Diana

Na Galipedia, a Wikipedia en galego.
Diana de Versalles, copia romana do orixinal grego atribuído a Leocares (Museo do Louvre, París).

Na mitoloxía romana, Diana é a equivalente á grega Artemisa.

Deusa Virxe da caza, protectora da natureza. É a irmá xemelga do deus Apolo, filla de Xúpiter e Latona. Ao nacer antes có seu irmán, foi testemuña das dores do parto, e pediulle ao seu pai a graza da virxindade eterna xunto coa súa irmá Minerva. O seu propio pai armouna co arco e as frechas e fíxoa raíña dos bosques, dándolle por comitiva un grupo de ninfas que debían garda-lo celibato; elas acompañábana a cazar, xa que era a súa ocupación favorita.

Etimoloxía[editar | editar a fonte]

A etimoloxía do seu nome é simplemente a Deusa, sendo pois o seu paralelo grego neste sentido, aínda que non no culto, Dione en Dódona.

Roles e Funcións[editar | editar a fonte]

Diana foi orixinalmente unha deusa da caza, relacionada cos animais e as terras salvaxes. Máis adiante pasou a ser unha deusa da Lúa, suplantando a Lúa (deusa latina) e sendo tamén un emblema da castidade. As carballeiras estábanlle especialmente consagradas. Era louvada na poesía pola súa forza, graza atlética, beleza e habilidades na caza.

Na práctica formaba unha trindade coas outras dúas deidades romanas: Exeria, a ninfa acuática, a súa servente e axudante comadroa, e Virbio, o deus dos bosques.

Commons
Commons ten máis contidos multimedia na categoría: Diana Modificar a ligazón no Wikidata