Río Miño

Cos seus 307 km^{[Cómpre referencia]}, o Miño (en portugués: Minho) é o río máis longo de Galiza. Nace no Pedregal de Irimia (Serra de Meira) (Meira - Lugo), forman tamén a súa cabeceira os Regos, Porto da Pena e Xirómeno. Máis adiante acrecenta o seu caudal coas augas da Lagoa de Fonmiñá (A Pastoriza - Lugo, a uns 50 km ao norte da capital de provincia), . Atravesa Lugo e Ourense, e desemboca en A Guarda (Pontevedra), facendo fronteira con Portugal (onde se di que desemboca preto de Caminha). Pasa polas vilas de Rábade (Lugo), Tui, Melgaço, Monção e Valença do Minho.

É tamén o río máis caudaloso de Galiza, tendo como afluente o Sil, que aporta un caudal semellante na fronteira entre as provincias de Lugo e Ourense (Os Peares, 30 km ao norte de Ourense). Está inzado de encoros: 3 entre Lugo e Ourense Belesar, 654 hm³ Os Peares, 182 hm³ Velle, 17 hm³ e dous entre Ourense e Portugal Castrelo de Miño, 60 hm³ Frieira, 44 hm³,

Despois de recibir o Sil, flúe cara ao sudoeste e constitúe a partir do encoro de Frieira ata a desembocadura fronteira entre Galiza e Portugal. En Ribadavia, ás súas beiras, prodúcese o célebre viño do Ribeiro de Avia. Fai de fronteira uns 80 km, no centro dun val de forte produción agrícola, con millo ou patacas, por exemplo, así como forraxe para o gando. Na tirada final tamén se ve bordeado por viñas de Alvariño.

É practicamente non navegábel, exceptuada a súa desembocadura.

Afluentes

Marxe dereita → na provincia de Pontevedra: Río Tamuxe (tamén chamado río Carballas, Carballo ou Carvallo), Río Pego, Río Cereixo da Briña, Río Furnia (tamén chamado Forcadela), Río Louro, Río Tea, Río Caselas, Río Deva (hai outro río Deva pola marxe esquerda), Río Ribadil, Río Cea. Na provincia de Ourense: Río Avia, Río Barbantiño. Río Bubal no limite de Ourense con Lugo. Na provincia de Lugo: Río Asma, Río Narón, Río Ferreira, Río Mera, Río Narla, Río Ladra, Río Támoga, Río Anllo.

Marxe esquerda → Rio Mouro, Río Gadanha e Río Coura na marxe portuguesa, Río Deva (hai outro río Deva pola marxe dereita), Río Arnoia, Río Barbaña (no concello de Ourense), Río Lonia (no concello de Ourense), Río Sil, Río Sardiñeira, Río Loio, Río Neira, Río Chamoso, Río Robra (tamén chamado río Santa Marta), Río Lea, Río Azúmara.

Véxase tamén

Vista do río Miño desde Valença (Portugal)

• Ríos de Galicia

• Regatos de Galicia

• Concellos de Galicia

• Fotos de ríos galegos en Commons