fat Man. Waukesha, Wisconsin: J. Coster-Mullen. OCLC 298514167.
- Dvorak, Darrell F. (Winter 2013). "The First Atomic Bomb Mission: Trinity B–29 Operations Three Weeks Before Hiroshima". Air Power History 60 (4): 4–17. ISSN 1044-016X.
- Groves, Leslie (1962). Now It Can Be Told: The Story of the Manhattan Project. New York: Harper. ISBN 0-306-70738-1. OCLC 537684.
- Gutenberg, B. (1946). "Interpretation of Records Obtained from the New Mexico Atomic Test, July 16, 1945" (PDF). Bulletin of the Seismological Society of America 36: 327–330. ISSN 0037-1106.
- Hijiya, James A. (2000). "The Gita of Robert Oppenheimer" (PDF). Proceedings of the American Philosophical Society 144 (2). ISSN 0003-049X. Arquivado dende o orixinal (PDF) o 26 de novembro de 2013. Consultado o 14 de decembro de 2017.
- Jones, Vincent (1985). Manhattan: The Army and the Atomic Bomb (PDF). Washington, DC: United States Army Center of Military History. OCLC 10913875. Arquivado dende o orixinal (PDF) o 07 de outubro de 2014. Consultado o 14 de decembro de 2017.
- Szasz, Ferenc Morton (1984). The Day the Sun Rose Twice: The Story of the Trinity Site Nuclear Explosion, July 16, 1945. Albuquerque: UNM Press. ISBN 0-8263-0768-X. OCLC 10779209.
|
Este artigo sobre historia é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |